2021 年度「黃色」:六千有找 AVITA LIBER V 新 U 開箱評測

2021-06-25 09:24
「好的設計,繼續保留」呢句說話套用落去 AVITA LIBER V 身上就相當適合不過,官網優惠價 6000 蚊有找,換入最新 Intel 11 代處理器,不論係性能和耗電方面,都會比上一代更好! 更特別係,PANTONE 彩通 2021 發佈的潮色代表色彩 PANTONE 17-5104 Ultimate Gray(極致灰)及 PANTONE 13-0647 Illuminating(亮麗黃),AVITA 竟然將佢加持落去最新的版本的 LIVER V 身上。 到底真機有幾型呢、有幾潮呢? 換上 Intel 新 U 之後性能表現又如何呢?

2021 年度「黃色」:六千有找 AVITA LIBER V 新 U 開箱評測-0

開箱
雖然 AVITA LIBER V 係「舊瓶新酒」,但個「舊瓶」造工、質素確實相當之高,接近部分大廠萬元級的質素,特別是從轉軸、外殼可以體驗得到。  而 LIBER V 系列一向玩色,全球高達幾十種配色選擇,今年食埋 PANTONE 年度潮色,在沉寂筆電市場中吹翻少少潮流風。 最緊要係質素好之餘,價錢又唔貴。兩隻 PANTONE 年度潮色「極致灰」和「亮麗黃」本 YK 都成功到手,一齊睇睇先 ~

2021 年度「黃色」:六千有找 AVITA LIBER V 新 U 開箱評測-1
▲ 上圖的白色彩盒就係安放 LIBER V 本體,配上鐳射「AVITA」標誌。

2021 年度「黃色」:六千有找 AVITA LIBER V 新 U 開箱評測-2
▲ 機身火牛並無採用最新的 USB-C 接口充電。 

2021 年度「黃色」:六千有找 AVITA LIBER V 新 U 開箱評測-3
▲ 支持定額 19V/2.1A 輸出模式,提供接近 40W 的功率。

真機外觀
2021 年度「黃色」:六千有找 AVITA LIBER V 新 U 開箱評測-4
▲ 首先係「亮麗黃」,一攞出黎相當搶眼,年輕活力感好強烈啊! 

2021 年度「黃色」:六千有找 AVITA LIBER V 新 U 開箱評測-5
▲ 「極致灰」就截然相反,相當低調,但滲透著少許商務專業的感覺;外殼亦用上堅固的鋁金屬物料,磨砂質感摸落去舒服;「亮麗黃」型號的鋁金屬外殼上加入顏色物料塗層,所以手感完全不同。

2021 年度「黃色」:六千有找 AVITA LIBER V 新 U 開箱評測-6
▲ 機身底部採用強化塑膠物料,對稱佈局亦相當乾淨。

2021 年度「黃色」:六千有找 AVITA LIBER V 新 U 開箱評測-7
▲ 你會見到 LIBER V 新版都依然保留呢個人性化的設計,機體可以輕鬆做到單手開合屏幕。

2021 年度「黃色」:六千有找 AVITA LIBER V 新 U 開箱評測-8
▲ 底部一條長散熱開孔,亦可以見到銅金屬散熱板塊的蹤影。

2021 年度「黃色」:六千有找 AVITA LIBER V 新 U 開箱評測-9
▲ 另外,底部左右兩個開孔分別是 1W 外放喇叭,實際聽感重低音部分的反饋感比較弱,中頻和高頻部分會更分明; 底部四角亦具有防滑膠,一般室內平面的支撐和防滑均足夠可靠。

2021 年度「黃色」:六千有找 AVITA LIBER V 新 U 開箱評測-10
▲ 機身重量只有 1.3 公斤,最厚的部分是 17.4 毫米,以 14 吋屏幕類別的筆電黎講,屬於輕量級中的重量級; 但揸上手相當堅固的外殼會令人更加安心。

2021 年度「黃色」:六千有找 AVITA LIBER V 新 U 開箱評測-11
▲ 轉軸的設計與蘋果的 Macbook 系列相當似,但開蓋的順滑程度比 Macbook 更穩定和舒服。

2021 年度「黃色」:六千有找 AVITA LIBER V 新 U 開箱評測-12
▲ 但同 Macbook 一樣開合角度都係無法做到商用機 180 度攤平,最大角度如上圖,適合一般室內平面坐檯的空間使用。

2021 年度「黃色」:六千有找 AVITA LIBER V 新 U 開箱評測-13
▲ 機身左側接口有:安全鎖、USB-A 3.0、3.5mm 耳機口和 microSD 卡槽。

2021 年度「黃色」:六千有找 AVITA LIBER V 新 U 開箱評測-14
▲ 而右側分別是:充電指示燈、充電口、另一個 USB-A 3.0、USB-C 3.1(支持 PD3.0 充電和影像輸出功能)、全尺寸 HDMI 接口,足夠應付一般家庭和辦公室需求。


內部佈局
2021 年度「黃色」:六千有找 AVITA LIBER V 新 U 開箱評測-15
▲ 輕鬆單手開蓋後就見到內部佈局,鍵盤面板亦係採用鋁金屬,能夠提高手枕位的堅固度和耐用性。

2021 年度「黃色」:六千有找 AVITA LIBER V 新 U 開箱評測-16
▲ 採用全高清 16:9 IPS 防眩光屏幕,可視角度達到 178 度;呢種磨砂係人性化設計,比普通亮面屏幕能夠減低更多眩光,可以舒緩對長時間用電腦的眼部不適。

2021 年度「黃色」:六千有找 AVITA LIBER V 新 U 開箱評測-17
▲ 屏幕上方除了提供視像鏡頭之外,亦具有雙收音 MIC 設計,強化視像會議時收音的效果。

2021 年度「黃色」:六千有找 AVITA LIBER V 新 U 開箱評測-18
▲ 新版 LIBER V 亦保持三邊超窄邊框設計,並且配上緩衝膠條,可以更好地保護屏幕和鍵盤。

2021 年度「黃色」:六千有找 AVITA LIBER V 新 U 開箱評測-19
▲ 屏幕下放會見到低調的凹刻「AVITA」標誌。

2021 年度「黃色」:六千有找 AVITA LIBER V 新 U 開箱評測-20
▲ 內部鍵盤的佈局如圖,見到超大面積的觸控板。

2021 年度「黃色」:六千有找 AVITA LIBER V 新 U 開箱評測-21
▲ 如果係「亮麗黃」的型號,鍵盤面板 + 觸控板都會變成黃色,「黃 + 黑」確實相當型仔!

2021 年度「黃色」:六千有找 AVITA LIBER V 新 U 開箱評測-22
▲ 從呢個角度就可以見到「黃色顏料」其實係鋁金屬外殼的表面。

2021 年度「黃色」:六千有找 AVITA LIBER V 新 U 開箱評測-23
▲ 評測型號係採用 Intel 第 11 代 i5 處理器,所以就會有張相應的貼紙。

2021 年度「黃色」:六千有找 AVITA LIBER V 新 U 開箱評測-24
▲ 機身亦內建指紋識別器,支持 Windows 系統快速登入;而細心觀察會見到,指紋識別器其中一個方向特意做斜面,用戶快速按壓抽手之後,亦不會被金屬殼邊沿刮傷。

2021 年度「黃色」:六千有找 AVITA LIBER V 新 U 開箱評測-25
▲ LIBER V 鍵盤依然具備二段式背光功能;而電源鍵和 Cap Lock 指示燈亦獲得保留。

2021 年度「黃色」:六千有找 AVITA LIBER V 新 U 開箱評測-26
▲ LIBER V 的鍵盤係我打過咁多部千元級筆電中最好打的一部:按鍵深度足夠,而且得益於鍵盤下具有穩定板設計,用力打落去鍵盤唔會浮動,增強反饋感之餘,亦提供輸入的速度和準確度。如果你係需要一部價錢唔貴,但極度注重輸入體驗的筆電,不妨去試玩下 LIBER V 個鍵盤,絕對會「打字打上癮」。


各項性能測試 
規格一覽
LIBER V 新版採用的是 Intel 11 代處理器,而你會發現市面上甚至官方網站依然做緊 10 代處理器的減價優惠,記得唔好買錯版本喇! 而今次 YK 到手的係 i5 處理器的型號,另外有 i7 版本,原先建議零售價係 6990 元和 8490 元。 但官網暫時提供「期間限定」優惠,5990 元就買到 i5 版本(8GB + 512GB)。

2021 年度「黃色」:六千有找 AVITA LIBER V 新 U 開箱評測-27
▲ 採用 Intel i5-1135G7 四核心八線程處理器,採用 Intel 最新的 10nm 製程技術。

2021 年度「黃色」:六千有找 AVITA LIBER V 新 U 開箱評測-28
▲ 處理器擁有 8MB SmartCache 快取記憶體。

2021 年度「黃色」:六千有找 AVITA LIBER V 新 U 開箱評測-29
▲主機板廠商和 BIOS 供應商都係 AVITA 自己。

2021 年度「黃色」:六千有找 AVITA LIBER V 新 U 開箱評測-30
▲ 機身提供 8GB LPDDR4x 記憶體,支持四通道模式。

2021 年度「黃色」:六千有找 AVITA LIBER V 新 U 開箱評測-31
▲ 採用核顯單元 Iris Xe 圖像處理技術,相信大家都唔陌生了。

開機速度
2021 年度「黃色」:六千有找 AVITA LIBER V 新 U 開箱評測-32
▲ 開機需要 9 秒就完成系統啟動,絕對係快;再過 18 秒就完成載入程序,呢個速度對比同價位產品而言可以稱得上非常快速。

綜合性能
2021 年度「黃色」:六千有找 AVITA LIBER V 新 U 開箱評測-33
▲ 係預設狀態下進行 Novabench 綜合測試,手上呢部 LIBER V 獲得 1843 分,整體分數明顯是被硬碟分數「拉低」左。

SSD 測試
2021 年度「黃色」:六千有找 AVITA LIBER V 新 U 開箱評測-34
▲ 因爲機身採用的並非高速 NVMe SSD, 而是 SATA 制式;而呢款 FORESEE SSD 係來自中國「江波龍」旗下的品牌,而「江波龍」就是幾年前收購 Lexar 大廠的企業。

2021 年度「黃色」:六千有找 AVITA LIBER V 新 U 開箱評測-35
▲ 在連續讀寫結果中,LIBER V 獲得 552mB/s 和 523mB/s 的成績;而多工隨機讀寫 (4K Q32T1)達 220mB/s 和 224mB/s 速度,日常使用中你會覺得佢比一般機械硬碟電腦快,但更好的速度體驗固然係 PCIe SSD 喇!

CPU 處理器性能
第 11 代 Intel 處理器一直都同各位網友測試過好多部機,而 i5 呢粒處理器,都支持廠商自行調教 TDP 而決定實際性能。 到底 AVITA 會點樣設定 LIBER V 新機的效能呢?  我地一齊睇睇跑分數據。

2021 年度「黃色」:六千有找 AVITA LIBER V 新 U 開箱評測-36
▲ 預設狀態下在 Cinebench R23 的跑分結果:單核心 1289 分、多核心 3551 分;分數對比上一部同大家評測過的三星 Galaxy Book Pro 稍高,估計係得益於機身厚度留有更大的散熱空間;但留意到 MR Ratio 連 3 都達不到,說明性能上依然被壓制住。 無辦法喇,呢個係輕巧機的宿命 ~

GPU 圖像處理性能
2021 年度「黃色」:六千有找 AVITA LIBER V 新 U 開箱評測-37
▲ 在 Basemark GPU 標準測試的 4K Vulkan 1.0 測試中得到 1067 分,符合 Iris Xe 核顯應有的分數。

2021 年度「黃色」:六千有找 AVITA LIBER V 新 U 開箱評測-38
▲ 而 Basemark GPU 標準測試的 4K DirectX 12 測試中得到 1103 分,再次印證 11 代處理器的核心顯示單元擁有滿足日常基本用途的性能。

電力續航測試
2021 年度「黃色」:六千有找 AVITA LIBER V 新 U 開箱評測-39
▲ 內建約 37 Whr 的電池容量,作爲一部 14 吋屏幕的筆電黎講電量係過少,特別是以移動工作爲重點需求的場景黎講。

2021 年度「黃色」:六千有找 AVITA LIBER V 新 U 開箱評測-40
▲ 在 Full Load 燒電測試中只係得到 3.5 小時的成績,時間係非常短,但面對 37Whr 的電量都係預期之內。

2021 年度「黃色」:六千有找 AVITA LIBER V 新 U 開箱評測-41
▲ 而利用 Chrome 做播放指定的 720p 解析度 Youtube 影片恆常測試中(亮度最暗、WiFi 附近); 過了一小時後 LIBER V 還有 86% 電量,也就是睇 Youtube 最長可以睇到 7 小時就無電,續航力一般,距離官方聲稱的最高長達 10 小時依然有一段距離。


結論
升做 11 代處理器後,性能提升相當明顯,加隻滑鼠輕度打機如英雄聯盟低效模式都相當流暢。 但講到配色上,官網玩不定期補色,本 YK 就最愛「無限黑」,四塊面板都係黑色夠晒低調。 而 2021 年度色黎講,黃色絕對係 THE BEST 搶眼。AVITA 係筆電市場上玩味感最濃厚的品牌,經常推出相當有驚喜的筆電,特別係外觀相當特別又出衆。

LIBER V 定位上相當適合作爲都市蝸居台機替代品,閒置狀態可以融入家居成爲潮品裝飾,用佢的時候好打到喊的鍵盤、舒適的屏幕、超大塊觸控板都會讓你有更好精神狀態捱到收工! 固態硬碟未有採用最新的 NVMe SSD 卻係最大的遺憾,但實際操作上你又唔會覺得慢,因爲慢極都係讀寫破百,一般文書、上網、睇片用途唔會有好大分別。 港幣六千有找可以買得到「紅點產品設計大獎」加持的筆電產品係相當吸引。