性能增強、定價減千! 開箱實測 VAIO SE14 (2021) 真係咁筍?

2021-02-12 08:25
成日話如果產品有好設計,不論係手機、電腦都唔好再為搞而搞佢喇,改個規格 KEEP 翻個樣出新版就相當吸引了。 估唔到真係有人做得到呢個「設計真理」,VAIO SE14 係 2019 年初登錄香港,當時我玩過部機,造工相當好,樣子相當靚,需要的 I/O 接口又齊。 黎到 2021 新版的 VAIO SE14,依然保留晒優良的外觀和造工,但就升級晒硬件性能和規格,最黐線係竟然係電子部件喪加價的情況下,呢部 VAIO SE14 2021 新登場定價仲平過之前,到底 VAIO 乜玩法?真係咁著數?

性能增強、定價減千! 開箱實測 VAIO SE14 (2021) 真係咁筍? -0

前言 
首先比個概念大家,VAIO SE14 舊版定價係 8998 元,處理器 i5-8265U 配 8GB RAM 和 256GB SSD 儲存容量。 但黎到 VAIO SE14 2021 新版,用上 i5-1135G7 配 8GB RAM 和 512GB SSD 儲存容量,但價錢減成千,變成 7990 元? 雖然 VAIO SE14 (2021) 玩「同殼不同涵」,但我覺得香港定價依然係黐左線地吸引。俗語有話「邊有咁大隻蛤乸隨街跳」,所以我係非常期待地同大家開箱實測,睇下係咪真係咁著數!

性能增強、定價減千! 開箱實測 VAIO SE14 (2021) 真係咁筍? -1
▲ VAIO SE14 (2021) 外盒採用一貫簡約風格,姐係乜都無。

性能增強、定價減千! 開箱實測 VAIO SE14 (2021) 真係咁筍? -2
▲ 紙箱上有一個 VAIO 的封條貼紙。

性能增強、定價減千! 開箱實測 VAIO SE14 (2021) 真係咁筍? -3
▲ 盒身貼紙列明本 YK 手上呢部機的規格。

性能增強、定價減千! 開箱實測 VAIO SE14 (2021) 真係咁筍? -4
▲ 原裝配件係跟手提保護套呀! 早前的 VAIO E15 都有送同款套,裡面有更多圖片比大家參考

性能增強、定價減千! 開箱實測 VAIO SE14 (2021) 真係咁筍? -5
▲ 跟機火牛輸出模式相當多樣化:20V/3.25A、15V/3A、9A/2A、5V/2A 一共四種模式。

性能增強、定價減千! 開箱實測 VAIO SE14 (2021) 真係咁筍? -6
▲ 見到 5V/2A 心水清的網友就知道,VAIO SE14 同之前一樣都係採用 USB C 接口,亦代表可以用移動電源對應相同的模式幫你部機充電,出街用機會相當方便。

性能增強、定價減千! 開箱實測 VAIO SE14 (2021) 真係咁筍? -7
▲ 機身令有獨立外盒包裝,也是一貫 VAIO 筆電的風格。


機身外觀
一部筆電「進可攻、退可守」的筆電好似 VAIO SE14 咁,重量只有 1.39kg,但 14 吋屏幕要放係室內做辦公用機都相當不錯,更重要係 I/O 齊全,唔會好似部分筆電咁要拖住隻「狗」(Dongle)咁麻煩。

性能增強、定價減千! 開箱實測 VAIO SE14 (2021) 真係咁筍? -8
▲ 同舊款一樣,VAIO SE14 金屬面蓋配上鐵灰色確實係低調地型仔。

性能增強、定價減千! 開箱實測 VAIO SE14 (2021) 真係咁筍? -9
▲ 面蓋「VAIO」光亮的標誌亦獲得保留。

性能增強、定價減千! 開箱實測 VAIO SE14 (2021) 真係咁筍? -10
▲ 底部外殼亦具有面積相當大的抽風口,「2 + 1」的大膠條亦相當實用,但防滑功能需要值得留意,稍後會再講。

性能增強、定價減千! 開箱實測 VAIO SE14 (2021) 真係咁筍? -11
▲ 值得一讚係 VAIO SE14 保留容易拆的螺絲設計,過保之後自己開蓋都相當容易。

性能增強、定價減千! 開箱實測 VAIO SE14 (2021) 真係咁筍? -12
▲ 比較特別係 SE14 採用雙結構的轉軸設計,並非一般「左右端轉軸支撐」的結構,有助提高轉軸本身的耐用度。

性能增強、定價減千! 開箱實測 VAIO SE14 (2021) 真係咁筍? -13
▲ 雖然無人想部機出事,但 SE14 的機身上亦印有維修站的聯絡電話,方便用戶隨時求救,相當貼身的做法。

性能增強、定價減千! 開箱實測 VAIO SE14 (2021) 真係咁筍? -14
▲ SE14 其中兩個喇叭在底部左右兩側。

性能增強、定價減千! 開箱實測 VAIO SE14 (2021) 真係咁筍? -15
▲ 留意翻 SE14 (2021) 版的 I/O 係有升級的:兩個 USB C Thunderbolt 4 支持 PD 和 DP 制式,左右側各一個的傳統 Type A USB接口; 機身亦具備 HDMI 1.4 輸出,最高支持 4K 30Hz 輸出模式;支持 microSD 卡讀卡器亦係 SE14 的賣點。

性能增強、定價減千! 開箱實測 VAIO SE14 (2021) 真係咁筍? -16
▲ 機身右側擁有另一個 USB A  接口,以及 3.5mm combo jack(支持 mic 和耳機兩用),而散熱出風口亦設計係右邊;如果你習慣外加滑鼠的話,右手邊會食晒熱風。

性能增強、定價減千! 開箱實測 VAIO SE14 (2021) 真係咁筍? -17
▲ 最大的屏幕開啟角度如上圖,並不能做到 180 度攤平。

性能增強、定價減千! 開箱實測 VAIO SE14 (2021) 真係咁筍? -18
▲ 一如既然的下沉式轉軸,揭開屏幕後鍵盤亦會呈現一定的傾斜度; 但需要注意係,傾斜度一旦形成,底部防滑條就會失效一半,變成屏幕邊沿的兩點防滑膠。


內部佈局
性能增強、定價減千! 開箱實測 VAIO SE14 (2021) 真係咁筍? -19
▲ 深沉銀色黑的 B、C 面,相當沉實的商務風格。

性能增強、定價減千! 開箱實測 VAIO SE14 (2021) 真係咁筍? -20
▲ 採用孤島式鍵盤設計的 C 面排列相當工整,支持背光和輕度防水濺的設計。

性能增強、定價減千! 開箱實測 VAIO SE14 (2021) 真係咁筍? -21
▲ 觸控板面積不算超大,但也足夠在 14 吋屏幕的屏幕上操作,比較有趣是 SE14 備有獨立左右鍵,而觸控板本身不支持按壓,造工亦相當紮實。

性能增強、定價減千! 開箱實測 VAIO SE14 (2021) 真係咁筍? -22
▲ 沿用同款的整合式電源鍵,具備指紋識別功能,相當方便。

性能增強、定價減千! 開箱實測 VAIO SE14 (2021) 真係咁筍? -23
▲ 鍵盤上方有兩個喇叭,聯同機體底部合組四喇叭,播放效果相當好。

性能增強、定價減千! 開箱實測 VAIO SE14 (2021) 真係咁筍? -24
▲ 見到呢個貼紙大家都會開心好多,第 11 代的 Intel 處理器,最重要當然係全新的 GPU iRIS Xe 啦 ~

性能增強、定價減千! 開箱實測 VAIO SE14 (2021) 真係咁筍? -25
▲ 舊代部分型號仲有採用 TN 屏幕,SE14 (2021) 一律採用 14 吋全高清 IPS 屏幕,而且都係採用霧面 / 磨砂面低反光設計,減低光面所產生的炫光值得一讚。

性能增強、定價減千! 開箱實測 VAIO SE14 (2021) 真係咁筍? -26性能增強、定價減千! 開箱實測 VAIO SE14 (2021) 真係咁筍? -27
▲ SE14 (20210 左右窄邊框的設計亦獲得保留。

性能增強、定價減千! 開箱實測 VAIO SE14 (2021) 真係咁筍? -28
▲ 支持 1080p 全高清畫質的 IR 紅外線視像鏡頭,亦可以用作  Windows Hello 登入之用。

性能增強、定價減千! 開箱實測 VAIO SE14 (2021) 真係咁筍? -29
▲ 比較特別是 VAIO SE14 加入好多指示燈的設計,除了上圖所見的 「Fn」和「Caps Lock」會有燈之外,亦有語音封鎖和充電燈指示。

性能增強、定價減千! 開箱實測 VAIO SE14 (2021) 真係咁筍? -30
▲ 不論是通電、充電狀態,都會有相應的指示燈。


各項性能測試
規格一覽
性能增強、定價減千! 開箱實測 VAIO SE14 (2021) 真係咁筍? -31
▲ 手上這部 VAIO SE14 採用的是最新第 11 代 Intel 處理器 i5-1135G7,採用的是 10 nm SuperFin 制程技術。

性能增強、定價減千! 開箱實測 VAIO SE14 (2021) 真係咁筍? -32
▲ 擁有超大 8 MB Intel Smart Cache,筆電黎講算係大了。

性能增強、定價減千! 開箱實測 VAIO SE14 (2021) 真係咁筍? -33
▲ 比較特別是 BIOS 和主機板部分均由 Nexstgo 負責。

性能增強、定價減千! 開箱實測 VAIO SE14 (2021) 真係咁筍? -34
▲ 比較遺憾是 8GB 的記憶體只行單通道,生產商是 Kingston 採用 Micron 美光的 DRAM 模組。

性能增強、定價減千! 開箱實測 VAIO SE14 (2021) 真係咁筍? -35
▲ 相信大家同本 YK 一樣最感興趣的是這個全新的 iRIS Xe 核顯單元,稍後都會有性能實測。

開機速度
性能增強、定價減千! 開箱實測 VAIO SE14 (2021) 真係咁筍? -36
▲ 開機只需要 9 秒就完成系統啟動,再 26 秒就完成載入其他應用進入桌面;一共 35 秒的速度來講不算慢。

綜合性能
性能增強、定價減千! 開箱實測 VAIO SE14 (2021) 真係咁筍? -37
​▲ 在 Novabench 綜合性能測試中,VAIO SE14 (2021) 獲得 1902 分。

SSD 測試
性能增強、定價減千! 開箱實測 VAIO SE14 (2021) 真係咁筍? -38
​▲ 採用中國組裝廠 BIWIN 的 NVMe 固態硬碟,測試前顯示溫度的攝氏 35 度;但老實講,我對非大廠出品的固態硬碟無乜信心。

性能增強、定價減千! 開箱實測 VAIO SE14 (2021) 真係咁筍? -39
▲ 在連續讀寫結果中,VAIO SE14 (2021)  獲得 2671mB/s 和 2381mB/s 的成績;而多工隨機讀寫 (4K Q32T1)有 279mB/s 和 455mB/s 的速度,意味住存取大量而零散的檔案時,VAIO SE14 (2021) 都會有相當高速的表現,性能表現令人感到驚喜。

CPU 處理器性能
性能增強、定價減千! 開箱實測 VAIO SE14 (2021) 真係咁筍? -40
▲ 在 CINEBENCH R23 版測試中(R23 版數據開始多喇,所以之後都會繼續用 R23 版測試 ~),VAIO SE14 的 i5-1135G7 多核心獲得 5319 分,大家可以見到排名上係超越 Intel 9 代的 i9 處理器(雖然係 H 版)。

性能增強、定價減千! 開箱實測 VAIO SE14 (2021) 真係咁筍? -41
▲ 但單核心方面得分只有 1364 分,排名上連 7 代的 i7 都未超越到,但因為單核心偏弱的關係 MR Ratio 只有 3.9x ,擁有接近 4 核心的倍能表現; Cinebench 的測試結果可以見到呢粒 Intel 11 代的 i5 處理器,對比 AMD Ryzen 5 4XXXU 系的性能終於不相伯仲。

GPU 圖像處理性能
性能增強、定價減千! 開箱實測 VAIO SE14 (2021) 真係咁筍? -42
▲ 來到 GPU 測試,在 BasemarkGPU 標準測試的 4K Vulkan 1.0 測試中得到 674 分。

性能增強、定價減千! 開箱實測 VAIO SE14 (2021) 真係咁筍? -43
▲ 在 DirectX 12 測試中獲得 680 分,正呀! 圖像處理器性能拋離晒之前 10 代核顯喇,完全係兩個世界,終於可以同 AMD 的核顯叫陣。

電力續航測試
性能增強、定價減千! 開箱實測 VAIO SE14 (2021) 真係咁筍? -44
▲ 睇個電池資料顯示是 POW-TECH(可能係華潤矽威供應),官方聲稱達 12 小時的續航力,系統檢測有 49Whr 電量,在 14 吋屏幕機型來講算不錯的電量。

性能增強、定價減千! 開箱實測 VAIO SE14 (2021) 真係咁筍? -45
▲ 利用 Imtec Battery Mark 軟件,在飛行模式下將處理器燒到全開狀態,屏幕亮度調整至最暗進行測試,跑出 5 小時 20 分的續航結果,呢個成績可以話係相當不錯。

性能增強、定價減千! 開箱實測 VAIO SE14 (2021) 真係咁筍? -46
▲ 再將 VAIO SE14 放係 WiFi 隔離唔超過 1 米距離,利用 Chrome 做播放指定的 720p 解析度 Youtube 影片;開啟省電模式,屏幕調整到最暗下播放影片,觀測一小時播放後的耗電量。

性能增強、定價減千! 開箱實測 VAIO SE14 (2021) 真係咁筍? -47
▲ 過了 60 分鐘後消耗了 13% 電量;由此推算,充滿電係可以睇片 7.7 個多小時。


總結
舊代 VAIO SE14 外觀造工都係相當吸引,可惜係當時採用的 Intel 處理器唔夠強勁,今次 Intel 反擊戰推出的 11 代處理器,正好填補呢個缺點。 從上面見到的各種測試,都可以證明 VAIO SE14 (2021) 真係「有咁大隻蛤乸隨街跳」,性能升級晒,但價錢反而平左。 而且你見唔到的硬件都有升級到,例如完全支持 WiFi 6 和藍牙 5.1 制式,TPM2.0 硬件加密功能亦齊備。

當然,本 YK 測試的只係最入門的型號,i5 / 8GB + 512GB 建議零售價 7990 元,如果你想攻頂的話價錢都只係加多兩千,就有 i7-1165G7、16GB RAM 配 1TB SSD 的組合,而 VAIO SE14 (2021) 具備 24 個月原廠保養,成個 Package 都係相當吸引。