Sony Xperia Z4 Tablet 大解構!7 大特色功能你要知

Lawrence 2015-03-07 05:03 | Sony
2015年 Sony 可以話係一改玩法,由以往以 Xperia Z 系列旗艦手機作為年頭主打,改為以 Sony Z4 Tablet 打頭炮! Sony Z4 Tablet 由發表至今能夠贏得唔少網友掌聲,相信當中一定有佢嘅過人之處。所以今次版主就從 Sony Z4 Tablet 嘅重點功能同規格兩方面拆解呢部平板主打有乜咁特別。有興趣入手嘅朋友快啲睇下文啦!

36.jpg

(1) 輕量十吋平板,防水功能 Level UP

無講手機還是平板,設計一直是 Xperia 系列的重點,今次 Z4 Tablet 係十吋級別中,仍然有出色的表現,包括 389g 的重量以及 6.1mm 薄度,都維持 Sony 一貫輕薄本色。而防水的設計上, Z4 Tablet 具備 IP65、IP68 等級,防塵之餘,最高極限是可在 1.5 米深的水中使用 30 分鐘。而在日常生活中仍帶來唔少便利;例如唔怕各種意外狀況的潑水或淋雨,沖涼或者泳池邊要帶佢睇戲都無問題。

另外 Z4 Tablet 比上代改進的,仲有無蓋防水。所指就係 microUSB 同耳機孔兩個組件都做到了外露式而繼續擁有防水功能,不必好似以前一樣擔心防塵蓋用久失效或沒蓋好。這個無蓋防水的設計,大家都可以視為係 Sony Xperia 今年新款防水機型的配備,未來仍會見到更多無蓋防水新機。

07.jpg
▲ 耳機孔都係無蓋防水,位置則在機身左上角;旁邊係 microSD 插槽,呢個插槽就有用蓋保護住啦。

05.jpg
▲ 最薄處僅 6.1mm 的薄型設計。電源鍵、音量按鍵設計在機身左上側。

(2) Sony 獨家顯示技術加持,屏幕解像度達 2K

同越來越多新款平板加大尺寸並採用 4:3 顯示比例相比,Z4 Tablet 仍維持既有路線。沿用 10.1 吋與 16:10 屏螢幕比例,但就升級到 2560x1600 解像度IPS 屏幕,而且像素密度接近 300ppi(精確來講係 298.89ppi)。再加上 Sony Triluminos 與 X-Reality 二大招牌顯示技術,實際試用時品質確實唔錯。

11.jpg
▲ 屏幕維持係 10.1 吋,但升級到 2560x1600 的 WQXGA 高解像度。同時 Z4 Tablet 亦有 Triluminos 同 X-Reality 兩項顯示技術,增強色彩表現也強化銳利度。

(3) 頂級硬件:S810 八核+ Cat 6 300mbps  極速上網

若果話要從 Z4 Tablet 身上搵出下一代 Sony 旗艦 Xperia Z4 蛛絲馬跡,咁硬體配置一定係重點。Android 5.0 系統、S810 八核處理器可以話係完整發揮 64bit 效能的組合,再加上 3GB RAM、32GB ROM 同支援最高 128GB microSD 插卡,呢個應該都會係 Z4 平板與手機的共通點之一。

另一個 Z4 Tablet  嘅顯著提升就係支援 4G LTE cat.6(最高 300Mbps)同 Wi-Fi MIMO(最高 867Mbit/s)啦。二者同樣可以令呢部平板上網速度更加。另外 Z4 Tablet 會推出 4G 與 Wi-Fi 二種版本,其中 4G 版可以通話、使用 nano SIM;兩個版本除左網路支援不同,就係 4G 版稍重,但都只係多左 4g,變成 393g,仍然可以話係非常輕巧。

Screenshot_2015-03-04-14-36-29.jpg
▲ Android 5.0 加上 S810 處理器就可以完整發揮 64bit 效能,呢個睇黎都係今年各大手機平板重點。

(4) Stamina 慳電模式再升級,可以連續 17 小時無間斷播片!

Z4 Tablet 電池與上代一樣具備 6000mAh 電量,不過 Sony 強調佢哋係電源管理上有比以往更好的表現,換句話講就係將 Stamina 模式進化。根據原廠資料,Z4 Tablet 電力可提供最高連續 17 小時無間斷播放影片;呢個測試進行時的條件就不得而知,但驚唔夠電用的朋友就可以透過 Stamina 的各種設定來減少不必要的電量消耗。

11B.jpg
▲ Sony 強調 Z4 Tablet 可提供連續播放影片達 17 小時,想更慳電?用 Stamina 模式啦!

(5) 自拍更廣角,影相模式多達 22 種

Sony 為 Z4 Tablet 配備的相機係主 800 萬 / 前 500 萬像素嘅搭配,前鏡頭除左升級像素更多左廣角鏡頭。自拍時就影到更多野啦。而拍攝功能方面基本上同高階 Xperia 手機沒二樣,都具備智能場景模式同下載相機 APP 的擴充功能;另外 Z4 Tablet 都有全手動功能,除左可以設定最高 ISO1600 的感光度(低光源模式拍照最高 ISO3200),SCN 場景都達到 17 種,另外仲有 AR 效果等等強調拍攝樂趣嘅功能,相機可玩度絕對唔差得過旗艦手機㗎!

不過同時大家都要留意,雖然 Z4 Tablet 規格一流,但主相機錄影最高只支援到 1080p ,並無好似 Z3 一樣有 4K 錄影功能,唔知大家又會不會在意呢?

20.jpg
▲ 前相機升級到 500 萬像素 Exmor R,除了相片尺寸更大,鏡頭都加入左廣角。

(6) Hi-Res Audio 支援,DSEE HX 還原好音質

以平板來講,比起影相功能可能大家對音樂的要求會高更多,而呢一點 Z4 Tablet 亦做到足無問題。一方面 Sony Walkman 唔少高階功能 Z4 Tablet 都有,包括:支援 Hi-Res 高解析音質、數位降噪,以及專為 Hi-Res 設計的 LDAC 無損傳輸技術,即使係透過藍牙耳機都能夠聽到高解析音樂。若是音樂來源不是高解析, Z4 Tablet 都有 DSEE HX 技術可增強音質,讓 MP3、AAC 音檔具有比本來更豐富的表現。二來,係硬體上,Z4 Tablet 係屏幕二邊都有前置雙喇叭。

26.jpg
▲ 係全機防水的前提下,Z4 Tablet 係機面仲暗藏一對喇叭。(注意屏幕右邊的細縫)
 

(7) 娛樂工作兼備:支持 PS4 遙控遊玩功能、專用外置鍵盤變身 Notebook

 除左剛才提到的 Sony Walkman , Sony 仲係 Z4 Tablet 上加入左另一個獨家功能,就係大家都好熟悉的 PS4 遙控遊玩啦!只要連結 PS4 手掣,Z4 Tablet 就可透過網路連線隨處玩 PS4 遊戲;若是以工作用途為主的用家都唔使擔心,Sony 亦都為 Z4 Tablet 推出左內置 touchpad 的藍牙鍵盤 BKB50,令平板變做 Notebook 更加方便返工時用啦!

24.jpg
▲ 只要網路環境許可,Z4 Tablet 都可以玩 PS4 遊戲!

29.jpg
▲ 全新推出的 BKB50 藍牙鍵盤,有埋觸控板,當場令 Z4 Tablet 有幾分似 Surface Pro 。

相關產品 (1)

相關報導 (3)

2K 芒+防水+ S810 ! Sony Xperia Z4 Tablet 定價你點睇?

2K 芒+防水+ S810 ! Sony Xperia Z4 Tablet 定價你點睇?

同一眾大牌子相比,Sony近排的動作可能比較慢,不過好戲總係在後頭,經過今日(19/5)的發佈會,大家就會明白到Sony已經準備好了!今次的新品發表會上面Sony一口氣推出左三樣新產品,雖然旗艦手機未現身但係旗艦平板就率先登場,究竟呢部係MWC2015上發佈時已爭取到唔少朋友歡心的XperiaZ4Tablet正式定價係幾多?能否挑戰到iPhone的地位呢?大家一齊睇睇啦!

Lawrence | 2015-05-19
網友問,版主答! S810 +防水 Sony Z4 Tablet 版主體驗分享

網友問,版主答! S810 +防水 Sony Z4 Tablet 版主體驗分享

Sony今日就發佈自家系列最高規格平板XperiaZ4Tablet,係定價上可能會比網友原先所想的略高左少少,但係規格同埋功能上以平板來講就實係無得彈。版主岩岩就拎到真機試玩(連埋個Keyboard),今次除左會做上手試外亦會以問答方式回答大家的問題,想知道呢部平板是否值得入手的朋友就不妨留意啦!

Lawrence | 2015-05-19
Sony Xperia Z4 Tablet 大解構!7 大特色功能你要知

Sony Xperia Z4 Tablet 大解構!7 大特色功能你要知

2015年Sony可以話係一改玩法,由以往以XperiaZ系列旗艦手機作為年頭主打,改為以SonyZ4Tablet打頭炮!SonyZ4Tablet由發表至今能夠贏得唔少網友掌聲,相信當中一定有佢嘅過人之處。所以今次版主就從SonyZ4Tablet嘅重點功能同規格兩方面拆解呢部平板主打有乜咁特別。有興趣入手嘅朋友快啲睇下文啦!MWC2015

Lawrence | 2015-03-08

最新新聞