Black Friday 正日衝呀!Amazon US 呢批特價 Gadget,睇啱好買啦

2021-11-26 10:05
今日 26/11 係 BlackFriday 正日,以下優惠,只要有貨,應該去到 29/11 Cyber Monday 嘅。我哋去開嘅 Amazon US 站大特價開始了!下面就有最新嘅優惠。留意嘅係部份唔支援直運香港,你要揾集運架!同埋若果唔支持直送香港,你就要揀送貨地區係美國集運地址!廢話少講,Let's Go! 

Black Friday 正日衝呀!Amazon US 呢批特價 Gadget,睇啱好買啦-0
▲ 講開 TWS  (Ture Wireless) 耳機,個個都只係識得推 Sony,因爲索尼降噪效果真係好正。 但其實,Bose 的 QuietComort 耳機降噪效果比索尼更強。 呢款有金沙色、白色、藍色、黑色,Amazon 上係賣緊 199 美金。 香港要 1900 蚊,Amazon 就只係 1600 蚊。我自己曾經借朋友的 QuietComfort 黎玩,確實降噪係頂級,好過 Sony,如果你出街係好怕外面噪音,唔介意聽歌音質比索尼弱少少,咁 Bose 呢款好適合你。 例牌耳機有 IPX4 防水,電池盒支持 Qi 無線充電。呢個係需要用「集運」。

Black Friday 正日衝呀!Amazon US 呢批特價 Gadget,睇啱好買啦-1
▲ TWS (True Wireless) 耳機有平有貴,我無 Budget,又唔想買不知名雜乜牌,咁有無乜選擇? 有,你如果好彩未 Sold Out 的話,Philips 有一款 T2236 真無線藍牙耳機,有 IPx4,有  USBC-C 接口充電,一次充電有 6 小時續航力,連同電池盒會有最高 18 小時的續航力。 Amazon 粉紅色係清緊貨19.99 美金,即係港幣 160 蚊。所以唔好講乜音質、乜抗噪能力,呢種野係做運動粗用,難聽啲講我買夠 10 pair,個個月唔見一對,都平過你買一對靚嘢。喺 Amazon 買滿 49 美金的免運費

Black Friday 正日衝呀!Amazon US 呢批特價 Gadget,睇啱好買啦-2
▲ 係美國 Apple Store,Apple Air Pods Pro 都有輕微減價,159 蚊美金,折合港幣 1280 蚊,香港最平最平都要 1500 蚊。Airpods Pro 唔需要多介紹喇,有 ANC 主動式降噪,有骨傳導技術,支持無線充電同 左右聲道 Auto Balance 功能。好野當然 Apple 唔比香港買喇,所以係要用集運的。

Black Friday 正日衝呀!Amazon US 呢批特價 Gadget,睇啱好買啦-3
▲ 如果你話好怕 Air Pods Pro 跌唔見,但又好想用 Apple 產品,咁過隔離 Beats 都得掛,反正都係 Apple 所擁有的品牌。 PowerBeats 耳機,呢款係有條線掛住左右的耳機,最特別係支持Apple H1 晶片,以及達到 Class 1 藍牙制式。 H1 晶片大家都好熟喇,係蘋果自家開發出來的Audio 處理器。 而 藍牙 Class 1 擁有比較遠的傳輸距離,意味住接收會比較好。 黑色 PowerbBeats 係Amazon 賣 79.97。 呢隻耳機係入耳式,有 長達 15 小時的續航力,但 iOS 同 Android 都可以用得到佢。並且有簡單防水防汗設計,其實都相當適合運動時候用。折合港幣 640 蚊,而香港呢邊賣緊 900 幾蚊。 當然,如果你想買 Pro 版,香港同 Amazon 差 180蚊 左右,都可以考慮。而同樣,好野係要用集運。

Black Friday 正日衝呀!Amazon US 呢批特價 Gadget,睇啱好買啦-4
▲ 如果你預算唔多,又想買音質比較好的頭戴式耳機,Beats Solo 3 係一款相當長青的耳機,四隻色係 Amazon 都係 100蚊美金有找,折合港幣 800 蚊,香港仲賣緊 1000 蚊左右。 呢隻野有乜好處呢 ,有 Apple 自家的 W1 晶片,呢個係 H1 的前一代黎。同樣支持 Class 1 藍牙,續航力更加達到 40 小時。舊耳機要清貨,所以呢個價錢都係歷史低位,一樣係要用集運

Black Friday 正日衝呀!Amazon US 呢批特價 Gadget,睇啱好買啦-5
▲ Bose 出品的一款 Sleepbuds II,正確學名叫做睡眠耳塞。 如果你面對鼾聲,外面雜聲的問題,咁呢款野會幫你用物理方式隔音之餘,會放出白噪音黎遮蓋外界的雜聲,等你個腦可以專注訓覺。而同時,呢隻野都有 ANC 功能,會偵測外界噪音,產生相反信號而達到抵消雜聲。當然喇,你如果想 KO 電話響、鬧鐘、警鐘,係無可能。 呢款野我強烈建議大家試玩。係 Amazon 特價 199 美金,折合港幣 1600 蚊。稍微平過香港1800 蚊,兩舊水咁大把。一樣喇,好野係要集運

Black Friday 正日衝呀!Amazon US 呢批特價 Gadget,睇啱好買啦-6
▲ 上面介紹嘅,都係耳機產品? 因爲耳機產品係本年度最強死貨,清極都有好多貨囉。跟住落黎都係耳機,但有少少唔同,我知道有好多人要work from home 開會,成日問我有無乜嘢耳機或者 mic 係可以講得清楚、聽得清楚,又容易set up 唔好煩。 有呀,最平的一款介紹係 JBL Quantuim 100,呢款係有線 Gaming 打機用的耳機,頭戴式耳機有支伸出嚟的 mic,25 蚊美金, 即係 200 蚊港幣。 JBL 呢款 cheap野,香港好似無賣過,最平個型號好似係 Quantum 300。 呢種有伸出咪的耳機,開會聽得最清楚,講野最清楚。 開完會又可以立刻打機用,係爽。喺 Amazon 買滿 49 美金的免運費

Black Friday 正日衝呀!Amazon US 呢批特價 Gadget,睇啱好買啦-7
▲ 唔喜歡 JBL 咁樣,又覺得好大件? 版主推介非入耳式 AfterShokz OpenComm ,採用骨傳導方式,夾住係你耳骨旁邊而聽到聲。 香港買要過千架。 係 Amazon 係 110 蚊美金,即係 880 蚊咋,呢隻野係 open ear,姐係同時會聽到外面講野。 係比較安靜的室內環境用黎通話就最適合。 支持 NFC 快速配對,同時藍牙配兩部裝置都可以,連續通話續航力達到 16 小時。我每日講一兩個小時電話,其實成個星期都唔需要充電。 而且更重要係,用佢黎長時間聽野,唔係追求音質,只係追求耳仔舒服。 因爲唔熱、唔痛。好野係要集運

Black Friday 正日衝呀!Amazon US 呢批特價 Gadget,睇啱好買啦-8
▲ 介紹 Amazon 自家的 Fire Talbet 平板電腦。 又介紹? 係,因爲有新折扣、新著數。FIre 系列其實有好多款,而且有新版舊版。 我只係會推薦以下的型號,大家細心留意。 Fire HD 8 Plus,係2020年發佈,只有 32GB ROM 的8 吋平板電腦。 55 蚊美金有 Lockscreen 廣告版,平板電腦續航力最高 12 小時。 一部折合港幣 450 蚊的平板電腦有乜用呢? 點解要買佢呢? 佢規格上係有 4 核心不知名處理器,用USB-C 接口充電。 硬件設計上其實係好適合睇電影,買佢翻黎得一個目的,就係睇 Netflix、睇 Disney Plus、睇 Kindle 書之類。 機身係支持記憶卡擴充,down 幾多片都唔係問題。歷史新低價黎。 買黎睇片,坐爛跌爛都唔心痛。 好野係要集運

Black Friday 正日衝呀!Amazon US 呢批特價 Gadget,睇啱好買啦-9
▲ 至於另一款 Fire 平板要推薦的係 Fire HD 10 Plus,記住係 Plus 版本,唔好搞錯。 而呢款 10 Plus 唔好買剩機身,一定要考慮買 Charging dock 套裝,或者買 keyboard 套裝,二選一。先講平板,10.1 吋 全高清的平板,64GB ROM / 4GB RAM,八核心處理器,今次終於唔係一部單純睇片的平板,可以KO到其他用途。Wireless 無線充電套裝只係 195 蚊美金,1600 蚊都唔洗。 而呢個充電座本身都可以係電子鐘,睇天氣、睇行程用,當然亦可以放係廚房裏面跟住教學黎煮野食。 都係一個好的選擇。好野係要集運

Black Friday 正日衝呀!Amazon US 呢批特價 Gadget,睇啱好買啦-10
▲  至於另一個鍵盤套裝,我會覺得更加抵玩。 價錢只係 215 美金,港幣大約 1800 蚊。 有原裝藍牙鍵盤送,更加重要係有 Micorsoft Office 365 12個月訂閱包埋比你, 而呢個訂閱,係可以同時係 5 部機上啓動。 Word、Excel、PowerPoint、OneNote、Outlook、OneDrive、仲另外有 1TB 雲端儲存空間。 真係平到喊。 而有鍵盤,就係比你可以做下簡單文字輸入、檔案編輯的工作。當然,呢個係美國客戶限定,所以係要集運喇

Black Friday 正日衝呀!Amazon US 呢批特價 Gadget,睇啱好買啦-11
▲ Fire TV Stick 的 Lite 版都有額外減價,18 蚊美金,真係要講句夫復何求! 雖然叫做 Lite,預左佢價錢 cheap、功能cheap,但cheap極都有個遙控送比你,唔似 Chromecast 咁孤寒。 而功能上,竟然都保留 Dolby Audio 聲效。呢個價錢,上年black friday都係呢個價,但今年乜都加價的情況下,佢無加價,算係咁。 適合屋企有 FHD 電視,又想將電視變成 Smart TV 的朋友仔。


Black Friday 正日衝呀!Amazon US 呢批特價 Gadget,睇啱好買啦-12
▲ Amazon 最出名的產品係乜? Kindle Reader 必然係其中一個。 Black Friday 正日優惠,突然加入左 Kindel Oasis 旗艦版的 Reader,8GB 有廣告版,175 蚊美金,折合港幣 1400 蚊。呢個價錢係相當平了。 呢部旗艦野,最特別係背部有一個凹凸卡槽,可以比你手指揸實部機,相當舒服。 而金屬物料機身有 IPX8 防水,7 吋 eink 芒 300ppi,有背光燈。 有實體按鈕和自動旋轉感應。 估計以後 AMazon 都未必再推出 Oasis 呢種貴到離哂地賣唔晒的型號。都係要用轉運。

Black Friday 正日衝呀!Amazon US 呢批特價 Gadget,睇啱好買啦-13
▲  有朋友問我好唔好考慮係 Amazon 買外置硬碟或者內置硬碟產品,我哋建議買 SSD,因為 無物理碰撞的問題。 而今日要介紹的係 Sandisk 2tB Extreme Pro 的手提 SSD, 號稱最高寫入速度達到 2000MB/s,270 美金,折合港幣 2160 蚊,香港賣緊 2500 蚊。 呢款產品其實已經有兩代,大家唔好買錯 USB3.1 舊版,要買 USB 3.2 Gen 2。而呢個價錢係包直送香港

Black Friday 正日衝呀!Amazon US 呢批特價 Gadget,睇啱好買啦-14
▲ 有位朋友問,長者買手機,想要支 Pen,但又唔想買天價 Samsung 旗艦,可以有乜選擇? 可能老人家用手寫版喇。 其實 Moto 係市場上唯一堅持年年出有 Pen 手寫筆功能的手機,而剛好係 Amazon 上都有 Black Friday 優惠。 Moto G Stylus 2020 版,S665 八核心,4GB 128GB,4000電、有筆、6.4 吋大芒。 200 美金 (HK$1600 左右),呢個價錢係直送香港。

Black Friday 正日衝呀!Amazon US 呢批特價 Gadget,睇啱好買啦-15
▲  有錢的話,而可以升級買 2021版,處理器變成 S678 ,屏幕亦升級變成 6.8 吋,其他野就差不多,一樣都係有 pen。230 蚊美金,一樣係包送貨到香港。
多謝支持 ePrice.HK