20 小時播放時間 + 主動降噪!Apple 頭戴耳機 AirPods Max 推出

2020-12-08 22:35
完全無諗過,Apple 會毫無先兆咁,送畀大家一份「聖誕驚喜」,突發推出無線頭戴耳機 AirPods Max。呢款 AirPods Max 即日起可以訂購,有五款顏色可以揀,總有一隻顏色啱你心水。而 AirPods Max 會賣幾錢,有乜特色,內文話你知!

20 小時播放時間 + 主動降噪!Apple 頭戴耳機 AirPods Max 推出-0

AirPods Max 即日起接受預訂,共有五種顏色,分別為太空灰、銀色、綠色、天藍色以及粉紅色,建議零售價為 $4599。呢個價錢對版主嚟講,係幾貴,不過對於對耳機音質有要求嘅,又會唔會覺得佢物超所值呢?

20 小時播放時間 + 主動降噪!Apple 頭戴耳機 AirPods Max 推出-1
   

AirPods Max 用透氣嘅網狀織面覆蓋整個頭帶,以分散重量降低頭部壓力,不鏽鋼頭帶框架為唔同頭型提供支撐度、彈性以及舒適度,而頭帶伸縮臂可延展並鎖定位置,維持最舒服嘅貼合度。而每個耳罩以獨特設計同頭帶相連,可平衡並分散耳罩壓力,令每個耳罩都可以獨立旋轉,貼合唔同人頭型。每個耳罩軟墊都用咗聲學工程記憶海綿,有效製造密封效果,提供沉浸式音效體驗。

另外,留意到耳罩部分會有個好似 Apple Watch 嘅數碼旋鈕,可以用嚟調教音量嘅同時,並能進行播放、暫停音訊,跳到下一首、接聽或掛斷電話等功能,並且可以啟動 Siri。

AirPods Max 用上 40mm Apple 設計嘅動圈驅動器,Apple 表示可以提供豐富、低沉嘅低音、精準嘅中音以及清脆、乾淨嘅高頻擴展,獨特嘅雙釹環形磁鐵電動機令耳機總諧波失真喺整個可聽範圍都維持 1% 以下。耳機每個耳罩都配備 Apple H1 晶片,晶片嘅 10 個音訊核心每秒各可進行 90 億次操作,運算音訊技術做到適應性 EQ、主動消噪、 空間音響等效果。

AirPods Max 透過光學感測器與頭戴偵測功能,可自動偵測使用者係咪戴住耳機,戴住耳機就會播歌,放入或者抬起單邊,就會暫停播放。

最令我關心嘅係續航力,Apple 表示 AirPods Max 可提供高達 20 小時高度傳真音色、通話時間或電影播放,且有主動消噪功能與空間音訊效果。