八核 + 大電 + Wacom 筆! 開箱玩 Likebook Muses 電子閱讀器

2019-05-05 14:37
文章分享
有留意 ePriceHK 的網友都知道本 YK 非常喜歡電子墨水芒產品,好似 Amazon Kindle 等 eink reader。 對上一次同大家分享同類產品已經係一年前的事,當年一部 13.3 吋超大護眼 eink 芒確實俘虜本人的心。但價錢稍貴,且具一定重量。 呢次版主給我一部全新 Likebook Muses,開箱過後爽歪歪,一致同意驚喜十足:長續航、八核處理器,最正係 Wacom 磁感筆!

八核 + 大電 + Wacom 筆! 開箱玩 Likebook Muses 電子閱讀器

開箱喇
其實 Likebook Muses 係大陸博閱出品的客制化 Android 電子閱讀器,跟市面上其他對手相比,最大特色是採用 Rockchip 八核心處理器,其他對手一般使用 Freescale 處理器。過往經驗是 Rockchip 的處理器擁有更好的效能和流暢度。

八核 + 大電 + Wacom 筆! 開箱玩 Likebook Muses 電子閱讀器
▲ 外盒包裝成本書咁,唔講會以為係乜文學作品集。

八核 + 大電 + Wacom 筆! 開箱玩 Likebook Muses 電子閱讀器
▲ 盒背就好清楚列明 Muses 賣點:其中 Wacom 筆及雙色溫背光閱讀燈係重點!

八核 + 大電 + Wacom 筆! 開箱玩 Likebook Muses 電子閱讀器
▲ 盒內配件不多,但竟然會送仿紙的磨砂保護貼;另外有一條 Type C 充電數據線,還有隨機附送的 Wacom 筆專用的後備筆嘴。

八核 + 大電 + Wacom 筆! 開箱玩 Likebook Muses 電子閱讀器
▲ 純白的外殼 + 純白的筆,絕配!

八核 + 大電 + Wacom 筆! 開箱玩 Likebook Muses 電子閱讀器
▲ 機身背部採用模式金屬,手感冰冷很爽。但如果出純白色磨砂膠背也不錯,整體風格更統一。

八核 + 大電 + Wacom 筆! 開箱玩 Likebook Muses 電子閱讀器
▲ Likebook Muses 運行基於 Android 6.0 的自家 UI 系統,比一般 Android 系統會多了不少針對 eink 芒的設定,例如定時關機 / 定時關屏,確保不會浪費電力。

八核 + 大電 + Wacom 筆! 開箱玩 Likebook Muses 電子閱讀器
▲ 採用 16 級灰階 carta 屏幕(支持電容觸控),屏幕 7.8 吋解析度 1404 X 1872,細膩度已滿足一般閱讀體驗。 

八核 + 大電 + Wacom 筆! 開箱玩 Likebook Muses 電子閱讀器
▲ 電子墨水芒最大的優點在於可視能力,強烈陽光下都能看到畫面。

八核 + 大電 + Wacom 筆! 開箱玩 Likebook Muses 電子閱讀器
▲ 機身具備 2GB RAM + 32GB ROM,不支持任何記憶卡,只能夠通過 Type C 接口連接電腦進行資料傳「書」; Likebook 支持以 APK 封裝的方式,或 Google Play 下載方式安裝各種 App。 但唔係個個 App 都睇得順 / 睇得好,例如圖中的 OneNote 無配合 eink 的顯示特性,運作時就閃得好厲害 。

八核 + 大電 + Wacom 筆! 開箱玩 Likebook Muses 電子閱讀器
▲ 其中一個賣點係支持冷暖色溫的背光;以上係關閉任何背光的狀態。

八核 + 大電 + Wacom 筆! 開箱玩 Likebook Muses 電子閱讀器
▲ 上圖係暖色燈。

八核 + 大電 + Wacom 筆! 開箱玩 Likebook Muses 電子閱讀器
▲ 上圖係冷色燈;冷暖色溫的亮度亦可以隨意調整。


驚喜的筆記本功能
試玩過一個多星期,最大的驚喜不是閱讀體驗,畢竟 eink 閱讀器是逐漸進步。 反而 Wacom 的書寫體驗令人印象深刻,不單是操作反應,還有軟件功能的配合,另我和版主一致讚賞 Muses 的「筆」。官方聲稱 4096 級壓感觸控筆的特性,係咪真係好勁? 睇片就知道!


▲ 壓感的精細度、防誤觸設計、支持輸出 Evernote,令 Likebook 並非電子閱讀器咁簡單,變成 eink 筆記本! 


閱讀功能
內建的多功能閱讀器,自動掃描 ROM 內的所有電子書格式檔案,包括 EPUB、PDF、MOBI、TXT 等。 其中 TXT 小說會自動偵測並建立目錄,PDF 支持手寫筆記功能等,下面另一條片會逐一展示比大家睇睇。


▲ PDF 縮放、移動等動作暫時還是受制於 eink 的顯示刷新技術,所以見到佢閃都係好平常。


一星期使用體驗
說實話,市面上絕大部分的 eink reader 仍然是以閱讀功能為主,以前所謂的磁感筆功能簡直是笑話。 但 Likebook Muses 這類產品的出現,正式意味著電子書要變成電子筆記本了。本 YK 使用了一整個星期,3100mAh 的電量根本毫無壓力,幾日 一充毫無問題。

交通時間看書其實是我的生活常態,Likebook Muses 大約 300g 的重量不算重,但長時間懸空把持的話,哪怕係麒麟臂都會痺。 令本 YK 有驚喜的是,出街見客也能用上了 Muses 作比劃講解,事後打開 WiFi 按一下導出,就自動變成 PNG 圖片存在 Evernote 雲端,手機一按客戶就收到。

噢,唔記得講個行貨價錢,港幣 2598 元。 如果單純作為一個 7.8 吋的電子閱讀器,我會覺得呢個定價十分進取。但日常操作的體驗中,本 YK 覺得 Likebook Muses 閱讀功能只係淪為必須品,屬於「應該做得咁好」的功能;反而似係 Wacom 筆為核心的雲端筆記本,屬於「竟然有做得咁好」的功能,兩千中的價錢咁睇又算合理,有筆記本需要的網友確實值得考慮。

鳴謝:K Digital 奇數碼專門店
聯絡:69098865
 
文章分享
您可能也喜歡▼