預載 Windows 11 系統:三星 Galaxy Book Pro 360 5G 版開箱實測

YKer 2021-10-22 20:43 | 電腦硬件
自從 Windows 11 系統正式發佈之後,唔少朋友都問到底幾時會係香港見到預載發售的筆電產品。  三星旗艦筆電 Galaxy Book Pro 360 推出 5G 版,就係市面上第一波預載 Windows 11 系統的筆電。 先講實測試玩的結論,呢部 Galaxy Book Pro 360 5G 完全符合一部商務旗艦筆電的表現,更特別係佢附送 S Pen 觸控筆,而且係屬於加大版的 S Pen,手感一流! 事不宜遲,立刻進行開箱實測!

FB.jpg

開箱
心水清的網友都可能估到,其實呢部 Galaxy Book Pro 360 5G 並非新機,而係上半年一早就發佈左,只係最近先黎香港開賣。 重點係有兩個:5G 數據上網功能和預載 Windows 11 系統。 其餘硬件、設計與普通版 Galaxy Book Pro 360 大同小異。 

photo1634707230.jpeg
▲ 全系列一致的包裝風格,好清晰見到係 5G 版新機。

 photo1634707230 (1)-redacted_dot_app.jpeg
▲ 規格上其實同普通 WiFi 版無分別,令人愉快的「越南製造」;更重要係預載「Windows 11 Home」系統!

photo1634707230 (2).jpeg
▲ 「霧光銀」的機身相當高貴,內盒包裝亦相當簡約。

photo1634707230 (5).jpeg
▲ 跟機仲有 Wacom 技術加持的 S Pen 筆,適合有需要手寫或簡單繪圖的朋友。

photo1634707230 (6).jpeg
▲ 原廠採用的是 USB-C to USB-C 充電線,粗又硬的質感令人相當安心。

photo1634707230 (3).jpeg
▲ 細細舊 USB-C 火牛,實際上提供高達 65W 的輸出功率:5V/3A、9V/3A、15V/3A 和 20V/3.25A 四種自動調節充電模式;更重要係火牛同樣「越南製造」!

photo1634707230 (8).jpeg
▲ 香港購買的 Book Pro 360 5G 一如既往提供「1+1年」的保養服務。

photo1634707230 (9).jpeg
▲ 隨機附送的呢隻卡針係 5G 版的身份證明 ~ 

photo1634707231 (1).jpeg
▲ 三星獨家的 S Pen 係屬於加大版,握筆感相當好; 雖然可以磁吸附係機身外殼,但個人建議另外獨立存放比較穩妥。

 
真機外觀
photo1634707231 (3).jpeg
▲ 銀白色金屬外殼係磨砂質感,手感相當正;一部 13.3 吋支持 Flip 芒的 Book Pro 360 5G 機身重量只有 1.07 公斤,相當令人驚訝。

photo1634707241 (8).jpeg
▲ 「SAMSUNG」字樣的 LOGO 是機身表面反光的部分,呢種搭配有「迷霧裡的燈塔」的感覺。

photo1634707231 (4).jpeg
▲ 機身底蓋絕大部分面積皆採用金屬物料,對比其他筆電採用的塑膠方案,Book Pro 360 5G 這種設計可以加快整體散熱效果。

photo1634707231 (5).jpeg
▲ 底部左右兩側具有 AKG 調音的外放喇叭,同時支持 Dolby Atmos 音效。

photo1634707231 (7).jpeg
▲ 雖然機身非常纖薄,但底部依然保留 4 大塊厚實的防滑膠;底蓋具備屢空小孔,有助加快散熱風流動。

photo1634707231 (8).jpeg
▲ 機身後方亦具有超寬闊的散熱孔,成條 S Pen 咁長的散熱條設計,係纖薄機身筆電黎講係相當罕見的好設計!

photo1634707231 (9).jpeg
▲ 機身厚度只有 11.5mm,三星製造筆電工藝已經係黐線級,唔好忘記 Book Pro 360 5G 屏幕仲支持 S Pen、有埋觸控功能! 望住隔離部 Macbook Air 乜都無但 16.1mm 厚,輸左幾條街喇!

photo1634707241 (1).jpeg
▲ 機身左側提供兩個 USB-C 接口,其中一個支持 Thunderbolt 4 制式,仲有 microSD 卡和充電指示燈。 

photo1634707241 (2).jpeg
▲ 機身右側提供 combo jack、USB-C 接口、支援 5G 數據上網的 nanoSIM 卡槽。

photo1634707241 (7).jpeg
▲ 其實個卡槽用普通小型萬字夾都開得到。

photo1634707242 (5).jpeg
▲ Book Pro 360 5G 左右兩邊的 USB-C 接口都支持充電功能,見到燈著就代表順利充電。

photo1634707241 (3).jpeg
▲ 機身確實超級薄,比大家從另一個角度欣賞下呢把「韓國小太刀」!


內部佈局
photo1634707242 (8).jpeg
▲ Book Pro 360 5G 同樣支持單手揭芒蓋的設計; 而且輕鬆 180 度攤平、甚至可以 360 度翻蓋,呢個功能對於商務日常用途黎講絕對係優勢。

photo1634707242 (14).jpeg
▲ 一塊 13.3 吋的全高清 SUper AMOLED 屏幕,雖然係光亮面用料,但反光的問題並不明顯;不過由於是 AMOLED 的關係,近距離觀看顆粒感會比較明顯。

photo1634707242 (16).jpeg
▲ 採用 3 邊超窄框的設計,視覺上絕對型仔; 而且得益於全金屬外殼設計,物理結構穩定度有一定保證。

photo1634707242.jpeg
▲ 三星自家的 Pro Keyboard 鍵帽面積夠晒大,實測過打字無都唔會錯,好快就上到手。

photo1634707242 (4).jpeg
▲ 纖薄筆電最大問題係打字手感差,但 Book Pro 360 5G 的手感屬於爽、回彈力明顯,亦無太大的噪音產生,係適合係屋企、辦公室環境中打字的設計。

photo1634707242 (3).jpeg
▲ 支持 360 度翻芒,所以鍵盤面板角落都會有小型的防滑膠,起到保護鍵盤的作用。

photo1634707242 (1).jpeg
▲ 機體獲得「Intel evo 平台」認證,呢個認證代表 Book Pro 360 5G 係重量、續航力、操作反應上都保證係輕、耐、順!

photo1634707242 (2).jpeg
▲ 電源鍵整合指紋識別器,係 Windows 11 系統中同樣支持指紋登入、解鎖。

photo1634707241 (4).jpeg
▲ 有名你叫「360」,屏幕自然支持 360 度翻蓋設計。

photo1634707241 (5).jpeg
▲ 翻芒後其實都相當薄,揸上手黎當平板電腦用都相當方便。

photo1634707241 (6).jpeg
▲ 鉸鍊位相當順滑,冚蓋的時候,如果角度細過大約 30 度,阻尼慢速跌埋落去,而 Flip 芒的時候阻力平均。 一部筆電的工藝是否高級,係呢度可以體驗得到。


各項性能測試 
規格一覽
Samsung Book Pro 360 5G 規格上直接打爆,只有 i7 等級處理器版本。 畢竟建議零售價係 14980 元,呢種旗艦級筆電,都唔係好似本 YK 呢種財力普通的用戶可以輕鬆負擔得起。 但呢部機絕對會係令人好想擁有佢:夠輕、夠薄、電力夠強! 一齊睇下到底各項性能實測結果如何呢? 不過要留意翻,目前好多測試軟件都未完全支持 Windows 11 系統,所以部分軟件會顯示為 Windows 10 系統版本。

螢幕擷取畫面 (12).png
▲ 手上的機體採用 Intel 11 代 i7-1160G7 四核心八線程處理器,當然係採用 Intel 10nm 製程技術;呢款高級處理器擁有高達 12MB SmartCache 快取記憶體。

螢幕擷取畫面 (13).png
▲ Book Pro 360 5G 版都係三星自家定製的主機板,配合美國 AMI 的 BIOS 韌體。

螢幕擷取畫面 (14).png
▲ 機身內置 16GB LPDDR4x 記憶體,商用文書足夠有凸喇!

螢幕擷取畫面 (15).png
▲ 超薄筆電一般都會採用內顯單元,呢部機就係採用 Iris Xe 圖像處理晶片。

開機速度
螢幕擷取畫面 (18).png
▲ 開機速度只需要 8 秒就完成系統啟動,速度相當快,而再過 16 秒就完成載入程序; 留意軟件無法正確顯示 Windows 11 系統,而比較特別係本 YK 發現,過往 Windows 10 登入後仲需要 Load 一陣,而 Windows 11 似乎改晒啟動機制,Book Pro 360 5G 在 8 秒啟動完成後,輸入密碼解鎖成功,就已經可以立刻啟動各項應用程式,而且開 Apps 的過程係「秒開」!

綜合性能
螢幕擷取畫面 (19).png
▲ 在 Novabench 綜合性能測試中,呢部 Galaxy Book Pro 360 5G 只獲得 2092 分,呢個分數對比之前測試的三星 Galaxy Book Pro i5 處理器型號黎講竟然無太大分別。 甚至處理器得分更低,只係 GPU 性能上挽回部分分數。

SSD 測試
螢幕擷取畫面 (28).png
▲ 待機狀態下 NVMe SSD 溫度只有攝氏 35 度,採用的是三星自家出品 512GB 固態硬碟。

螢幕擷取畫面 (21).png
▲ 在連續讀寫結果中,Galaxy Book Pro 360 5G 獲得 2305mB/s 和 1025mB/s 的成績;而多工隨機讀寫 (4K Q32T1)達 379mB/s 和 309mB/s 速度,連續讀寫速度對比其他採用 PCIe 4.0 的筆電偏慢,但最影響日常使用體驗的隨機讀寫,速度過三百算快。

CPU 處理器性能
螢幕擷取畫面 (23).png
▲ 預設情況下在 Cinebench R23 的跑分結果:單核心 1226 分、多核心 3765 分;呢個分數對比三星旗下其他輕薄筆電,分數相若。

螢幕擷取畫面 (24).png
▲ 但要留意由於是輕薄機身設計,散熱空間有限,所以機體所採用的 i7 處理器屬於 15W 低電壓版,預設性能被三星官方主動壓制,同樣地係室溫低的環境下可以按下「F11」啟動一鍵加速功能,瞬間短暫地提高處理器運算能力。

GPU 圖像處理性能
螢幕擷取畫面 (26).png
▲ 在 Basemark GPU 標準測試的 4K Vulkan 1.0 測試中得到 1211 分,符合 Iris Xe 核顯應有的分數,玩小遊戲、輕度剪片等用途完全輕鬆勝任。

螢幕擷取畫面 (27).png
▲ 在 DirectX12 的模式下得分 1127 分,Intel 核顯性能確實比以往進步很大。

電力續航測試
螢幕擷取畫面 (16).png
▲ 自家出品的電池容量高達 63Whr,電量黎講是相當大。

螢幕擷取畫面 (29).png
▲ 在 Full Load 測試中獲得 9 小時佳績! 說明三星將呢部機性能減弱,有偏向強化續航力的考慮,呢個亦係正常 Ultrabook 產品的做法。

螢幕擷取畫面 (32) (1).png
▲ 而利用 Chrome 做播放指定的 720p 解析度 Youtube 影片恆常測試中(亮度最暗、WiFi 附近); 過了兩小時後 Book Pro 360 5G 還有 84% 電量,也就是睇 Youtube 最長可以睇到超過 12 小時先無電,續航力表現相當好!

插卡上網和 Win 11 才是重點
Windows 11 系統我會獨立在其他文章詳細探討,但目前在三星 Book Pro 360 5G 上的體驗是相當良好,反響速度敏捷,暫時亦未遇到任何兼容性的問題。

螢幕擷取畫面 (1).png
▲ 系統界面其實好似 Linux KDE UI 風格,預設置中的功能欄。

螢幕擷取畫面 (2).png
▲ 檔案總管和各種 icons 自然被大改造,設計是否好看就見仁見智。

螢幕擷取畫面 (10).png
▲ 不喜歡置中方案,可以選擇傳統的左下角位置,但無法選擇全面展開應用程式分頁(聽聞用戶集體投訴中,希望能夠重新獲得此功能)。  

螢幕擷取畫面 (3)-redacted_dot_app.png
▲ 「設定」內的界面亦大翻新,變成十足 iPad iOS 的佈局。 

螢幕擷取畫面 (5).png
▲ 對於專業用戶黎講,Windows 11 太簡單,好多深入的設定都被取消,或者要點擊相當多層級才能找到想搞的設定功能。 

photo1634782085.jpeg
▲ 5G 版筆電內建 Intel 的網絡卡,一插 SIM 卡就可以上網,但留意部分的網絡商需要手動設定 APN 配置; 而插卡只能提供數據上網,暫時未有正式撥號通話的功能(Data Call 可以)。

photo1634782085 (2).jpeg
▲ 除了 5G 卡外,舊的 4G LTE 數據卡都可以插到落去完美兼容。


結論
Samsung Book Pro 360 本身就是一款頂級質素的移動筆電,推出預載 Windows 11 配 5G 版後,比流動辦公需求大的精英用戶一個更完整的選擇。 雖然部機實質上是 2021 上半年推出,但直到今日依然未有對手能夠提供如此輕薄、續航強、功能豐富的小筆電。

Windows 11 出乎意料的順暢亦為呢部機大大加分,而三星過往內置的各種自家軟件,例如 Smart Swtich、Samsung Notes 等軟件,係 Windows 11 系統上亦獲得保留,用戶一買即開即用相當方便。但要留意,機身並無 USB-A 接口。 如果你臨時要讀取外置 HDD 或者快閃記憶裝置,就需要外購轉接器。
 

最新新聞