AMD Ryzen 加持:罕見日系大芒筆電 VAIO E15 開箱實測

2021-01-25 10:28
黎到 2021 年,好多朋友依然繼續 Work From Home 在家工作,繼續都有各種換新筆電的需求。 香港 Nexstgo 引進一款日系風格的筆電 VAIO E15,「舊名新機」有 AMD Ryzen 處理器加持。 擁有15.6 吋大芒的筆電,絕對係 Desktop Replacement 節省空間之選。 咁到底 VAIO E15 新版的硬件性能、造工又如何呢? 一齊開箱實測喇!

AMD Ryzen 加持:罕見日系大芒筆電 VAIO E15 開箱實測

首發開箱
首先講個售價先,香港官方的建議零售價係 Ryzen 5 3500U 版賣 6990 元,而 Ryzen 7 3700U 版賣 7990元,兩者相差 1000 蚊,其實就只係處理器(+ GPU) 差異,其他規格一模一樣的。 而過往經驗話比大家聽,一般文書、玩小遊戲的話,3500U 和 3700U 分別不大。 所以,是否攻頂買 7990 元的 Ryzen 7 版就見仁見智。

AMD Ryzen 加持:罕見日系大芒筆電 VAIO E15 開箱實測
▲ 首先當然有個箱啦,外面乜字都無,非常平實的包裝。

AMD Ryzen 加持:罕見日系大芒筆電 VAIO E15 開箱實測
▲ 盒身當然會列出你所購入的版本係乜規格,本 YK 手上的是 Ryzen 5 版。

AMD Ryzen 加持:罕見日系大芒筆電 VAIO E15 開箱實測
▲ 最重要係封條,在紙盒開口位會貼上完整的封條,買機時可以更容易知道是否有被開過盒的風險。

AMD Ryzen 加持:罕見日系大芒筆電 VAIO E15 開箱實測
▲ 正呀! 原裝盒內係有送一個電腦袋套,而充電火牛、機體、說明書等等亦自然包括在內。

AMD Ryzen 加持:罕見日系大芒筆電 VAIO E15 開箱實測
▲ 原廠送的電腦套,看起來是一個普通套,其實係袋 + 套兩用的模式,造工相當好。

AMD Ryzen 加持:罕見日系大芒筆電 VAIO E15 開箱實測
▲ 暗格內抽出兩個手帶,就變成手提袋模式。

AMD Ryzen 加持:罕見日系大芒筆電 VAIO E15 開箱實測
▲ 講明係原廠袋,亦送上一塊銘牌寫上「For VAIO Premium」,整體質感提高不少。

AMD Ryzen 加持:罕見日系大芒筆電 VAIO E15 開箱實測
▲ 一個電腦套睇外觀無意義,重點係內層的用料和保護性是否足夠; 內層是絨面質材,能夠更好地保護筆電外殼不輕易刮花,而附送的肩帶亦可以將電腦袋變成斜揹袋模式,一袋三用相當使用。

AMD Ryzen 加持:罕見日系大芒筆電 VAIO E15 開箱實測
▲ 原裝火牛是最大路的設計,並沒有用上最近幾年 Ultrabook 大熱的 USB-C 接口。

AMD Ryzen 加持:罕見日系大芒筆電 VAIO E15 開箱實測
▲ 火牛只有單一的 19V/2.1A 輸出模式,不支持快速充電制式。

AMD Ryzen 加持:罕見日系大芒筆電 VAIO E15 開箱實測
▲ 你係咪第一眼睇到以為呢個就係機身本體? 哈哈。

AMD Ryzen 加持:罕見日系大芒筆電 VAIO E15 開箱實測AMD Ryzen 加持:罕見日系大芒筆電 VAIO E15 開箱實測
▲ 其實係一個包括機體的內盒,裡面亦有不織布包裹好,VAIO 存留日系細心的文化真係好特別。


機身外觀
一款 15.6 吋屏幕的 Desktop Replacement 筆電,VAIO E15 重量只有 1.77 公斤,而比較特別是採用 AMD Ryzen 處理器。 更重要是對比市場上其他同類定位的筆電,性能和價格的組合相當平衡,工作又得、玩遊戲又得,而且 VAIO E15 具備獨特的日系設計,係本 YK 玩機的時候,隔離位靚女都問邊度有得買,嘻嘻。

AMD Ryzen 加持:罕見日系大芒筆電 VAIO E15 開箱實測
▲ 銀白色頂蓋真係好靚,是一貫 VAIO 的配色風格;還記得 N 年前舊代的 E15 又厚又重,新機線條菱角更凸出。

AMD Ryzen 加持:罕見日系大芒筆電 VAIO E15 開箱實測
▲ 不變係 VAIO 依然保持鏡面住呢個「VAIO」標誌。

AMD Ryzen 加持:罕見日系大芒筆電 VAIO E15 開箱實測
▲ 機背設計相當公整,大量散熱屢空,螺絲亦清晰可見,明顯是方便進行快速維修的設計。

AMD Ryzen 加持:罕見日系大芒筆電 VAIO E15 開箱實測
▲ 背蓋並非單純雕空,裡面可以看到暗藏蜂巢式加固板,能夠保持空氣流動之外,亦提高更堅固的機體架構。

AMD Ryzen 加持:罕見日系大芒筆電 VAIO E15 開箱實測
▲ 左右轉軸部分均有厚實的防滑膠。

AMD Ryzen 加持:罕見日系大芒筆電 VAIO E15 開箱實測
▲ 機身底部左右方,各有一個 1W 功率的喇叭;而喇叭附近亦設有防滑膠,組成的防滑能力相當不錯,但有個注意事項,稍後再講。

AMD Ryzen 加持:罕見日系大芒筆電 VAIO E15 開箱實測
▲ 機身右側分別有 HDMI 輸出、USB-C、USB-A 和充電接口。 

AMD Ryzen 加持:罕見日系大芒筆電 VAIO E15 開箱實測
▲ 機身左側分別有保安鎖匙孔、USB-A、3.5mm 耳機孔和 microSD 讀卡器。

AMD Ryzen 加持:罕見日系大芒筆電 VAIO E15 開箱實測
▲ 機身後方有散熱出口,但散熱位卻不是背後。

AMD Ryzen 加持:罕見日系大芒筆電 VAIO E15 開箱實測
▲ 需要留意轉軸後方左右各有一個半透明的膠粒,而這個膠粒作用是揭開屏幕後,作為機身和檯面的支撐點。 

AMD Ryzen 加持:罕見日系大芒筆電 VAIO E15 開箱實測
▲ VAIO E15 採用下沉式轉軸方案,也就說,機身底部的防滑膠只有其中兩個起作用;這種方案的好處是,鍵盤形成自然傾斜角度打字時會更加舒服。

AMD Ryzen 加持:罕見日系大芒筆電 VAIO E15 開箱實測
▲ 值得一讚是底部貼紙有香港、澳門、新加坡、馬來西亞四地的售後服務熱線; 呢個做法同以前商務機一樣,但希望各位唔需要打呢個電話啦 ~


內部佈局
AMD Ryzen 加持:罕見日系大芒筆電 VAIO E15 開箱實測
▲ 本 YK 手上的是銀白型號,細心的你可能會發現,色彩是銀、黑、銀、黑交錯,十足商務機的設計風格。

AMD Ryzen 加持:罕見日系大芒筆電 VAIO E15 開箱實測
▲ 孤島式按鍵間距相當明確,適應大約數十分鐘就輕鬆上手。

AMD Ryzen 加持:罕見日系大芒筆電 VAIO E15 開箱實測
▲ 對比現在流行的「超大型觸控板」,VAIO E15 觸控板面積不算大; 但比較好的是保留左右實體按鍵的設計,而且觸控板亦不設下壓機關,從觸控板壽命角度來看是好事。

AMD Ryzen 加持:罕見日系大芒筆電 VAIO E15 開箱實測
▲ 上面提到散熱風扇出口不是在機身後方,原因是屏幕打開後,下沉式轉軸的出風口會變成對住屏幕噴熱風,情況跟蘋果電腦一樣,令人關注和擔憂會否跟 Macbook 一樣出現屏幕底部有熱印的問題(但 VAIO 想到了一個辦法來解決,後面再補充)。

AMD Ryzen 加持:罕見日系大芒筆電 VAIO E15 開箱實測
▲ 機身內貼紙自然是本機主角 AMD Ryzen 5 處理器。

AMD Ryzen 加持:罕見日系大芒筆電 VAIO E15 開箱實測
▲ 買得 15.6 吋屏幕的筆電,大家都係想要個 Numpad 數字鍵盤咋!  VAIO E15 比到「九宮格」大家,但(我估係)為了保留工整的鍵盤佈局,部分按鍵位置都稍有更改,比較難以適應係「+」 和「Enter」鍵。

AMD Ryzen 加持:罕見日系大芒筆電 VAIO E15 開箱實測
▲ 而 VAIO 系列標誌性的綠燈亦係 E15 身上獲得保留。

AMD Ryzen 加持:罕見日系大芒筆電 VAIO E15 開箱實測
▲ 仲要係充電都有燈呀! 宜家好多電腦都唔知做乜取消左。 

AMD Ryzen 加持:罕見日系大芒筆電 VAIO E15 開箱實測
▲ 多段式背光鍵盤係標準配備黎,VAIO E15 自然都有,亮度亦相當高。

AMD Ryzen 加持:罕見日系大芒筆電 VAIO E15 開箱實測
▲ 這塊 15.6 吋 FHD IPS 屏幕深得本 YK 喜愛,原因是防眩設計,邊框亦窄身,最正係:磨砂面,一般室內複雜光線狀態下,只有磨砂面能夠抵消複雜光源所產生的炫光,令你眼睛睇得相當舒服,亦係一貫商務機應有的標準配備。

AMD Ryzen 加持:罕見日系大芒筆電 VAIO E15 開箱實測
▲ 屏幕頂部亦設有緩衝用軟膠,邊框真係好窄,但窄得黎又保持到一定的穩固度。

AMD Ryzen 加持:罕見日系大芒筆電 VAIO E15 開箱實測
▲ 遺憾係,視像會議用鏡頭只有 100 萬像素,亦無近年流行的物理屏蔽開關的功能。


各項性能測試
規格一覽
AMD Ryzen 加持:罕見日系大芒筆電 VAIO E15 開箱實測
▲ 手上這部 VAIO E15 採用的是 AMD Ryzen 5 3500U,屬於 Mobile 專用的省電版; 但比較可惜是,雖然同屬 AMD Ryzen 系列,但 3500U 其實是 2019 年的產物,4 核 8 線程的設計,用 12nm 制程工藝製成; 是 AMD 銳意攻入筆電市場的處理器產品。

AMD Ryzen 加持:罕見日系大芒筆電 VAIO E15 開箱實測AMD Ryzen 加持:罕見日系大芒筆電 VAIO E15 開箱實測
▲ L3 cache 達到 4MB,而 BIOS 亦理所當然交給了 AMI 負責。 

AMD Ryzen 加持:罕見日系大芒筆電 VAIO E15 開箱實測
▲ 需要注意的是,AMD 核顯需要分享 RAM 的容量; 一般文書用途的話,雙通道 8GB 還算足夠,如果要剪片、打大作之類就要另作考慮。

AMD Ryzen 加持:罕見日系大芒筆電 VAIO E15 開箱實測
▲ 唔好睇少 AMD 的核顯,在過往經驗中,同等級情況的處理器性能與 Intel 不相伯仲,但 GPU 核顯實力超越 Intel 不少,後面會有實測;留意,如果是 Ryzen 7 3700U 版,配備更強的 Vegas 10 核顯單元。 

開機速度
AMD Ryzen 加持:罕見日系大芒筆電 VAIO E15 開箱實測
▲ 開機只需要 9 秒就完成系統啟動,再19 秒就進入其他應用進入桌面;如果再加埋預載的軟件,也只是額外再多 10 秒左右,速度算快。

綜合性能
AMD Ryzen 加持:罕見日系大芒筆電 VAIO E15 開箱實測
​▲ 在 Novabench 綜合性能測試中,VAIO E15 獲得 1472 分。

SSD 測試
AMD Ryzen 加持:罕見日系大芒筆電 VAIO E15 開箱實測
​▲ 採用 WD 的 NVMe 固態硬碟, 測試時顯示溫度的攝氏 57 度。

AMD Ryzen 加持:罕見日系大芒筆電 VAIO E15 開箱實測
​▲ 在連續讀寫結果中,VAIO E15  獲得 2476mB/s 和 1836mB/s 的成績;而多工隨機讀寫 (4K Q32T1)卻只有 240mB/s 和 166mB/s 的速度,意味住存取大量而零散的檔案時,VAIO E15 的速度會明顯比較慢,但日常使用上,速度跟其他主流 SSD 表現差不多。

CPU 處理器性能
AMD Ryzen 加持:罕見日系大芒筆電 VAIO E15 開箱實測
▲ 在 CINEBENCH R20 版測試中(係呀,R23 唔普及 + 無可比性,所以暫時都係繼續用 R20 先),VAIO E15 的 Ryzen 5 3500U 多核心獲得 1195 分;而在單核心方面得分有 225 分;MR Ratio 係 5.31倍,因為單核心偏弱,多核心性能足以跟 Intel i5 八代、10 代睇齊!

GPU 圖像處理性能
AMD Ryzen 加持:罕見日系大芒筆電 VAIO E15 開箱實測
▲ 來到 GPU 測試,在 BasemarkGPU 標準測試的 4K Vulkan 1.0 測試中得到 603 分。

AMD Ryzen 加持:罕見日系大芒筆電 VAIO E15 開箱實測
▲ 在 DirectX 12 測試中獲得 632 分;大幅度拋離 Intel 8 代和 10 代的核顯單元,領先接近一倍。

電力續航測試
AMD Ryzen 加持:罕見日系大芒筆電 VAIO E15 開箱實測
▲ 電池採自廣東力科,而官網聲稱達 8 小時的續航力,但見唔到網站列明幾多 Wh 數值,軟件檢測到只有 37.24Wh;15.6 吋屏幕的機型中不算多,但如作為 Desktop Replacement 的話,續航力反而不太重要,但本 YK 依然會進行續航力測試。

AMD Ryzen 加持:罕見日系大芒筆電 VAIO E15 開箱實測
▲ 利用 Imtec Battery Mark 軟件,在飛行模式下將處理器燒到全開狀態,屏幕亮度調整至最暗進行測試,只能跑出 2 小時 06 分的續航結果,呢個成績可以話係相當差。

AMD Ryzen 加持:罕見日系大芒筆電 VAIO E15 開箱實測
▲ 再將 VAIO E15 放係 WiFi 隔離唔超過 1 米距離,利用 Chrome 做播放指定的 720p 解析度 Youtube 影片;開啟省電模式,屏幕調整到最暗下播放影片,觀測一小時播放後的耗電量。

AMD Ryzen 加持:罕見日系大芒筆電 VAIO E15 開箱實測
▲ 過了 60 分鐘後消耗了 17% 電量;由此推算,充滿電係可以睇片 5 個多小時。


AMD 的特別
如果你買 Ryzen 處理器的產品,特別是 APU (含有內顯的產品),筆電都會內建一套軟件,讓你可以調整 GPU 的參數,例如畫質、性能、顯示屏之類等。 如果從未用過 AMD 的網友,可以參考一下下方的截圖。 而調整 GPU 參數對遊戲的畫質和表現會有截然不同的效果,當然啦,有部分功能,例如調整 HDMI 輸入需要配合額外硬件。 呢個就大家自己慢慢玩喇。

AMD Ryzen 加持:罕見日系大芒筆電 VAIO E15 開箱實測

AMD Ryzen 加持:罕見日系大芒筆電 VAIO E15 開箱實測

AMD Ryzen 加持:罕見日系大芒筆電 VAIO E15 開箱實測

AMD Ryzen 加持:罕見日系大芒筆電 VAIO E15 開箱實測

AMD Ryzen 加持:罕見日系大芒筆電 VAIO E15 開箱實測


結論:遲來的好機
相信好多網友見到呢部 VAIO E15 都會同我有一樣的感覺:做乜咁遲出呀! 事關 AMD Ryzen 系列中, 3 字頭其實已經係舊產品,最新發佈的已經係 5 字頭。 但當然,AMD 出筆電用的處理器係相當慢、相當缺乏效率;而且每次有 AMD 機到貨,都好快被搶購一空。 聽到 VAIO E15 係用 Ryzen 處理器,本 YK 相當興奮,但見到只是不溫不火的 3 代時,確實心一沉,因為人類總係貪心忘舊。 但客觀上對比,處理器性能對比 Intel 8 代 U 和 10 代 U 的低電壓版,VAIO E15 都處於同樣等級,而且 GPU 性能強接近一倍的優勢,對有圖像處理需求的用戶來講,肯定係比 Intel 內顯好太多了。 但偏偏 Intel 11 代急住賣街,年底又出 12 代,睇怕過農曆年之後會有好多 11 代的筆電出現。

如果你需要的是一部非 INTEL Desktop Replacement 筆電的話,VAIO 15 整體 PACKAGE 相當稱職:平衡的 CPU 和 GPU 性能,舒服的磨砂面大屏幕,不需要 Dongle 拖住走,重量亦控制在 1.8 公斤之內,買機包埋原廠袋。 最重要係乜? 係樣靚呀! 放係屋企代替 Desktop 的話,節省空間之餘,亦可增添一絲時尚的氣息。 當然講緊我手上呢部「原錫銀」啦!


後記:
有網友提醒,原來忘記了講 VAIO 用什麼方案來減低散熱出風口噴正屏幕的情況。 其實 VAIO 將個散熱風扇設定為進取散熱模式,意味著未到好熱的時候已經主動提高風扇轉速,好處係唔等佢熱到爆炸先噴住個芒,但壞處係夜闌人靜風扇聲會好突出 ~
您可能也喜歡▼