版主推介!五舊水 Android 平板睇 HKTV

2014-11-17 18:16
仲有一日,仲有一日香港電視就正式開台啦!大家準備好未呢?版主 Keith 都同大家試過一個賣 $299 既 SmartHKTV 機頂盒,又平又簡單。不過叫得做網絡電視,最正當然係流動隨身睇啦!版主 Eddie 就行過場,搵到最平既高清平板,五舊水左右有有交易,可以帶出街之餘仲可以用 HDMI 輸出電視睇!你預備好未?

版主推介!五舊水 Android 平板睇 HKTV
 


高清+四核 + HDMI 輸出! Colorfly E708 Q2  五百蚊買到

版主 Keith 都同大家講解過,HKTV 香港電視開台用 3G 速度其實都睇到,因為開台初步階段只會用 720 x 1280 解像度既高清制式,換句話其實用到 720p 屏幕睇已經得到唔錯既效果。版主行過深水埗黃金,最平既 1280 x 800 解像度平板應該就係 Colorfly E708 Q2 啦,呢部機場內賣 $499 ~ $540 不等,用緊既就係 7 吋 1280 x 800 的 IPS 屏幕,雖然內置的全志 A31 1GHz 四核配 1GB RAM 真係唔快,不過用來睇串流 HKTV 絕對夠用,內置 16GB 容量亦可以放唔少影片,官方指出呢部機係可以流暢播 1080p 影片,當影片播放器其實都算抵玩。

可能有網友覺得既然要隨身睇片,只有 Wi-Fi 功能實在唔方便,其實 Colorfly E708 亦有 3G 加強版賣,場內價錢最平 $660 買得到,同樣有 7 吋 720p 解像度的 IPS 屏幕,處理器用了更快的 MTK 8382 四核 1.3GHz、 1GB RAM,不過內置只有 8GB 容量,同埋要提提大家呢部機只有 2300mAh 電池,出街用真係未必頂到好耐。不過同樣有 HDMI 輸出既佢,都可以駁電視輸出黎睇,都算一個唔錯既方案架!

除左平之外,國牌平板既一個特點就係大多數有 Mini HDMI 輸出,只需要買一個 $15 ~ $20 既 Mini HDMI 轉頭同埋 $40 左右既 HDMI 線就可以輸出電視睇,可以當埋機頂盒用,另外佢地就已經原生有 Google Play Store ,亦可以裝 Youtube 等影片播放軟件,版主係屋企都係咁樣睇,網友認為呢個方案幫唔幫到你呢?留言講講吧!

版主推介!五舊水 Android 平板睇 HKTV
▲高清、四核+ HDMI 輸出, Colorfly E708 Q2 三樣野齊晒,場價賣緊 $500 ~ $550 ,真係隨身睇 HKTV 抵玩方案

版主推介!五舊水 Android 平板睇 HKTV
▲其實相對於大牌子平板,版主都會推薦大陸品牌平板去睇 HKTV ,點解?除左平之外,佢地大多數自帶 Mini HDMI ,買個 $15 ~ $20 既轉插就可以輸出電視,方便過 MHL 同埋 Miracast 。

版主推介!五舊水 Android 平板睇 HKTV
▲覺得 7 吋仲唔夠大?有 8 吋、支援 3G 的 Colorfly G808 ,場價大約賣 $850 ~ $880 ,要去到 FHD 解像度的話藍魔 i9 賣大約 $1,400 ,都係同級比較平既選擇
 


HKTV 香港電視相關資料:

3G 都睇到! HKTV 開台最少用 1Mbps 速度
開機半分鐘即睇 HKTV ! smartHKTV 機頂盒詳細試、簡單睇
HKTV Android  手機+平板 Apps
i
OS 版 HKTV Apps 下載+版主體驗談
發表於 2014-11-17 22:15
2 樓
如果唔介意淘, 其實8寸, hdmi, >4000mah battery都係400人仔, 性能仲要好DD咁多.