11 個主要賣點!有七種顏色用 M1!全新 24 吋 iMac $9999 起值得入手?

2021-04-21 03:28
2021 Apple 春季發佈會,今次唔算出得多嘢,除咗 iPhone 12 / iPhone 12 mini 出新色,仲有 AirTags、新 iPad Pro 11 吋以及 12.9 吋。有 iPhone 又有 iPad 嘅 Update,當然唔少得嘅係 Mac 嘅 Update。今次主要升級嘅係 iMac,除咗如預期般換上 M1 處理器之外,設計似乎都係今次嘅主打賣點。想知新機係點,睇下文啦!

11 個主要賣點!有七種顏色用 M1!全新 24 吋 iMac $9999 起值得入手?

新品發表最緊要簡而精,下面版主就會列出新 iMac 的主要賣點,幫大家慳時間唔使睇咁冗長嘅文章之餘,亦睇下大家對新 iMac 有無咩特別嘅意見。

001:一如預期,都係配備 Apple 目前性能最強大嘅 M1 處理器,CPU 效能提升 85%,而 GPU 性能則提升咗 1 倍。

002:機身厚度僅為 11.5mm,比起以往薄咗勁多,機背用上平面設計,就咁睇好似一部超大芒版嘅 iPad Pro 咁。之所以做到咁薄,都係得益於 M1 處理器,Apple 表示上一代嘅 iMac,需要碩大嘅主板以及散熱系統,嚟滿足處理器嘅高功耗需求,而且 CPU、GPU 等零件都分散喺系統各處;換上 M1 處理器,具有強大嘅效能同埋整合性,所有部件都整合喺一個小巧嘅主板,巨大嘅散熱系統亦被兩枚小風扇取代,令整個系統都都可以散熱之餘,而且安靜咁運行。

003:勁多顏色,新 iMac 有綠、黃、橙、粉紅、紫、藍以及銀色七種選擇,正反兩面都有顏色,而且每種顏色嘅 iMac 隨盒都會附上相應顏色嘅 Magic Keyboard 以及 Magic Mouse。

11 個主要賣點!有七種顏色用 M1!全新 24 吋 iMac $9999 起值得入手?

004:具有 FHD FaceTime HD 相機,透過 M1 晶片整合嘅 ISP,進一步提升視訊影像品質。

005:用上 24 吋 4.5K 芒,解像度為 4480 x 2520,支持 P3 廣色域。

006:配備兩對震動抵銷低音單元,帶來深沉嘅低音同時,亦可以減少因強大動力而造成嘅意外顫動,每對低音單元搭配一個高性能嘅高音單元,組成一個六喇叭嘅系統,唔單止低音強勁準確,中高音亦都可以有唔錯表現。同時,新 iMac 亦支持 Dolby Atmos 音效。

007:有標準版同高配版本,標準版少咗兩個 USB Type C,唔支持 Touch ID,而且火牛無得插 LAN 線,如果想插 LAN 線,就要用 Thunderbolt Hub 或者 USB Hub 擴充;而高階版除咗多兩個 USB Type C 插槽,Keyboard 亦都支持 Touch ID,最特別就係火牛有得插 LAN 線。

008:同其他 M1 裝置一樣,可以透過 Thunderbolt 介面輸出最高 6K 60Hz 嘅顯示器。

009:電源線用上全新磁吸插頭設計,唔使驚咁容易因為意外拉扯而令線材損壞。

010:全新 Magic Keyboard 加入咗 Emoji、Spotlight、Dictation 以及 Do Not Disturb 的功能按鍵。

011:價錢部分,iMac 的香港賣價會由 $9999 起。

11 個主要賣點!有七種顏色用 M1!全新 24 吋 iMac $9999 起值得入手?
您可能也喜歡▼