唔使硬食《薩爾達》!任天堂 Switch 蘇寧預訂更著數?

2017-03-23 21:38
話說近期比較大熱的話題,應該係任天堂推出的 Switch,雖然其後被揭有不少問題,但都無減網友對 Switch 的喜愛。今日版主行場時收到一個消息,表示蘇寧大貨好快就到,而且同捆裝仲有 Mario 賽車可以揀,對於 Mario 迷來說,係咪已經等左呢隻 Switch 遊戲好耐呢?幾時有得買,會賣幾錢,下文會講。

唔使硬食《薩爾達》!任天堂 Switch 蘇寧預訂更著數?

今日版主經過旺角蘇寧,同店員吹左陣水,店員話俾版主知,任天堂 Switch 現正可以在蘇寧預訂,大貨預計 4 月 28 日就到,同捆裝賣價為 $3086,包 Switch 以及兩隻 Game。咁到底係邊兩隻 Game 呢?如果之前已經買左 Switch 的網友,應該係無得你揀,逼你要《1-2 Switch》以及《薩爾達傳說》,畢竟現時 Switch 的遊戲少之又少。

但而家蘇寧就唔同,你係有得揀!雖然選擇唔多,但都好過無吧?講番正題,$3086 所包的兩隻 Game,係《1-2 Switch》以及 《Mario Kart 8 Deluxe》/《薩爾達傳說》,當然如果你唔想要《1-2 Switch》,但想要《Mario Kart 8 Deluxe》同《薩爾達傳說》,都得,大約加多 $200 左右就可以了。據店員所言,呢隻 Mario 賽車 Game 的期待值幾高下,未買 Switch 的網友,會唔會因為呢隻 Game 而入手 Switch 呢?

唔使硬食《薩爾達》!任天堂 Switch 蘇寧預訂更著數?
▲ 其實今日蘇寧官網都新增左 Switch 組合套裝,不過就一定要你買《1-2 Switch》同《Mario Kart 8 Deluxe》,如果你想要 Option 2 (《Mario Kart 8 Deluxe》 + 《薩爾達傳說》),就要去門市預訂了。