新四核+ IPS 屏幕！！ Ainol 千元 3G 平板版主開箱+跑分！

之前同大家講過， Ainol 既雙卡四核平板 AX 1 場價已經跌到 $1,000 唔使，配合紅米既話價錢唔到 $2,000 係平過 ASUS Padfone Mini 4.3 唔少（不過需要兩套 SIM 卡）。最近亦有兩部雙卡既千元平板到港開賣，就係代號紅糯米既 Ainol BW 1 同埋 3G 糯米 Ainol AX3 ，兩部機採用 IPS 屏幕同埋四核處理器，就等版主 Eddie 同大家做一個簡單既開箱同跑分啦！


 

Ainol BW 1 詳細規格：

屏幕： 7.9 吋 IPS 屏幕 1024 x 768 解像度
處理器： MTK MT8389WMK 四核 1.2GHz處理器
RAM: 1GB
內置容量 :8GB
外置記憶卡: 最大 32GB
拍攝： 500 萬像素自動對焦主鏡頭、 200 萬像素前鏡頭
電池量 : 3500 mAh
體積 :200.9 x 135.5 x 7.8mm
重量： 283g
價錢： $1,399
 

Ainol AW 3 詳細規格：

屏幕： 7 吋 IPS 屏幕 1024 x 600 解像度
處理器： MTK MK8382 四核 1.3GHz 處理器
RAM: 1GB
內置容量 :8GB
外置記憶卡: 最大 32GB
拍攝： 200 萬像素自動對焦主鏡頭、 30 萬像素前鏡頭
電池量 : 2500 mAh
體積 : 189.9 x 109.5 x 9 mm
重量： 286g
價錢： $999
 

Ainol BW1 支援 3G 雙卡雙待！ 7.9 吋 IPS 屏幕可以打電話

首先跟大家開箱的是 Ainol BW 1 這部平板，它的規格和之前摮出的 AW1 很接近，同樣用 MTK MT8389WMK 四核 1.2GHz處理器、 1GB RAM ，內置 8GB 容量（支援插卡），鏡頭亦是 500 萬像素和 200 萬像素的組合，不同之處屏幕變了 7.9 吋的 1024 x 768 解像度 IPS 和電池升級做 3500mAh 。可以見到 Ainol BW1 是仿照 Apple iPad Mini 的大小來設計的，可能因為使用塑膠為主要材質所以重量不足 300g 略比 iPad Mini 輕，而這個大小用來打電話還是有點勉強，最好配一個藍牙了。

開機時發現 Ainol BW1 採用的也是手機版的 Android 介面，跟 Fonepad 系列很相似，作為內地品牌它當然內置了 QQ 、艾諾市場等原生 Apps，但全部都可以自己刪除，亦有原生 Google Play Store 支援，用起來不會有太大障礙。與之前的「貓頭鷹四核」相比，艾諾最新用的 MT8389WMK 四核心明顯流暢多了，瀏覽電腦版 ePrice 也不會有 Lag 的情況，原生瀏覽器更加支援 Flash 睇片（在這個各大網站都出 Apps 的年代用途真的不算大）


▲ BW1 紅糯米的包裝很好看，盒內除了有平板亦有耳機和 USB 連接線，艾諾的平板終於可以用 USB 充電了，對於用來說是方便不少吧


▲港行版除了有簡體字的說明書之外，亦有 Pengbo 的保養卡

 
▲拿上手感覺和 iPad Mini 很相似，不過機背的「髮絲紋」不是金屬材質，是啞色的塑膠，大小拿來通話很勉強。


▲平板裡面的 SIM 槽仍然是 Mini SIM ，亦支援外置插卡；如同其他國牌平板一樣，它是支援 HDMI 輸出。

 
▲左邊是 Ainol BW1 ，右邊是版主的 iPad Mini ，大家發唔發現到 Ainol 是支援 Flash？無論是亮度和可視角度，兩部機都平分秋色，以千元平板來說 Ainol BW1 的屏幕算是很不錯

 
▲大家分得清楚哪個屏幕是 Ainol ，哪一個是 iPad Mini 嗎？（答案：左 Ainol BW1；右 iPad Mini)
 

Ainol AX3 新四核 MT8382 升級！$999 買到 7 吋 IPS 抵唔抵？

另一部版主開箱既平板就係 Ainol AX3 ，同樣是 7 吋平板它比起 Ainol AW1 更加窄身，採用了 16:9 的屏幕比例，相對之下更加容易單手掌握，也是一個可以用盡屏幕睇片的比例，要說設計上不太令人滿意的地方就是邊框略為粗了一點，唔夠型架啦。與 Ainol BW1 同樣，它是採用手機版本介面，也是支援雙卡雙待的。

講到規格， Ainol AX3 採用  1024 x 768 解像度的 7 吋 IPS 屏幕，版主上手覺得屏幕面版的玻璃略厚，沒有 Zero Gap 設計的通透感覺，銳利度不高也是一個缺點，但它採用的是新一代的 MTK MK8382 四核 1.3GHz 處理器配 1GB RAM 和金屬機身，而 200 萬像素主鏡頭配 30 萬像素前鏡頭的質素大家不能期望太多。畢竟它是定價 $1,000 以下的一部平板，同價位也沒幾部支援 3G 的平板，當然比多少少就買到第一代的 ASUS Fonepad 了，我認為 Ainol AX3 在效能上好一點，不過 Fonepad 又有 1280 x 800 解像度靚芒，值唔值得入手就睇大家對於靚芒、效能兩方面點平衡啦。


▲ Ainol AX3 的包裝很多彩，內容物跟 BW1 很接近，都是 USB 線、耳機、保用卡等


▲比較便宜的 Ainol AX3 竟然採用了金屬材質機身，真是奇怪了

 
▲同樣有雙卡 3G 功能，但就沒有 HDMI 輸出了，這部平板也是可以用 USB 充電的哦
 

跑分測試！新一代 MT8382 分數高 30%

到最後比大家睇睇跑分，在安兔兔的分數上面，採用新一代 MT8382 1.3GHz 處理器的 Ainol AX3 比起 Ainol BW1 高大約 30% ，接近採用 Qualcomm APQ8064 1.5GHz 四核心的 Nexus 4 參考值，足足有 15,800 分，論流暢度亦小勝第一代的 Nexus 7 和 Fonepad 。在 Nenamark 2 的跑分中， Ainol AX3 亦得到接近滿分的分數，試過拿來玩 Angry Bird Go 都冇太大問題，就係解像度唔夠高，爽度不足啦。


▲安兔兔的跑分 Ainol AX3 已經是同價位中較高的一部了，採用「貓頭鷹四核」的千元平板大多只有 10,000 多的分數，這個分數的差距亦反映在操作流暢度方面； Ainol BW1 的分數雖然只有接近 13,000 分，上網看 Flash 影片和播片都有唔錯的流暢度，就差在比較需要高的遊戲如 Angry Bird Go 還是有點 Lag 啦。


▲Nenamark 2 的分數， Ainol AX3得到接近滿分的 58.7 fps ，已經可以流暢運行不少遊戲了，雖然說解像度比較低…
 

網友意見齊齊傾：MTK 四核千元平板你買唔買？

因為有 MTK 既四核處理器，而家雙卡雙待既手機同埋平板都可以控制到 $1,000 樓下，包括大家講得最多既紅米手機。當四核手機＋平板唔使 $2,000 ，其實真係一個幾平民既組合，當然效能、質素各方面亦去唔到高階既水準啦。網友認為 MTK 四核既平板性價比如何？又會唔會考慮入手一部？係 Facebook 或者討論串留言分享一下意見吧！