Cherry Trail 玩 Androdi 5.1 !雙系統 X98 Pro 開箱試

2015-10-09 13:37
早幾日 Microsoft 係發佈會上使出「大絕」,一口氣推出左 Surface Pro 4 以及 Surface Book ,風頭一下子蓋過了 Apple 之餘亦都令不少朋友重燃對 Windows 的熱情,連帶行 Win 10 以及 Android 5.1 雙系統的平板亦有更多人留意。其實係 9 月的時候,新一批搭載 Win 10 同時用上 Cherry Trail 的雙系統平板就已經推出左,但初期只有 Win 10 而未有加入 Android 系統,吸引力難免會差左。近排就有廠商在產品上加入埋 Android 5.1 大玩系統,以 Cherry Trail Z8500 2.2GHz 再加 4GB RAM 呢個規格,理論上要成為最強規格 Android 平板真係唔難,一齊來睇睇表現如何啦!

Cherry Trail 玩 Androdi 5.1 !雙系統 X98 Pro 開箱試


金屬外殻 2K 芒!台電 X98 Pro 加入 Android 5.1

對於大陸廠商來講,當用平價賣 Android 平板都唔能夠突圍而出之後,改推雙系統平板看來是他們的新方向。今年版主都分享過幾部雙系統平板,但以規格來講今次的 X98 Pro 就比起以往都要強。除左有  (2K) 解像度 9.7 屏幕之外,最重要係處理器方面用左 Intel 的 Cherry Trail Z8500 2.24 GHz 處理器再配上 4GB RAM 以及 64GB 內置容量,規格可以話逼近 Surface 3 (係相近但不相同,因為 Surface 3 是用了 Cherry Trail Z8700 ,不是同級的)。另外 X98 Pro 有 500 萬像素主鏡頭以及 200 萬像素前鏡,係系統方面就係 Windows 10 配 Android 5.1 。稍為不及前代的地方係以往雙系統平版好像同樣係台電的 X10 HD 係支援 3G 同埋打電話的,但今次的 X98 Pro 並不支援 Sim 卡。

係外型方面, X98 Pro 繼承左台電平板的傳統,似足 iPad 但造工未算頂級。係機背上 X98 Pro 用左金屬材質,雖然手感算係舒服,但係加了塗層的關係,平板所帶來的金屬感又算好強烈。重量方面就有 525g ,以 10 吋平板來講都唔算好重,而且 Micro USB 、 Micro SD 卡以及 micro HDMI 呢類必備的配置都有齊。整體來講 X98 Pro 都係同一前代台電平板質感差不多,未有大提升。不過呢方面都不是 X98 Pro 的主要亮點,規格配置才是主打。

Cherry Trail 玩 Androdi 5.1 !雙系統 X98 Pro 開箱試
▲目前台電平板的代理商有兩間,但跟機的都只係有 Micro USB 以及一條 OTG 線。

Cherry Trail 玩 Androdi 5.1 !雙系統 X98 Pro 開箱試
▲ X98 Pro 外型唔算好特別,正面白色機面勝在簡潔。

Cherry Trail 玩 Androdi 5.1 !雙系統 X98 Pro 開箱試
▲機背上用左金屬材質,但一連串其他的標誌和英文字句頗為礙眼。

Cherry Trail 玩 Androdi 5.1 !雙系統 X98 Pro 開箱試
▲主相機有 500 萬像素,而 SD 卡、 Micro USB 以及 Micro HDMI 插口都在機底。


9.7 吋 2K 芒,亮度夠可視角度也不錯

係屏幕方面,用左 2K 解像度的 X98 Pro 值得一提的地方反而係佢亮度方面比起一般國產平板更高,同時可視角度以及細緻度方面表現也令人滿意。可惜的是因為 X98 Pro 並非採用全貼合屏幕技術,所以操控時手指與屏幕摩擦的觸感反饋並非流暢無暇,但以表現其實算係在國產平板之中較為出色了。

Cherry Trail 玩 Androdi 5.1 !雙系統 X98 Pro 開箱試
▲ X98 Pro 屏幕值得一讚就係亮度足夠,較為可惜沒有用到全貼合屏幕技術。

Cherry Trail 玩 Androdi 5.1 !雙系統 X98 Pro 開箱試 Cherry Trail 玩 Androdi 5.1 !雙系統 X98 Pro 開箱試
▲ 9.7 吋的屏幕解像度為 2048 x 1536 ,屬於不錯的規格。

Cherry Trail 玩 Androdi 5.1 !雙系統 X98 Pro 開箱試
▲ 可視角度也很不錯,如此低角度都無反白仲可以睇到文字內容。


預設 Android 系統,跑分結果有沒有令你意外?

之前 YK 試玩台電 X10HD 的時候就提到雙系統設計為用家帶來了不少麻煩,其中一個因素是因為沒有在系統內一鍵切換的方法。來到 X98 Pro ,首次使用時系統預設為 Android 5.1 ,用家能夠一鐽轉到 Windows 10 ,過程方便了不少。在跑分方面,其實用左 Cherry Trail Z8500 加 4GB RAM 的 X98 Pro在安兔兔上只係有 5 萬分左右,即係 S810 或者 Heilo X10 左右的表現,未能「完勝」一眾 Android 產品。不知大家在雙系統平板上用 Android 時有沒有這樣的感覺,就是在操控雖然不致於有經常卡頓的情況,但總會覺得不像在 Android 旗艦機上一樣暢順。來到 X98 Pro 上版主也有同樣的感覺,不算很 Lag 但反應有點遲緩,相信這是因為平板並非原生使用 Android 的緣故吧!

Cherry Trail 玩 Androdi 5.1 !雙系統 X98 Pro 開箱試
▲ 無見一排,台電介面多了一行 Dock ,係更好用但同時預載 apps 又多了⋯⋯

Cherry Trail 玩 Androdi 5.1 !雙系統 X98 Pro 開箱試
▲ X98 Pro 軟件版本為 Android 5.1 。

Cherry Trail 玩 Androdi 5.1 !雙系統 X98 Pro 開箱試
▲安兔兔得分為 51526 ,比起 S810 的 M9 低但就高過用 Helio X10 的 MX5 同埋 Qualcomm S808 的 LG G4 。

Cherry Trail 玩 Androdi 5.1 !雙系統 X98 Pro 開箱試
▲ 在 Vellamo 測試中,X98 Pro 在三個項目上都做唔到第一,不過得分其實同一班 Android 旗艦手機其實差不多,再諗下 X98 Pro 價錢兩千唔使,都可以話係低價高效。

Cherry Trail 玩 Androdi 5.1 !雙系統 X98 Pro 開箱試
▲ 雖然在 Basemark 2.0 有 55.81 fps ,但實際用上 X98 Pro 在 Android 系統上又唔係咁爽快。
 


Windows 系統操作較暢順, Youtube 4K 影片輕鬆播

在 Android 上跑分不見出色而且流暢度只算一般,大家可能也會對 X98 Pro 失去了信心,但原生用上 Windows 10 的 X98 Pro 來到 Windows 上表現卻是另一回事,在開啟程式上速度爽快,版主試過即時上 Youtube 看 4K 影片也不見有卡頓,如果純以 Win 10 平板來計表現足以令大家滿意有餘。(但每次按電源鍵開始使用時最少都會有一、兩秒的反應延誤,大家唔好以為係壞機而不斷按電源鍵⋯⋯)不過以往 Windows 8.1 平板會送一年 Office 365 呢個優惠來到 Win 10 就無左了,取而代之的是 Word Mobile 、 PowerPoint Mobile 以及 Excel Mobile 。另外版主在試玩時遇到一個好笑的情況,當 X98 Pro 進入 Win 10 系統時,畫面上下倒轉了,不過這個問題可以從設定裡解決,影響不大。更要緊的問題其實是 Win 10 系統中沒有方法可以轉換到 Android 平台,用家要重新開機去轉系統 。

Cherry Trail 玩 Androdi 5.1 !雙系統 X98 Pro 開箱試
▲在 Android 系統上係有一個 app 可以一按轉去 Win 10 的。

Cherry Trail 玩 Androdi 5.1 !雙系統 X98 Pro 開箱試
▲第一次上手時,有趣的時發生了,唔知點解畫面會倒轉左,但呢個問題只要更改設定就可解決。

Cherry Trail 玩 Androdi 5.1 !雙系統 X98 Pro 開箱試  Cherry Trail 玩 Androdi 5.1 !雙系統 X98 Pro 開箱試
▲可以見到, X98 Pro 係有繁中界面的,呢個都係行貨的特徵之一。來到 Win 10 多工切換更方便易用, X98 Pro 在切換程式時都叫做流暢。

Cherry Trail 玩 Androdi 5.1 !雙系統 X98 Pro 開箱試
▲但同以往會送一年 Office 365 的 Win 8.1 平板不同, Win 10 預載了 Word 、 Excel 以及 PP 的 mobile 版本而沒有再送 Office 365 。

Cherry Trail 玩 Androdi 5.1 !雙系統 X98 Pro 開箱試
▲時間不多版主都試唔到好多,到 Youtube 試播 4K 片對於 X98 Pro 來講無乜難度。
 


增至 64GB 內置容量,作為文書機勉強夠用

要提一提,台電 X98 Pro 雖然用有 64GB 內置容量,但是兩個系統的分配其實並非平均的,在 Android 系統上 X98 Pro 只係有 19.56GB 的空間,而可用空間大概有 17.55GB 左右。在 Windows 方面一共有 33.3GB 的內置容量,可用空間大約是 20.1GB 。係呢個情況下版主就能理解到點解有朋友不太喜歡雙系統平板了,因為本身有 64GB 的 X98 Pro 如果單純行 Win 10 的話其實內置容量算係足夠,但一個 Android 系統就佔去了近 20GB 的內置容量,用 Win 10 時內置容量不夠用的機會就自然會提高。

簡單一句就係本身 X98 Pro 如果只係得 Win 10 的話會係一部容量幾充足的文書機,但加左 Android 系統後就有點兩頭唔到岸。不過人總是貪心的,一件產品又玩到 Android 又試到 Win 10 確實能夠比到人賺左的感覺,所以雙系統平板才有市場,但實際上是否真係好用左呢?

Cherry Trail 玩 Androdi 5.1 !雙系統 X98 Pro 開箱試 Cherry Trail 玩 Androdi 5.1 !雙系統 X98 Pro 開箱試
 


小結

X98 Pro 現時賣價為 $1950 規格也不俗,作為 Win 10 平板算係有睇頭的,但係加入左 Android 系統後其實未必會帶來更好的體驗。如果大家有意入手的話,個人覺得還是選擇統 Win 10 版本比較好,雙系統由開始到而家版主仍是覺得作為噱頭一流,但實用性卻不是大家想像中高啊。icon

查詢: K Digital 27299881