極邪惡!持久輕巧、兩千有找:隱世 11 吋新規筆電包送上門

2018-06-18 10:32
每次新一輪假期,唔少老豆輩、甚至老爺輩的網友都會問 YK 我,市面上有無平價筆記本電腦,效能不需要太強,最重要係小朋友做到功課就可以。最好係電池耐用少少,輕巧少少,帶出街做 Project 都方便。 最難搞係孩子他媽媽只批准 2000 蚊預算,頂盡三千蚊內叫我幫手拆掂。呢個極邪惡的要求逼本 YK 尋找隱世筆電,慘過食「足料流心紫薯拉絲芝士抹荼雪糕海膽Tiffany炸雞雞煲」! 如果你都面臨呢種困局,請入內查看。

極邪惡!持久輕巧、兩千有找:隱世 11 吋新規筆電包送上門

Amazon 買機:其實有包送貨到屋
本身有打算推薦小朋友買 Chromebook,但後來想想做功課不能無 Windows,買 Chromebook 後肯定增加本 YK 後續的煩惱。但 Windows 機有咁平的嗎? 有電池耐用的嗎? 有輕巧的嗎? 有唔係龜速 ATOM 處理器嗎? 抱著四大皆 NO 的疑惑,我終於在遙遠的森林裡找到隱世筆電,11 吋屏幕,機身只要約 1KG 的重量,用上 2017 年 12 月才推出的處理器,更採用 DDR4 記憶體,續航力聲稱達 10 小時。最吸引係送到屋企只需要 2000 蚊港幣!

出發之前有野幾樣野提醒大家:
第一、以下電腦全部係 Amazon 內可以送到你屋企的型號;
第二、Amazon 內售賣的電腦型號哪怕一樣,內裡規格都可以有好大分別,即使同一個規格都有不同價錢;
第三、以下存貨隨時間變動,截稿前係仲有得賣;
第四、每部機的規格自己睇圖、產品 LINK 亦不提供、請自行去 Amazon 搜尋;
第五、我只係列出部分 11 吋屏幕的輕巧型號,平價新款 13-15 吋機都滿地皆是,請自己慢慢睇。


 一號佳麗:ASUS VivoBook E203MA
賣點:內置新款 Celeron N4000 處理器、有 LPDDR4 記憶體,續航力聲稱達 10 小時,重量大約 1KG,係今次首選大熱門!

極邪惡!持久輕巧、兩千有找:隱世 11 吋新規筆電包送上門
極邪惡!持久輕巧、兩千有找:隱世 11 吋新規筆電包送上門
▲ 含運費最平 1965 元,本 YK 都會考慮入翻部出 Trip 用~


二號佳麗:ASUS VivoBook E203NA
賣點:同屬 E203 系列,但規格上採用舊料,如 Celeron N3350 和 DDR3 記憶體;一樣輕巧細小,但價錢平少少。

極邪惡!持久輕巧、兩千有找:隱世 11 吋新規筆電包送上門
極邪惡!持久輕巧、兩千有找:隱世 11 吋新規筆電包送上門
▲ 含運費最平 1720 元,當買部玩具黎玩 / 裝 Linux 都唔錯。


三號佳麗:Dell Inspiron 11 i3168 
賣點:效能比較高的 Pentium 處理器,有 500GB 硬碟,二合一款可翻轉觸控屏幕。

極邪惡!持久輕巧、兩千有找:隱世 11 吋新規筆電包送上門
極邪惡!持久輕巧、兩千有找:隱世 11 吋新規筆電包送上門
▲ 含運費最平 2277 元,規格好少少自然價錢高少少。


四號佳麗:HP Stream 11 Pro
賣點:跟機 Windows 10 專業版。

極邪惡!持久輕巧、兩千有找:隱世 11 吋新規筆電包送上門
極邪惡!持久輕巧、兩千有找:隱世 11 吋新規筆電包送上門
▲ 含運費最平 2145 元,叫做比大家多一個選擇。


五號佳麗:ASUS VivoBook Flip 12
賣點:聲稱八小時續航,有埋原裝觸控筆、有指紋識別器。

極邪惡!持久輕巧、兩千有找:隱世 11 吋新規筆電包送上門
極邪惡!持久輕巧、兩千有找:隱世 11 吋新規筆電包送上門
▲ 含運費最平 2345 元,價錢係比較高但花樣佢最多。


注意事項:
# 新手入坑,去 Amazon 買野其實同任何網購平台一樣,睇清楚所有條款以及產品描述,做好 Cap 圖記錄後先考慮入手,確保自己利益。

# 部分產品有保養,但要符合指定要求,如運費承擔 / 無條件退貨等,都會寫得好清楚,如果有疑問千萬不要問本 YK,請直接聯絡 Amazon 人員。

# 付款方面,選擇用港幣結算或美元結算,注意部分信用卡公司會收取海外找數手續費。

# 買 Windows 機建議最少有 64GB eMMC / SSD / HDD + 4GB RAM,如果得 16/32GB + 2GB RAM 絕對係玩死你自己。

# 留意 Windows 10S 和 S mode 的描述,雖然微軟政策非常混亂,但賣家會寫清楚產品是否可以免費升級為「全功能 Windows 10」,一切以購買產品之頁面描述為準。

最後,當你買左機收貨後,一齊分享玩電腦的樂趣啦!
 
發表於 2018-06-20 03:49
2 樓
For 2 grand , you can't beat it with full functioning mini laptop