一公斤「鎂鋰」筆電:美軍規 ASUS ExpertBook B9 續航爆錶開箱

2021-04-22 10:16
如果話近期用過的商用筆電中,要考慮到續航力、堅固度、外觀的話,ASUS ExpertBook B9 的 2021 Refresh 版可以話係少有令我用得爽又放心的筆電之一。 其實 B9 系列係有舊機,但今次 2021 版最大特色固然係升級上 Intel 11 代處理器,升級的同時保留超輕巧的重量(最輕 880g),續航力號稱可以滿足 24 小時不間斷使用。 但最令我覺得正爆係磨砂塗層的鎂鋰合金外殼,觸感好而且堅固度極高。 好,直接開箱啦!

一公斤「鎂鋰」筆電:美軍規 ASUS ExpertBook B9 續航爆錶開箱-0

開箱
去年有好多造工設計相當好的筆電,包括 ASUS ExpertBook B9 的造工和設計深得本 YK 喜愛,可惜係粒 Intel 處理器。今年 ASUS 幫佢改成 11 代 Intel處理器,本 YK 絕對贊同好設計不需再頻密修改,爲改而改分分鐘反效果。 還記得舊年介紹過幾個朋友買 ASUS ExpertBook B9,佢地當時係大讚特讚話未試過用 Laptop 用得咁盡情(但我唔知用電腦可以點盡情法)。 今年可以肯定佢地會「哭能左」,因爲 2021 版補完舊版最弱的一環(處理器),嘻嘻 ~

一公斤「鎂鋰」筆電:美軍規 ASUS ExpertBook B9 續航爆錶開箱-1
▲ 最近幾年 ASUS 都係原紙箱風格,外箱基本上一模一樣,高階入門機都一樣無乜花巧設計。

一公斤「鎂鋰」筆電:美軍規 ASUS ExpertBook B9 續航爆錶開箱-2
▲ 但貴爲旗艦級商用筆電,靚野原來收埋係裏面:盒內有筆電獨立盒、原裝皮套、充電火牛內盒; 原廠亦會跟埋一個 Micro-HDMI to LAN 的轉換器,方便你唔小心去左得有線上網環境使用。

一公斤「鎂鋰」筆電:美軍規 ASUS ExpertBook B9 續航爆錶開箱-3
▲ 原裝套相當軟熟,皮革觸感相當強烈。

一公斤「鎂鋰」筆電:美軍規 ASUS ExpertBook B9 續航爆錶開箱-4
▲ 旗艦商務機送套果然係質素超班,街邊幾百蚊貨仔粗糙造工同佢係兩個世界。

一公斤「鎂鋰」筆電:美軍規 ASUS ExpertBook B9 續航爆錶開箱-5
▲ 而個充電火牛盒都相當有創意,延續可變身成支架的環保概念。

一公斤「鎂鋰」筆電:美軍規 ASUS ExpertBook B9 續航爆錶開箱-6
▲ 完成品就好似上圖咁(當然係要反過來用喇~),形成一個斜台比筆電構成一定傾斜度,但是否好用就見仁見智。

一公斤「鎂鋰」筆電:美軍規 ASUS ExpertBook B9 續航爆錶開箱-7
▲ 沿用 USB-C 火牛,體積算輕巧,如果想再方便少少可考慮自行更換短線。 

一公斤「鎂鋰」筆電:美軍規 ASUS ExpertBook B9 續航爆錶開箱-8
▲ 最高輸出功率爲 65W 的火牛,難得見到電腦火牛都會花設計心思。

一公斤「鎂鋰」筆電:美軍規 ASUS ExpertBook B9 續航爆錶開箱-9
▲ 輸出模式包括:5V/3A、9V/3A、15V/3A、20V/3.25A,意味住如果你有普通 USB-C 5V 火牛,望下係咪寫住 3A 輸出,係的話就同樣可以係 ExpertBook B9 身上,最好當然係用翻原廠火牛。

真機外觀
ExpertBook B9 系列最正的地方依然係鎂鋰合金外殼,好多人分唔清楚佢同一般鋁合金、鋁鎂合金外殼的差異。 最普通你見到入門機所採用的都是鋁鎂合金,特點係軟殼。早期又厚又重的 Macbook Pro 就係呢款金屬,你唔小心 hi 到佢都會凹落去,抗衝擊力係要用增加厚度的代價換翻黎。

但宜家黎到 ExpertBook B9 所採用的鎂鋰合金加工成外殼比較難,導致工藝成本較高。除此之缺點外,佢擁有超輕巧、強度高特性,所以用黎做筆電外殼就相當適合。但鎂鋰合金對金屬表面處理的工藝要求都相當高,做得唔好就會大大減低耐蝕、耐磨能力。

一公斤「鎂鋰」筆電:美軍規 ASUS ExpertBook B9 續航爆錶開箱-10
▲ 相當低調的商務風設計,本 YK 非常喜歡鎂鋰合金外殼,皆因堅固度十足,而且磨砂塗層下方傳來冰冷的金屬感,觸感係相當正。

一公斤「鎂鋰」筆電:美軍規 ASUS ExpertBook B9 續航爆錶開箱-11
▲ 機身底部有一列抽風口,保持簡約商務風,無多餘花巧的裝飾。

一公斤「鎂鋰」筆電:美軍規 ASUS ExpertBook B9 續航爆錶開箱-12
▲ 機身底部左右側各有一個外放喇叭,獲得 Harman Kardon 加持,播放立體感十足。

一公斤「鎂鋰」筆電:美軍規 ASUS ExpertBook B9 續航爆錶開箱-13
▲ 四角防滑膠採用梯形式,對比一般的圓拱形會擁有更大的接觸面積,防滑效果會更好;商務機細節就係贏在這些小設計哲學。

一公斤「鎂鋰」筆電:美軍規 ASUS ExpertBook B9 續航爆錶開箱-14
▲ 商務機的接口多樣化相當重要,機身右側包括安全鎖、USB A 3.2 Gen 2、3.5mm combo jack,仲有電源指示燈及罕見的讀寫信號燈。

一公斤「鎂鋰」筆電:美軍規 ASUS ExpertBook B9 續航爆錶開箱-15
▲ 而左側就有兩個 Thunderbolt 4 的 USB C 接口、HDMI 輸出及支持轉換成 RJ45 有線 Lan 頭的 micro HDMI 接口,基本上該有的都配足比你。

一公斤「鎂鋰」筆電:美軍規 ASUS ExpertBook B9 續航爆錶開箱-16
▲ 沿用下沉式 ERGOLIFT 轉軸設計,轉軸邊沿會成爲支撐點,令到鍵盤在檯面上獲得一定傾斜度,令你打字輸入時手腕擺放角度更自然。

一公斤「鎂鋰」筆電:美軍規 ASUS ExpertBook B9 續航爆錶開箱-17
▲ 身爲商務旗艦機的 ExpertBook B9 亦具備 180 度攤平屏幕設計。


內部佈局
一公斤「鎂鋰」筆電:美軍規 ASUS ExpertBook B9 續航爆錶開箱-18
▲ 登登 ~ 一入眼最吸引當然係超窄邊框還有超大塊觸控板;而 ExpertBook B9 透過鎂鋰合金強化內結構,自然輕鬆通過美國軍規標準 MIL-STD 810H 測試,針對轉軸、面板壓力、衝擊墜落抗震等多個項目。

一公斤「鎂鋰」筆電:美軍規 ASUS ExpertBook B9 續航爆錶開箱-19
▲ 採用 14 吋 FHD 屏幕,左右兩側是只有 4mm NanoEdge 超窄邊框設計,號稱屏佔比高達 94%;磨砂面防眩光塗層加持下,長時間對住個芒都唔會覺得辛苦。一公斤「鎂鋰」筆電:美軍規 ASUS ExpertBook B9 續航爆錶開箱-20
▲ 屏幕頂部有一個 IR 紅外線鏡頭,提供實體防窺板設計,咁就唔需要再貼 memo 紙上去了咁醜樣喇;比較特別係 ExpertBook B9 擁有動態感應器,如果你工作中行開自動 offscreen 後,你重新行埋去佢會偵測到有人行近就自動亮芒。呃,商務精英真係好懶,連呢部分都要節省時間。

一公斤「鎂鋰」筆電:美軍規 ASUS ExpertBook B9 續航爆錶開箱-21
▲ 如果你需要經常用到視像會議功能的話,屏幕上方會有四個 360 度遠場收音孔,針對視像會議提供更清晰的收音效果;

一公斤「鎂鋰」筆電:美軍規 ASUS ExpertBook B9 續航爆錶開箱-22
▲ 標準 14 吋筆電的鍵盤佈局,但有一些細節的部分是 ASUS 提供的特色功能。

一公斤「鎂鋰」筆電:美軍規 ASUS ExpertBook B9 續航爆錶開箱-23
▲ 隱約見到刻有 Harman Kardon 字樣,而更重要係 ExpertBook B9 獲得 Intel Evo 平台認可。詳細認證條件大家自己上 Intel 官網查看,簡單講就係真實世界內續航好、操作反應快、網速高、聲音靚先可以獲得 Evo 平台認證。

一公斤「鎂鋰」筆電:美軍規 ASUS ExpertBook B9 續航爆錶開箱-24
▲ 貴爲商務機自然擁有指紋識別器,更少見的係屏幕獲得德國萊因 Eye Care 認證; 大家唔好搞錯以爲係普通 CHEAP 野防藍光認證,ExpertBook B9 所獲得的認證係 Flicker Free 不閃屏再加 Low Blue Light 認證!

一公斤「鎂鋰」筆電:美軍規 ASUS ExpertBook B9 續航爆錶開箱-25
▲ 玻璃壓面觸控板固然順滑到喊,但更重要係 ASUS 自家設計的特殊 Numpad 功能。

一公斤「鎂鋰」筆電:美軍規 ASUS ExpertBook B9 續航爆錶開箱-26
▲ 長按觸控板右上角就會獲得 Numpad 功能,而呢個功能對於商務人士黎講相當實用。WHY? 因爲數字鍵可以用黎快速查股價。。。

一公斤「鎂鋰」筆電:美軍規 ASUS ExpertBook B9 續航爆錶開箱-27
▲ 觸控版的邊沿其實還有一個信號燈,可以更清楚見到充電的情況。

一公斤「鎂鋰」筆電:美軍規 ASUS ExpertBook B9 續航爆錶開箱-28
▲ 防水濺背光鍵盤手感相當好,官方聲稱可以承受高達 1000 萬次的敲擊壽命;而實際體驗中發現 ExpertBook B9 根本係靜音鍵盤黎,鍵帽打落去明顯有一個 buffer 做緩衝,所以只會產生相當細的噠噠聲。


各項性能測試 
規格一覽
一公斤「鎂鋰」筆電:美軍規 ASUS ExpertBook B9 續航爆錶開箱-29
▲ 到手的這部 ExpertBook B9 採用的是 i7-1165G7 第 11 代處理器,雖然 CPU-Z 寫住話最高可以達到 28W TDP,之後會有實測證實是否如此;而 11 代重點自然是 10nm SuperFin 光刻技術。
 
一公斤「鎂鋰」筆電:美軍規 ASUS ExpertBook B9 續航爆錶開箱-30
▲ 另一個 11 代 i7 的優點就是 12MB Smart Cache 快取記憶體。

一公斤「鎂鋰」筆電:美軍規 ASUS ExpertBook B9 續航爆錶開箱-31
▲ 而 ASUS 係市場上少數可以自己造主機板、出 BIOS 的電腦廠商。

一公斤「鎂鋰」筆電:美軍規 ASUS ExpertBook B9 續航爆錶開箱-32
▲ 手上的版本是內置 16GB LPDDR4X 記憶體,採用「Quad Channel 四通道」模式。

一公斤「鎂鋰」筆電:美軍規 ASUS ExpertBook B9 續航爆錶開箱-33
▲ 而 Intel Iris Xe 核顯單元亦係第 11 代處理器復仇之作的重心。

開機速度
一公斤「鎂鋰」筆電:美軍規 ASUS ExpertBook B9 續航爆錶開箱-34
▲ 開機需要 10 秒才完成系統啟動,再過 19 秒先完成載入,啓動速度不算特別快。

綜合性能
一公斤「鎂鋰」筆電:美軍規 ASUS ExpertBook B9 續航爆錶開箱-35
▲ 在 Novabench 綜合性能測試中,ExpertBook B9 獲得 2315 分,暴打上一代就必然的事實;如果你細心留意對比韓廠同款處理器的筆電產品,ASUS 調教出黎的性能係四大範疇都更優勝。

SSD 測試
一公斤「鎂鋰」筆電:美軍規 ASUS ExpertBook B9 續航爆錶開箱-36
▲ 值得留意係 ExpertBook B9 所採用的,是兩條 512GB PCIe Gen3 以 RAID0 運作的 SSD,意思姐係電腦會當成單條 1TB SSD 看待;亦都意味住如果其中一條出事,另一條都會受到影響;但 RAID0 方式係容量和速度最大化的做法。

一公斤「鎂鋰」筆電:美軍規 ASUS ExpertBook B9 續航爆錶開箱-37
▲ 在連續讀寫結果中,ExpertBook B9 獲得 6509mB/s 和 3525mB/s 的成績;而多工隨機讀寫 (4K Q32T1)達 122mB/s 和 140mB/s 速度;亦讀取速度黎講,超越埋 PCIe Gen4 水平,但比較重要的隨機讀寫速度,依然保持 Gen 3 的表現。

CPU 處理器性能
有睇過本 YK 之前對其他 11 代 Intel 處理器筆電評測的網友,都會知道 11 代 i7-1165G7 其實係屬於可調整性能,廠商可以擁有更大自由度鎖死功耗,從而限制發熱、性能等。到底 ExpertBook B9 呢部咁薄、咁輕的筆電,性能上又會筆官方限制左幾多呢? 同過往一樣,整個測試都會是插住電、乜設定都唔調整的出廠狀態下進行。

一公斤「鎂鋰」筆電:美軍規 ASUS ExpertBook B9 續航爆錶開箱-38
▲ 在 Cinebench R23 版測試中,ExpertBook B9 的 i7-1165G7 單核心獲 1348 分,呢個分數稍微差過排名榜上的 15W 版機體。

一公斤「鎂鋰」筆電:美軍規 ASUS ExpertBook B9 續航爆錶開箱-39
▲ 而多核心表現獲得 3667 分,同樣落後其他 15W 版處理器的機體;果然不出所料,一貫超級輕薄的筆電產品,廠商都會因爲散熱設計以及省電的緣故限制性能;從商務機設計的角度思考,這個做法相當合理,畢竟工作用機最關鍵的就是確保運作的穩定性。

GPU 圖像處理性能
一公斤「鎂鋰」筆電:美軍規 ASUS ExpertBook B9 續航爆錶開箱-40
▲ 限制性能的除了 CPU 之外,連 GPU 都面對同樣的情況;在 Basemark GPU 標準測試的 4K Vulkan 1.0 測試中得到 1053 分,但其實已經幾何級拋離上一代 UHD 620 核顯了!

一公斤「鎂鋰」筆電:美軍規 ASUS ExpertBook B9 續航爆錶開箱-41
▲ 而在 4K DirectX 12 測試中獲得 1103 分,證明 ExpertBook B9 能夠比上代更輕鬆應對圖像處理的工作。 

電力續航測試
一公斤「鎂鋰」筆電:美軍規 ASUS ExpertBook B9 續航爆錶開箱-42
▲ 香港所推出的 ExpertBook B9 具有兩種電池容量型號,分別是 33Whr 和 66Whr 兩款;如果你選擇 33Whr 型號續航力固然少,但換來 880 克超級輕巧機身;如果選擇 66Whr 型號多一倍容量,重量亦只是加到 1.01 公斤,而我唔覺得一公斤係重,所以 66Whr 係必然之選。

一公斤「鎂鋰」筆電:美軍規 ASUS ExpertBook B9 續航爆錶開箱-43
▲ 但係 Full Load 測試跑出接近 7 小時的成績,以 11 代處理器和 66Whr 容量來講,續航測試成績不算頂尖。

 一公斤「鎂鋰」筆電:美軍規 ASUS ExpertBook B9 續航爆錶開箱-44
▲ 而利用 Chrome 做播放指定的 720p 解析度 Youtube 影片恆常測試中(手動調整亮度最暗、WiFi 隔離),過了 60 分鐘後 ExpertBook B9 還有 99% 電量? 電量計壞左嗎?

一公斤「鎂鋰」筆電:美軍規 ASUS ExpertBook B9 續航爆錶開箱-45
▲ 再黎多次,今次測足 90 分鐘播 Youtube 影片,結果只係跌左 3%,而且我仲要係睇住佢最後一分鐘先由 98% 跌落 97%;照咁計實際續航力屬於黐線級,推算獲得 50 小時聯網睇片的續航力,唔知 ASUS 到底點樣調教部機,可以多過官方所講的「長達 24 小時」。


結論
要一部齊 I/O、用料靚、造工好、樣好睇的商用筆電,市場上真心無太多選擇,ASUS ExpertBook B9 本來已經係相當優秀的筆電產品,黎到 2021 版再升級埋 11 代 Intel 處理器可以話係更接近完美。 至於 Thunderbolt 4、WiFi 6、USB-C 3.2 加 PD / DisplayPort 都已經成爲標準配備,ExpertBook B9 自然都一應俱全。

身薄輕巧、軍規堅固、續航長氣,最吸引到我反而係實用的細節設計,例如相當安靜的防水濺鍵盤、獨家觸控式數字鍵盤、防眩光磨砂面屏幕等等,都係幫助到我更舒服地完成到手上的文書工作。 同埋成日係 Office 要揸出揸入,最重要係 ExpertBook B9 機身造工好,外殼磨砂塗層觸感揸落去好鬼舒服。係呀,工具就手,開工自然會開心好多(聽到未呀老細 ~)。

一公斤「鎂鋰」筆電:美軍規 ASUS ExpertBook B9 續航爆錶開箱-46