電視機評測!私竇多咗部 Android TV TCL P8S

2020-02-05 18:06
香港居住環境好濟迫,工作壓力又大,唔少人都開始揾私竇,將屋企無位裝嘅雜物都擺埋係裡面;仲可以變為「樹窿」等版主有個休息空間。就係咁,我哋 ePrice 兩位版主加兩個好友,就係九龍某角租咗一個二百尺都無嘅空間。又唔知做乜,跌咗部 TCL P8S 電視機落嚟。呢部機最大賣點就係佢用  Android TV 系統, 我哋當然好有興趣玩弄一下,好啦,就寫下佢嘅感受啦!

電視機評測!私竇多咗部 Android TV TCL P8S
 

講下安裝

成架電視機係無底盤嘅,用咗「前二後一」三腳式撐起部機。安裝容易嗎?有晒說明書嘅,不過你要預備一個十字螺絲批。注意嘅係,因為佢用兩邊支架,唔係底盤,係慳位嘅,但係你要揾一個好穩陣嘅平面放上去先比較 OK。

電視機評測!私竇多咗部 Android TV TCL P8S
▲ 呢間就係 ePrice 係九龍某處嘅「私竇」係咪好唔似 Office 呢?多咗部電視機,用來 hea 下好唔錯。

 

 
講下部機
TCL 呢部 P8S,係一部 55 吋嘅 LED 電視機,用咗 4K Panel,所以出到超級高清影像。先講講設計,呢部機採用金屬 + 全面屏,邊框最薄厚度為 2mm,窄邊框睇落係幾吸引。

電視機評測!私竇多咗部 Android TV TCL P8S
▲ TCL P8S 是一部用 4K LED 面版嘅 Android TV。

   
畫質齊睇
TCL 是擁有自家面板技術,今次玩緊嘅 TCL P8S 用 4K LED 面版,支援 WCG 廣色域之外,仲支援 HDR 10+、Micro Dimming 微調光等技術,我哋用 Neflix 及 YouTube 4K 試過畫質,效果好好。

電視機評測!私竇多咗部 Android TV TCL P8S
▲ 播放 Netflix 嘅效果。
 

真 Android TV 

其實,私竇係收唔到電視訊號,但有寬頻上網。所以,呢部 TCL P8S 對我哋來講,就係用來睇「網台」。好采嘅係,TCL 是少數香港電視機品牌用 Android TV 系統,而部機就係行 Android TV 9.0。雖然,佢係用到 Google Play,但呢個 Google Play,只會提供電視版本嘅 App。電視版嘅 Google Play,主要係用來播放影片或聽歌,介面都會係專俾電視機配合遙控器使用,若果以睇片、聽歌角度來講,呢個電視版 Google Play,其實夠用。

電視機評測!私竇多咗部 Android TV TCL P8S
▲ Android TV 介面。

電視機評測!私竇多咗部 Android TV TCL P8S
▲ 私竇收唔到電視訊號,但上到網,睇 Netflix 無問題。Netflix 有 TV app,操控好方便。

電視機評測!私竇多咗部 Android TV TCL P8S
▲ 當然唔少得 YouTube。

電視機評測!私竇多咗部 Android TV TCL P8S
▲ 聽下歌,連上你嘅 Spotify 戶口就可以了。

電視機評測!私竇多咗部 Android TV TCL P8S
▲ 上到網嘅話,係 Google Play Store (TV 版) 已有講人話電視 App,Now 三個台,ViuTV,有線新聞,財經台,娛樂台,香港開電視,RTHK 31,32 都可以睇到,仲有其他網台嘅直播。

電視機評測!私竇多咗部 Android TV TCL P8S
▲ 有得上網,就有得睇電視節目。

電視機評測!私竇多咗部 Android TV TCL P8S
▲ 特別要講嘅係,TCL P8S 跟機有兩個遙控器,細嗰個除咗有 Netfilx 專用鍵,仲有一個 Google Assistant按鍵,你可以用廣東話同佢溝通,例如揾 YouTube Video 等等,但原來問天氣,問地方都得。唔信?睇片啦!


 

電視機係用來上網睇片

係電視機界,智能上網部份,以 Android  TV 作系統嘅,除咗 Sony,就係 TCL,而 TCL 電視機嘅售價,都算平。以呢部 P8S 為例,55 吋芒都只係賣 $5798,細少少 50 吋就係 $4980。呢部機屏幕色水好好,因為用咗 Android TV 系統,睇 Netflix,聽 Spotify 睇 YouTube 都極為方便,加埋已有 App 支援香港主流電視台及網台直播,真係一部互聯通電視機。放咗係私竇,得閒 hea 睇 Netflix 係正嘅!

此外 TCL 另一 4K TV 系列 P8M 售價則由 $3380 起,同樣內置 Android TV 系統並支援 HDR 10。有興趣可瀏覽 TCL 網頁。     

 
多謝支持 ePrice.HK
您可能也喜歡▼