場內 Samsung 、ASUS 7吋平板都減價!FHD 通話平板一千蚊唔使有交易?

2014-12-31 19:50
早前版主 Eddie 就同大家分享過點樣用千幾蚊買到 5.5 吋大芒手機,平板又有無好嘅選擇呢?一樣有!今次版主就嘗試為大家選出幾部同樣係千幾蚊就可以入手嘅 7 吋 3G 平板,有大牌子平板同時亦有雙卡 8 核 FHD 芒平板任君選擇,大家又會點揀呢?

場內 Samsung 、ASUS  7吋平板都減價!FHD 通話平板一千蚊唔使有交易?
 


大牌子之選,四核平板 Samsung Galaxy Tab 4 7.0 千八蚊有找!

首先要講既係 Samsung 平板啦, Samsung Galaxy Tab 4 7.0 3G 其實 2014 年中先推出,呢部平板除左用到 3G 上網之外,亦都支援 3G 通話,規格方面佢用上 1280 x 800  屏幕,四核心 1.4GHz 處理器 配上 1.5 GB RAM 以及 8GB ROM(可外置插卡最高支援 32 GB ),不過相機方面就係好入門既 300 萬像素主鏡頭配 150 萬像素前鏡頭,本身 Galaxy Tab 4 7.0 本身場內賣價係 $1,999 ,最近就平多兩百,而家 $1,799 就有交易。以呢個規格黎講性價比唔算好高,不過話就話係 Samsung 出品,也是這樣貴一點吧?

場內 Samsung 、ASUS  7吋平板都減價!FHD 通話平板一千蚊唔使有交易?
 

千二蚊唔使有 Intel 雙核 + 雙卡 3G !華碩 Fonepad 7 dual sim 

講平價平板好難唔提到華碩 Asus ,今次要推介千二蚊唔使嘅平板就係 Fonepad 7 dual sim (FE170CG)啦!呢部平板同樣係今年推出,同 Samsung Galaxy Tab 4 7.0 相比 Fonepad 7 dual sim 其中一個分別支援埋雙卡功能,而佢同時可以支援 3G 通話。用上 1024 x 600  解像度嘅屏幕,而處理器就用上雙核心 Intel Atom Z2520 1.2GHz 配上 1GB RAM 以及 8GB RAM (可外置插卡最高 32 GB ),相機方面係 500 萬像素配合 120 萬像素的組合,算是普普通通。版主睇過,而家深水埗黃金清貨價只係 $1180 ,比起上市時的 $1,999 便宜了接近一半,大家又會唔會考慮?


場內 Samsung 、ASUS  7吋平板都減價!FHD 通話平板一千蚊唔使有交易?


一千蚊唔使有齊 8 核 FHD 兼雙卡!艾諾 AX 烈焰八核

相信唔少朋友都好想知究竟邊一部 3G 平板可以做到一千蚊唔洗就有交易!國牌艾諾 AX 烈焰八核就可以做到咁平!雖然係國產牌子可能會令唔少朋友卻步,但規格上 AX 烈焰八核的確係今次推薦平板之中最出色嘅一部。首先係屏幕方面 AX 烈焰八核有 1920X1200 解像度 7 吋屏幕,比上面兩部大牌子機強;處理器方面就用左 MTK MT6592 1.7GHz 真八核處理器配上 1GB RAM 以及 16GB ROM,同 Asus Fonepad 7 dual sim 一樣支援雙卡雙待(一個卡槽用 MicroSIM ,另一個是俗稱大 SIM 的 Mini SIM),相機方面是 500 萬像素。版主搵到 Ainol 烈焰八核最平賣價只係 $999 ,有 FHD 芒有八核又有雙卡,呢個價錢性價比真係幾勁,不過就係大陸品牌,你地又買唔買呢?
 

場內 Samsung 、ASUS  7吋平板都減價!FHD 通話平板一千蚊唔使有交易?

 


網友講意見:千元唔使 FHD 、八核、雙卡通話!3G 平板你點揀?

其實睇完上面幾部平板,大家都見到 FHD 屏幕、八核心既平板可以用 $1,000 有找就買得到,如果係用黎睇片,甚至帶出街上網、玩遊戲其實已經係一個唔錯既選擇,相對之下大牌的 3G 平板在同價位規格就冇咁高,大家又會點揀呢?留言討論一下吧!