​[有圖] 未來特首強撐小米! 林鄭 Facebook 短片現小米筆記本

2017-02-07 18:03
未來特首?都未算?不過建制個邊係咁吹風喎!你信唔信先?林鄭真係選咗做特首,最大得益者係邊間 IT 公司?版主靠估咁講,一定係小米! 唔係無原因架!林鄭個仔,明明係英國讀書,但居然肯入小米做高層,仲要長駐北京!係林鄭官方 Facebook 上面第一條短片,疑似小米筆記本現身!撐到出晒面,你仲唔明白?小米係香港,仲唔發達?

​[有圖] 未來特首強撐小米! 林鄭 Facebook 短片現小米筆記本

有圖有真相
......
不過作為 IT 網站,有人講林鄭用小米筆記本,版主不如跟大家分折一下。首先,有留意小米筆記本,都知佢係跟足 MacBook Air 設計,但專登無係機背加 Logo (下圖 1),所以係短片裡面的幾秒間,你會覺得林鄭只係用緊一部 MacBook Air 嘅物體,咁林鄭之前係司長,用 MacBook 唔出奇,但睇真 D,機背連 Logo 都無,就算其他品牌,扮 MacBook Air 嘅廠,都一定會有大大隻 Logo!所以,短片上嘅電腦,係小米筆記本,一 D 都唔出奇。另外,短片見到有 Mouse! (下圖 2) 用開 MacBook 都知,其實唔需要用 Mouse 都操作自如,小米筆記本用 Windows 架,要配合 Mouse 使用,好正常。

​[有圖] 未來特首強撐小米! 林鄭 Facebook 短片現小米筆記本

​[有圖] 未來特首強撐小米! 林鄭 Facebook 短片現小米筆記本

版主唔會話林鄭百份百用緊小米筆記本,但機會大。加多一句,小米香港無賣小米筆記本,可能係林鄭個仔送俾佢?定係搶先撐小米?

政治嘅嘢,我識條鐵。
多謝支持 ePrice.HK