美國出品:家用夜視攝影機 Arlo Essential 開箱實測!

2021-05-01 21:01
早幾個月介紹過高級野比各位網友,但無線門鈴始終唔係個個都有機會用得著,村屋朋友就話好有用,但更多人問本 YK 有無都室內攝影機,又係來佬貨推介,用黎返工時睇住屋企的汪汪和喵喵,又或者睇住屋企小朋友有無認真溫書之類。 美國 Arlo 最近都出左一款 Essential 系列的家用夜視攝影機,比較特別係提供夜間拍攝功能,全黑地方都影得一清二楚。 夜晚廚房有聲的話,你都可以留係張床上,就見到「米奇」查探緊垃圾桶喇 ~

美國出品:家用夜視攝影機 Arlo Essential 開箱實測! -0

開箱
家用鏡頭產品最重要係安全、可靠,用落先放心嘛 ~  Arlo 應該係市場上極少數擁有「非中國製」生產線的企業,而官方自家亦有提供雲端服務「Arlo Smart」強化各種功能,而新產品開箱亦送 3 個月的服務體驗。之後如果唔訂閱的話,亦保留到基礎的 LIVE 即時睇 CAM 功能。呢次同大家開箱試玩的 Arlo Essential 建議零售價係 988 元。 而比較特別係佢設計上有一個實體自動私隱保護盾,可以物理屏蔽鏡頭,萬一不幸被入侵都唔怕比人睇到,相當貼心的設計。

美國出品:家用夜視攝影機 Arlo Essential 開箱實測! -1
▲ 呢款入門型號係室內使用,如果要戶外防水的話,就要選擇另外高階款; 需要留意是 Essential 這款小鏡頭是需要拖電線,並非充電款。

美國出品:家用夜視攝影機 Arlo Essential 開箱實測! -2
▲ 賣點基本上係盒面已經展示得一清二楚,當然部分需要配合訂閱服務 Arlo Smart 先有。

美國出品:家用夜視攝影機 Arlo Essential 開箱實測! -3
▲ 如果你屋企比較大,小朋友會爬黎爬去,動作偵測區域係值得課金。

美國出品:家用夜視攝影機 Arlo Essential 開箱實測! -4
▲ 大大個字「MADE IN INDONESIA」,記憶中市面上絕大部分同類產品都係中國製造,而 Arlo 另類的產地固然提供多一個選擇比大家 ~


真機配件一覽 
美國出品:家用夜視攝影機 Arlo Essential 開箱實測! -5
▲ 一如過往 Arlo 產品配件都相當齊全。

美國出品:家用夜視攝影機 Arlo Essential 開箱實測! -6
▲ 圖片中就係開箱內應有的配件,有上牆螺絲包,亦包括香港英規和日本、台灣常見的雙腳頭。

美國出品:家用夜視攝影機 Arlo Essential 開箱實測! -7
▲ 另外有一塊上牆固定架,方便安裝係轉角的牆壁上。

美國出品:家用夜視攝影機 Arlo Essential 開箱實測! -8
▲ 附送的火牛同普通手機 USB 火牛一樣,提供最基本的 5V/2A 輸出功率。 

美國出品:家用夜視攝影機 Arlo Essential 開箱實測! -9
▲ 超長特製的 L 形 microUSB 插頭,但點解唔做 USB-C 呢?

美國出品:家用夜視攝影機 Arlo Essential 開箱實測! -10
▲ 雖然無用到 USB-C 但方向都好難會錯,畢竟插落去攝影機只有一個角度(如圖)。

美國出品:家用夜視攝影機 Arlo Essential 開箱實測! -11
▲ 鏡頭左右具備感應器、以及隱藏了一個夜視專用的非可視補光燈。

美國出品:家用夜視攝影機 Arlo Essential 開箱實測! -12
▲ 頂部有個收音孔之外,鏡頭前提供一塊白色的自動私隱保護盾,用戶可以開關塊保護盾。

美國出品:家用夜視攝影機 Arlo Essential 開箱實測! -13
▲ 組裝完成後就係咁簡單,無乜特別野需要搞。


專屬軟件設定 
Arlo 產品線都會有相應的手機 Apps 配合使用,可以在 PlayStore 或 AppStore 搜尋「Arlo」就搵得到,安裝後先免費註冊一個個人帳號。
美國出品:家用夜視攝影機 Arlo Essential 開箱實測! -14美國出品:家用夜視攝影機 Arlo Essential 開箱實測! -15
▲ 根據指示選擇正確的型號,並檢查清楚是否配件齊全;值得留意是不能 5GHz WiFi 網絡,必須連接 2.4GHz WiFi 無線網絡,接通後會自動檢查和更新軟件。

美國出品:家用夜視攝影機 Arlo Essential 開箱實測! -16美國出品:家用夜視攝影機 Arlo Essential 開箱實測! -17
▲ 這款 Arlo Essential 攝影機正如前面所講,有實體保護盾;另外亦可以透過雙向收音咪進行對話,方便你同汪汪喵喵講野。 

美國出品:家用夜視攝影機 Arlo Essential 開箱實測! -18
▲ 再提醒多次,新機買翻黎註冊好帳號是附送 3 個月的 Arlo Smart 雲端服務體驗包;記得試得詳細少少是否滿足到你的需求,之後要再課金先再算喇。


實測夜視功能
美國出品:家用夜視攝影機 Arlo Essential 開箱實測! -19
美國出品:家用夜視攝影機 Arlo Essential 開箱實測! -20
▲ 如果現場無光,Arlo Essential 攝影機會自動啓動黑白夜視模式,情景就好似上面兩張圖咁,可視角度達 130 度超廣角。

美國出品:家用夜視攝影機 Arlo Essential 開箱實測! -21美國出品:家用夜視攝影機 Arlo Essential 開箱實測! -22
▲ 但你可能會話,夜視? 但睇落去好似有人開左個超光手電筒係度影住啊! 你呃人?

美國出品:家用夜視攝影機 Arlo Essential 開箱實測! -23
▲ 如果用手機鏡頭影過去運作中的攝影機,會影到好似上面的強烈白燈,但事實上真實肉眼只會見到一個黯淡紅燈仔,其實就是外紅線夜拍功能。 

美國出品:家用夜視攝影機 Arlo Essential 開箱實測! -24
▲ 當然,如果你繼續訂閱雲端服務,就會繼續獲得動作偵測警示功能,有隻鹿車飛過你都肯定收到通知喇!


總結
整個鏡頭產品基本上都能滿足實際的即時監控需求,值得注意是考慮到物理性的信號強度問題,暫時只能採用 2.4GHz WiFi 網絡進行連接,不支持 5GHz 網絡制式。 對於本 YK 這類全屋只有 5GHz 制式的用戶來講,需要令我特意做一些改動遷就 Arlo Essential 攝影機,確實有一些不便。 最後我用電腦 WiFi 網絡額外適配獨立的 2.4Ghz 網絡,完美解決問題。

考慮到目前市面上中國品牌、中國製造的室內攝影機數之不盡,Arlo Essential 夜視攝影機正好填補了非國產的市場需求。 而實際操作上 1080p 畫質不論是錄製還是 LIVE 畫面傳輸,都能夠提供即時、清晰的監控影片,出左街的你都能夠掌握屋企寵物、小朋友、老人家的動向,必要時仲可以打開個喇叭直接講野。值得欣賞的是加入實體保護盾設計,你在家的時間自然不需要打開鏡頭,能夠更好保護用戶的私隱。