睇淡、唱淡、慘淡! iPad Mini Retina 先達放機賺得 $200 !

2013-11-13 13:48
今朝版主 Keith 跟大家報過 Apple Store 門口收機價錢,回收每部最多都有番 $400 賺,都未算太慘淡。不過一轉頭落到旺角先達,發現放機的人唔多,場內收機亦不特別熱烈,睇怕場內都係吹淡風。第一輪過後就已經咁慘淡, iPad Mini Retina 版的炒賣睇怕隨時玩完。想知更詳細的資料就 Click 入黎睇睇啦!

睇淡、唱淡、慘淡! iPad Mini Retina 先達放機賺得 $200 !
▲網上有得訂仲開高 $300 ?! 有冇網友會買呢?
 


大貨未番!4G LTE 先達場內回收價 + 200!

今日版主在 12 點左右到達先達,發現場內竟然見不到 iPad Mini Retina 的蹤影!(倒是 iPad Air 有相當大量的貨…)問過兩間鋪,他們都說暫時 Wi-Fi 版是只能用平手價回收,部份肯用原價多 $10 ~ $20 的價錢回收。在網上仍然可以等 5 ~ 7 日就有貨的情況下,這樣的情況也是理所當然吧!而 4G LTE 版本據說場內肯放的人都唔多,版主問到最高的價錢就是原價 + 300 ,但轉眼就變成原價 + 200 回收了,店員告訴我下午大貨番有機會跌得更多!

至於想入手 iPad Mini Retina 版的網友,其實也不用到先達碰運氣了,因為店員說大貨要等到下午 3 、4 點先番,問到價錢方面他們亦直言「唔知點開價」,雖然大陸是沒有 4G LTE 版賣,但總體來說都是睇得相當淡。版主認為 iPad 的需求也比 iPhone 少得多,今日應該不會炒賣太久的,真正想入手就再等等吧!

睇淡、唱淡、慘淡! iPad Mini Retina 先達放機賺得 $200 !
▲版主今日碰運氣到蘋果產品零售店問有沒有 iPad Mini Retina Display ,結果也問不到;可是場內有人是拿著豐澤單據的,有網友可以提供消息嗎?
 


iPad Mini Retina 版文章集合:

屏幕、效能鬥新 Nexus 7 ! iPad Mini Retina 版主 Hands-on
iPad mini Retina 版 開賣首朝 冷清清 回收價最多唔過四舊
iPad mini Retina 版 A7 處理器被限速! 性能受影響?

在文章刊出的時侯, iPad Mini with Retina Display (Wi-Fi) 賣價 $3,088 起,按此看詳細價格和最新賣價。
在文章刊出的時侯, iPad Mini with Retina Display (4G LTE) 賣價 $4,088 起,按此看詳細價格和最新賣價。
發表於 2013-11-13 21:51
2 樓
而家先達幾間大野都係 Apple authorized dealer,以後都唔好旨意有得熱炒 Apple野