【行場報價】128GB 缺貨! iPad Mini Retina 4G 版炒賣價 $4,500 起!

2013-11-13 16:56
中午的時侯為大家報導了場內回收價,而隔幾個鐘之後先達的鋪頭亦都陸續番貨了(但似乎還是不多)。版主第一時間過先達打聽 iPad Mini Retina 版的最新炒賣價和回收價。似乎 Wi-Fi 版真的完全炒唔起,而 4G LTE 版仍然有少量炒價, 128GB 版本在場內更加是缺貨的一款。聽朝仲早唔早起身去博 iReserve 好呢?icon

【行場報價】128GB 缺貨! iPad Mini Retina 4G 版炒賣價 $4,500 起!
 


同百老匯同價!先達場內賣 iPad Mini Retina 4G 版 $4,500 起

之前同大家報價的時侯場內最低回收價是 4G LTE 版賺 $200 ,而 Wi-Fi 版就平手走人,而下午某些鋪頭陸續番貨之後回收價就開始穩定了。  Wi-Fi 版仍然是平手走人,甚至有鋪已經開始講明唔收了;而 4G LTE 版本就相當海鮮價,有鋪頭話肯用 $4,400 去收 16GB 的 4G LTE 版,場內亦有放機者話開價 $4,250 都冇鋪頭肯收。

感覺上今日 iPad Mini with Retina Display 的交易沒有上次 iPad Air 那麼熱烈,一來可能場內店鋪貨量不多,所以沒有把價錢貼出來,要逐間去問先知道炒價;另外百老匯已經有貨開賣,加 $400 彷彿成為了封頂價錢,要炒都無從炒起。版主問到 16/32/64GB 的 4G LTE 在場內的炒和百老匯一樣,而 128GB 因為缺貨的關系會再高一點,如果場內用 +300 收機,再用 +400 賣番出去,來來回回真係冇乜肉食,會唔會變蟹貨就真係自己諗諗啦。icon

【行場報價】128GB 缺貨! iPad Mini Retina 4G 版炒賣價 $4,500 起!
▲唔好話先達場內淡靜,場外亦相當少人放售 iPad Mini Retina 版,大家唔係仲等個價升吧?!
 


128GB 缺貨?大鋪其實仲有貨番

正如上面所講,場內 128GB 版本的 4G LTE 版本 iPad Mini with Retina display 貨量實在很少,有店員話炒價都是這款比較高(講開又講, iPad Air 的 128GB 仍然有少少水位),剛好版主離開的時侯到附近百老匯打聽,大鋪仍然有貨,無論銀色或是黑色都有 1~2 部,供應量也不是那麼緊拙吧icon。在版主要離開的時侯又剛好見到店員在搬貨,從貨量來 iPad Mini with Retina display 應該是沒有缺貨的情況,而店員亦在電話中講到 16GB 的 4G LTE 仍然有得賣。與其 6 點起身玩 iReserve,版主都係寧願訓多幾個鐘頭了icon

【行場報價】128GB 缺貨! iPad Mini Retina 4G 版炒賣價 $4,500 起!
▲版主有看過箱上面的標記,全部都是 iPad Mini with Retina display 來的,如果一箱有 5 部的話,最裡都接近 50 部了(但有幾多是 4G LTE 版就不得而知了)
 

iPad Mini Retina 版文章集合:

屏幕、效能鬥新 Nexus 7 ! iPad Mini Retina 版主 Hands-on
iPad mini Retina 版 開賣首朝 冷清清 回收價最多唔過四舊
iPad mini Retina 版 A7 處理器被限速! 性能受影響?
睇淡、唱淡、慘淡! iPad Mini Retina 先達放機賺得 $200 !

在文章刊出的時侯, iPad Mini with Retina Display (Wi-Fi) 賣價 $3,088 起,按此看詳細價格和最新賣價。
在文章刊出的時侯, iPad Mini with Retina Display (4G LTE) 賣價 $4,088 起,按此看詳細價格和最新賣價。
發表於 2013-11-13 19:44
2 樓
有網友補充,在豐澤已經有16GB 的 Wi-Fi 版開賣,黑、白色都有,同蘋果原價一樣,咁樣仲邊炒得起啊icon
 
發表於 2013-11-14 07:51
3 樓
無 Touch ID 點炒?