LeEco 樂視進軍平板市場? 7 吋芒+八核+ 4GB RAM 月底到港?

2016-03-17 19:27
LeEco 樂視近日表現相當積極,先係宣佈係 17/3 至 29/3 期間舉行限時搶購,買電視可以用 $499 換一部超級手機 Le 1s 。近日係 Facebook 上連續兩日都有宣傳圖發佈,昨日就係一個「快」字,今日就的宣傳圖都係得一個字,會唔會係指傳聞中的平板呢?

LeEco 樂視進軍平板市場? 7 吋芒+八核+ 4GB RAM 月底到港?
 

會唔會踩入平板界?樂視新宣傳圖直指新產品以尺吋取勝

今次 LeEco 樂視發佈的宣傳圖,內容得個「寸」字,以及一句「尺・度 登峰造極」。 LeEco 樂視官方另外都添加左解讀,講到明「我哋突破尺寸極限,即將呈獻一大驚喜!」。以上資料其實解作 LeEco 樂視會推出用上 Qualcomm S820 處理器以及 6.4 吋芒的 Le Max Pro 當然成理。不過,如果要係「尺・度」上登峰造極,看來 LeEco 樂視推出平板機會比較大。

有關 LeEco 樂視推出平板的消息,之前其實唔係無傳過。好似版主虎仔都提到係跑分網站 GFXBench 上,出現左一部 1,920 x 1,080 解像度的 6.9 吋屏幕,用上 S810 處理器再配 4GB RAM 以及 64GB 備置容量的 7 吋平板,名稱為LeTV Ma4-70 。不過,最終 LeEco 樂視有乜新產品推出,看來都要等到 3 月 30 號先有答案了。

LeEco 樂視進軍平板市場? 7 吋芒+八核+ 4GB RAM 月底到港?

▲LeEco 樂視在 Facebook  專頁上最新的宣傳圖。

快加入會員賺 EP!累積點數、免費換優質商品