限時清貨! Nexus 9 細鋪大減價,你衝唔衝?

2015-07-16 14:43
呢排係場內相當受歡迎的平板相信大家都未必會估到,竟然係華為的 MediaPad T1 同 Lenovo Tab S8-50 ! Lenovo Tab S8-50 有 FHD 芒再加上支持 4G 都只係賣緊千七蚊多人留意唔出奇,但連規格麻麻地的 MediaPad T1 7.0 都多人留意就證明其實平板市場仍然很大啦!近日版主就發現有細鋪開倉清緊 Nexus 9 ,價錢相當有吸引力,一齊來睇睇!

限時清貨! Nexus 9 細鋪大減價,你衝唔衝?


Nexus 9 細鋪「開倉價」賣,吸引力夠唔夠?

本身 Nexus 平板都算係多人喜歡的熱門機種之一,可惜最近一代的 Nexus 9 因為規格不錯但係定價偏高,令不少朋友卻步。不過對於有意入手 Nexus 9 的朋友來講今次的細鋪開倉可能係一個難得的入手機會!話說 DCOne 近日開始做緊「暑期電腦優惠」,除左 Acer 電腦之後仲有一系列平板以「開倉價」發售。當中版主就覺得 Nexus 9 最有吸引力啦。對上一次分享有關 Nexus 9 減價的消息都已經係兩個月前嘅事了,當時衛訊就將 Nexus 9 減左 $500 變成 16GB WiFi 版 $2588 同埋 4G LTE 32GB 版 $3798 。

話明係開倉,今次 Nexus 9 係價錢上當然會更便宜啦!16GB 版本的 Nexus 9 只係需要 $2398 而 LTE 32GB 版本就平更多, $3398 就有交易。就規格而言 Nexus 9 仍然可以同今年各大旗艦級別的平板媲美的,屏幕上 Nexus 9 有 8.9 吋 2048 x 1536 解像度,支援 64 bit 的 Nvidia Tegra K1 2.3GHz 處理器以及 2GB RAM ,相機更有 800 萬像素主鏡頭同埋 160 萬像素前鏡頭以及加入 HTC 的 Boomsound 立體聲前置喇叭,至於電量方面就有 6700mAh 。

最後講講開倉詳情,今次 DCOne 開倉日期為 7 月 16-18 日及 20-22 日,時間係 12:00pm - 7:00pm ,地址是九龍荔枝角青山道608號 榮吉工業大廈B座8樓802室。有興趣的朋友就要快手了!icon

限時清貨! Nexus 9 細鋪大減價,你衝唔衝?
除左 Nexus 9 之外,今次開倉仲有其他平板同埋 Android Watch 有減價。

限時清貨! Nexus 9 細鋪大減價,你衝唔衝?
可次有朋友對 32GB WiFi 版都感到興趣,雖然開倉並無賣呢款平板,但係 DCOne 深水埗店其實都有賣,價錢為 $3198 。

限時清貨! Nexus 9 細鋪大減價,你衝唔衝?
另外可能有朋友並不知道,其實 Nexus 9 本身係有 Keyboard 可以用到的,原價都要 $1099 ,而係場內而家都有價錢為 $599 的行貨。

在文章發佈的時侯, Google Nexus 9 (Wi-Fi) 價錢由 $2,398 起,按此看詳細規格與最新賣價。  
在文章發佈的時侯, Google Nexus 9 (4G LTE) 價錢由 $3,398,按此看詳細規格與最新賣價。  

來源:DCOne.hk