中原指定門市買任何耳機 加 $1 送尿袋 / 藍牙喇叭 / 記憶卡

左定坤 (Cho Ting Kwan) 2020-09-11 19:24 | 數碼影音

中原近期好活躍，耐唔耐都會搞下優惠，吸引下網友嘅注意，之前就有搞耳機優惠，後來又有　Apple 產品優惠，今期又輪返到耳機優惠，而今次嘅優惠就係，於指定門市買任何耳機，加 $1 就換到尿袋、藍牙喇叭等等。講到任何耳機都得，最平果隻又係幾錢呢？睇下文啦！



今次搞優惠活動嘅，係尖沙咀海港城分店，今個星期六、日 (12、13 日) 只要到呢個分店買任何耳機，就可以 $1 換購 Type C 擴展器、尿袋、藍牙喇叭、記憶卡等等，禮品總值超過 $10000。而中原亦都喺 Facebook 專頁提醒大家，若果用 DBS 信用卡簽賬，仲可以享有高達 $500 嘅一扣即享折扣，呢個優惠大家認為算唔算抵呢？

而既然任何耳機都有得加錢換購，咁版主都向中原方面了解過，到底呢間門市買到最平嘅耳機係邊隻呢？經了解，中原表示係 JBL Reflect Mini 2，現時特價 $318。