13.3 吋護眼完勝 iPad 平板! Onxy BOOX MAX2 開箱試玩

2018-03-25 23:02
Amazon 旗下的 Kindle 閱讀器,價錢便宜、而且護眼力十足。 本 YK 由鍵盤果代開始買,跟住買入 Touch,接著是 PaperWhite。但 Kindle 除了 DX 版(停產已久)外,都是小屏幕為主( 6 吋左右),睇純文字小說還算可行,但如果要睇 A4 PDF 或漫畫就力不從心。叫我買 iPad? 你試下一日睇 8 小時 iPad,睇到你盲呀! 所以本 YK 期待大芒 e-ink reader 出現。大陸廠 Onxy 年前係香港推出過 13.3 吋 BOOX MAX Carta (再之前有部 MAX),當時有網友話定價 $4580 略貴。今次推出第三代 BOOX MAX2,究竟升級左乜,價錢又如何,體驗又如何呢? 

13.3 吋護眼完勝 iPad 平板! Onxy BOOX MAX2 開箱試玩

開箱! 配件齊全、造工紮實
開門見山先講售價,盛惠港幣 5998元! 呢次開價比上次更進取,睇到呢度我已經 Feel 到唔少網友要返回上一頁。其實,MAX Carta 同 MAX2 一樣,擁有 2200 x 1600 解像度的 13.3 吋 16 灰階電子墨水屏幕,一樣有磁感筆(MAX2 升級為 Wacom)。 上代比人剷到天花板的處理器和記憶體等硬件, MAX2 全部升級:四核心 1.6GHz 處理器,2GB RAM,32GB ROM,運行 Android 6.0 版本系統,但無擴充卡、重量增加到 550 克。MAX2 最痴線係加入電腦芒功能,稍後會講解發生咩事。

13.3 吋護眼完勝 iPad 平板! Onxy BOOX MAX2 開箱試玩
▲ 一開波盒面已經話你知,MAX2 賣點竟然係做電腦芒。。。

13.3 吋護眼完勝 iPad 平板! Onxy BOOX MAX2 開箱試玩
▲ 盒身都清楚列明硬件規格,以及包裝內的配件清單。

13.3 吋護眼完勝 iPad 平板! Onxy BOOX MAX2 開箱試玩
▲ 開箱喇! 除了 MAX2 本體外,Wacom 磁感筆、說明書、micro-usb 充電線、HDMI 接駁線、以及毛套。

13.3 吋護眼完勝 iPad 平板! Onxy BOOX MAX2 開箱試玩
▲ Hello 毛套! 雖然談不上什麼高質料、高價值,但有個毛套跟機肯定令人安心,起碼自我感覺更良好。但老實講,其用料、造工同你外面買比 Macbook 用百幾蚊係一樣。

13.3 吋護眼完勝 iPad 平板! Onxy BOOX MAX2 開箱試玩 13.3 吋護眼完勝 iPad 平板! Onxy BOOX MAX2 開箱試玩
▲ 跟機 Wacom 磁感筆有個大缺點,無夾扣設計,筆兩端分別是寫字及擦除功能。

13.3 吋護眼完勝 iPad 平板! Onxy BOOX MAX2 開箱試玩
▲ 隨機附送一條 HDMI 大駁細線,雖然都係價值一百幾十,但勝在出廠已跟埋比你,唔需要你自己額外走去買,算係貼心之舉。


外觀:用料、造工唔似大陸機
Kindle 閱讀器係低效能硬件配合超細食定制系統,所以本 YK 多年的經驗都肯定流暢度足夠閱讀用途。但 MAX2 擁有功能強大的 Android 系統,2GB RAM 配 32GB ROM 如果係一般手機,分分鐘打 Angry Bird 都會 Lag 機! 所以,MAX2 系統其實係 Android 底加自家操作界面,符合翻電子書樣之餘,又可以比你安裝大部分 Android 應用。 最令本 YK 印象深刻反而係 MAX2 造工與品控嚴禁度,完全能夠反映在產品上。

13.3 吋護眼完勝 iPad 平板! Onxy BOOX MAX2 開箱試玩
▲ 沿用上一代的 13.3 吋超大屏幕規格,但在 E-ink 界別已算係稀有品。

13.3 吋護眼完勝 iPad 平板! Onxy BOOX MAX2 開箱試玩
▲ 擁有 2200 x 1650 解析度,達到 207ppi 的顯示密度,肉眼睇細膩度交足功課有餘,並無任何粗糙感。

13.3 吋護眼完勝 iPad 平板! Onxy BOOX MAX2 開箱試玩
▲ 四個物理按鍵,分別是選單鍵、兩個音量鍵及返回鍵;而音量鍵是可以切換成為左右方向鍵。

13.3 吋護眼完勝 iPad 平板! Onxy BOOX MAX2 開箱試玩
▲ 一個無夾扣的 Wacom 在本 YK 實際體驗中是非常容易溜走。

13.3 吋護眼完勝 iPad 平板! Onxy BOOX MAX2 開箱試玩
▲ 機背感人啊!竟然係我最愛的冰冷磨砂感,估計是金屬殼加塑料噴層,質感之好令人意外。

13.3 吋護眼完勝 iPad 平板! Onxy BOOX MAX2 開箱試玩
▲ 細心一看還有一個「雞肋」喇叭,有勝於無的意義。

13.3 吋護眼完勝 iPad 平板! Onxy BOOX MAX2 開箱試玩
▲ 底部 I/O 一覽:收音孔、開關鍵、3.5mm 耳機孔、micro-USB、mini-HDMI、收音孔。

13.3 吋護眼完勝 iPad 平板! Onxy BOOX MAX2 開箱試玩
▲ 自家 UI 底部是各項功能目錄,書庫就係你收藏係 ROM 內的文化寶庫。

13.3 吋護眼完勝 iPad 平板! Onxy BOOX MAX2 開箱試玩 13.3 吋護眼完勝 iPad 平板! Onxy BOOX MAX2 開箱試玩
▲ 加插一句,看到時鐘旁邊的圓圈沒有? 觸控它就能觸發切換音量鍵與左右方向鍵。

13.3 吋護眼完勝 iPad 平板! Onxy BOOX MAX2 開箱試玩
▲ 主頁鍵竟然放在左上角,需要觸摸屏幕,本 YK 寧願將其變成實體按鍵,操作上更為方便;另外有電量顯示及 WiFi 快速開關。


實際體驗分享
對比前兩代,最感人的更新肯定是速度! MAX2 雖然無得同平板電腦比較,但得益於硬件升級,整體操作速度大幅度提升!但系統受制於 E-ink 的先天技術,如果高速操作下仍會發生短暫「Freeze 機」的情況,這暫時仍是無法避免。  MAX2 最大優勢在於可以用筆,Wacom 磁感筆與手指觸控兼得,操作時亦有相互防干擾機制。

13.3 吋護眼完勝 iPad 平板! Onxy BOOX MAX2 開箱試玩
▲ 預先載入的應用程式如上(不包括漫畫人),可以見到有廠房自家應用市場(針對此機適配的應用列表),也看到 Google 日曆以及 Play 商店! 但需要留意是並非所有 Play 商店的 Apps 都能夠安裝及運行。

13.3 吋護眼完勝 iPad 平板! Onxy BOOX MAX2 開箱試玩
▲ Youtube 就係其中一個安裝唔到的 Apps,我只好打開網頁版來看(但呢個行為一般只有傻仔先會做),下面有片比大家睇到底 E-ink 芒玩 Youtube 會發生咩事。


▲ 播放 Youtube 情況是,E-ink 屏幕刷新率跟唔上,而聲音亦不知為何卡頓卡頓;瀏覽網頁就不錯,反應已經算快捷。

13.3 吋護眼完勝 iPad 平板! Onxy BOOX MAX2 開箱試玩
▲ 這是本 YK 建議的設置,由於 MAX2 使用大食 Android,系統預設自動關機以達到額外省電效果,我打算兩、三日一充都不是問題,所以停用自動關機功能,否則下下重新開機都好麻煩。

13.3 吋護眼完勝 iPad 平板! Onxy BOOX MAX2 開箱試玩
▲ 終於要分享 MAX2 最痴線賣點:做電腦芒,插線開機就係芒,無特別驅動需要安裝,如上圖般成功見到 Windows 10 界面。

13.3 吋護眼完勝 iPad 平板! Onxy BOOX MAX2 開箱試玩
▲ 但要提醒網友,因為 E-ink 刷新率很低,所以你個滑鼠走入 MAX2 顯示範圍,就會由「超音鼠」變成「米老鼠」。睇word 文字係好舒服,但本 YK 唔建議因為呢個「電腦芒」的原因而購買 MAX2。


▲ 簡短的試玩片,展示系統操作、睇漫畫的情況、以及 Wacom 磁感筆書寫的流暢度,書寫模式擁有防誤觸功能等;本 YK 亦展示比網友睇,操作太快而導致程式出現凍結的情況。


特別加插 MAX2 對比 Kindle PaperWhite:
將 13.3 吋 MAX2 對照 6 吋大小的 Kindle PaperWhite,可視角度實在無敵,大概多出額外三倍的可視領域,睇得多自然睇得舒服啦!而且 MAX 2 可以調整字型,讓文字可讀性更高、對比度更明顯。

13.3 吋護眼完勝 iPad 平板! Onxy BOOX MAX2 開箱試玩

13.3 吋護眼完勝 iPad 平板! Onxy BOOX MAX2 開箱試玩

13.3 吋護眼完勝 iPad 平板! Onxy BOOX MAX2 開箱試玩


結論:最大敵人是自己
Onxy BOOX 的 MAX 系列其實定位非常聰明,市面上根本無對手! 13 吋超大芒在需求市場選擇極少,Sony 有款 RP1 賣接近港幣 6000元,再數就變成 10 吋 reMarkable 集資貨,除了無行貨外,水貨定價再多一截,而且用自家 Linux OS,泛用性自然跌多幾級。

以 MAX2 的規格,在需求市場上可以說是擁有絕對優勢,但從一般消費產品角度來看仍然有缺失:第三代竟然還是沒有亮光燈設計、刪除記憶卡擴充功能、Wacom 筆無夾扣亦無壓感功能、機身重量增加至 550克。如果補完以上數項,開價 6000元相信都有唔少用家科水科得爽手。

如果你新手黎,不妨考慮平平地先用住入門型號,習慣之後再睇睇係咪要升級到 13 吋視覺震撼的 MAX2。如果你同我一樣要求大芒護眼的話,MAX2 暫時係你無得選擇下的選擇,一係就選擇唔用,一係就要考慮另一部新出、但屏幕尺寸較小的 10吋 BOOX Note,賣價 $4498,細少少都將就下。
 


Onxy BOOX Max2 規格資料

屏幕尺寸 13.3 吋 Mobius E ink Display
屏幕解像度 2200 x 1650
觸控 Wacom
CPU 1.6GHz 四核心
RAM 2GB LPDDR3
儲存容量 32GB
灰度 16 級
作業系統 Android 6.0
連接 Wi-Fi + 藍牙 4.1
USB microUSB 2.0
HDMI 支持 Micro HDMI
電量 4100mAh
體積 325 x 237 x 7.5mm
重量 550g
 

Onyx BOOX Max 2 系列資訊

賣價: $5998
查詢: K Digital 奇數碼