iPad Mini 3、iPad Air 2 面世前必讀!Apple 發佈會 8 個重點問與答!

2014-10-16 18:14
今晚又有 Apple 的發佈會,上個月剛剛發佈完 iPhone 6 與 iPhone 6 Plus ,今晚估計就是 iPad 、 Mac OS 和 Mac 機方面的發佈會了。係凌晨一點的發佈會之前,我諗大家都有相當多既問題,版主們就解答大家 10 個重點問題,等大家係睇發佈會之前準備好吧!

iPad Mini 3、iPad Air 2 面世前必讀!Apple 發佈會 8 個重點問與答!
 


問題一:今晚發佈會的重點產品是什麼?

上個月的 Apple 發佈會發佈了 iPhone 6 與 iPhone 6 Plus ,今次的發佈會如無意外就是 iPad 與 Mac 方面啦。之前傳聞了很久的 12.9 吋 iPad Pro 可能是大家最期望的一部裝置。但如果真的如傳聞所言,可以分別運行 Mac OS 與 iOS 就相當吸引版主我啦!希望真的可以趕到在今年內面世啦!

iPad Mini 3、iPad Air 2 面世前必讀!Apple 發佈會 8 個重點問與答!
▲網民想像出來的 iPad Pro ,實際意義大不大呢?
 

問題二:iPad Mini 3 、iPad Air 2 將會有什麼賣點?

昨天流出了 iPad Air 2 與 iPad Mini 3 的一些功能圖,從圖中我們可以看到有 Touch ID 指紋辨識功能,亦有提到新 iPad 的相機有一個 Brust Mode 連拍功能。當然版主明白大家的目光都放在屏幕與重量方面啦。

現時 iPad Air 厚度 7.5mm (輸給 Sony Xperia Z2 Tablet 的 6.4mm 、Samsung Galaxy Tab S 10.5 的 6.6mm)重量 469g (又比 Sony Xperia Z2 的 426g 重;而 iPad Mini with Retina Display 的厚度 (7.5mm)和重量 (341g) 在 7.9 吋平板入面都不是最輕的選擇,可以見到 Apple 在這方面仍可以下工夫。而兩部平板都是具有 2048 x 1536 解像度屏幕,與解像度 2560 x 1440 的 Samsung Galaxy Tab S 系列相差無幾,再升真的有意義嗎?希望 Apple 的更新會給我們一些規格外的驚喜吧!

iPad Mini 3、iPad Air 2 面世前必讀!Apple 發佈會 8 個重點問與答!
▲昨天在 iTune 上流出的說明書
 


問題三:Mac OS Yosemite 更新有什麼特別?

其實版主 Eddie 很早之前就在用 Bug 超多的 Mac Os Yosemite Beta 版本,覺得最好的一點是更強大的 Notification Center (暫時仍未用到 Air Drop 檔案去 iPad ,不知道是否 Beta 未支援),從第一版本去到最新的 Beta 版本,版主亦都轉用 Safari 啦!感覺這次更新是強調與 iOS 的整合,如果同時使用 iPhone 、iPad 與 Mac 機的網友就要留意啦!如果大家想回顧重點功能可以睇番呢篇文章

iPad Mini 3、iPad Air 2 面世前必讀!Apple 發佈會 8 個重點問與答!
▲Beta 版的 Yosemite 真的相當多 Bug ,第一個版本甚至開不到 iMovie...icon
 


問題四:Macbook Air 的 Retina 版現機會大唔大?

根據之前版主虎仔所引用 re/code 既消息, Macbook Air with Retina Display 發佈既機會率好低,這次發佈會的重點還是在 iPad 方面的,不過有機會出現更高解像度的 iMac 。現時 27 吋的 iMac 解像度是 2560 x 1440 ,而 21 吋的 iMac 解像度是 1920 x 1080 。現時流行的 4K 電視是 3840 x 2160 ,有機會升到這個解像度嗎?還是今晚拭目以待。

iPad Mini 3、iPad Air 2 面世前必讀!Apple 發佈會 8 個重點問與答!
▲說起 Retina 屏幕,續航力又是一個問題。版主 Eddie 是用 2012 年版本 MacBook Air ,而版主 Keith 是用 2013 年 Macbook Air ,同是 13 吋的續航力可以差幾個小時…icon
 


問題五:今次 iPad Air 2 和 iPad Mini 3 會炒得起嗎?

如果你有留意開 ePrice 既報價,應該都記得上年開賣之前先達大把貨,然後開賣當日 iPad Air 全變蟹貨,每部倒蝕 $288 咁放貨。而月中 iPad Mini Retina 上市百老匯都係炒貴 $400,大家都明白係「無肉食」架啦。如果咁大風險你都認為有得炒既話,版主都只能祝你好運啦icon

iPad Mini 3、iPad Air 2 面世前必讀!Apple 發佈會 8 個重點問與答!
▲上年既 iPad Air 第一日就已經有鋪停收,而當時 iPhone 5s 仲賣貴緊 $500 ,仲諗住炒?
 


問題六:就算未發佈,我都好想盡早買到新一代 iPad ,炒唔起既話有冇機會開賣即刻買到?

根據上年既經驗,iPad Air 、iPad Mini with Retina 需求唔算大,不過總有人大量入貨,要開賣即時買到未必得。就好似上年 128GB 是新型號,有網友在當日搵極都搵唔到,反而可以輕鬆入手 16GB / 32GB 和 64GB 版本,一切都係睇運氣吧icon
 

問題七:我想知今晚邊度有得睇發佈會呢?

如果網友係有 iOS / Mac OS 既手機、平板或者電腦,就可以上 Apple 官網睇直播;如果冇都唔緊要,因版留意 ePrice.com.hk 都會有圖文直播+版主們的即時評論,當然我們會不斷更新最新消息,記得要留意我們的更新啦icon
 

問題八:發佈會時間版主好似仲未講啵…?

發佈會係香港時間 2014 年 10 月 17 號凌晨一點鐘,約定大家一齊睇新機發佈啦icon