iPad Air 2 香港到貨買唔買好?從真機睇 4 大你要知的升級重點!

2014-10-23 15:45
文章分享
今日 iPad Air 2 香港正式可以係 iReserve 預約得到,換句話說已經正式開賣啦,版主亦都見到有網友已經入手左。不過對於好多網友黎講 9.7 吋的 iPad Air 2 吸引力究竟係邊度?屏幕?電池?處理器?定係純粹因為更輕更薄呢?版主就整理左一些你要知道的重要,睇完你就知道會唔會被佢既規格「毒」到。icon

iPad Air 2 香港到貨買唔買好?從真機睇 4 大你要知的升級重點!
▲今次 iPad Air 2 的防反光鍍膜令到屏幕反光度更低
 

重點一:iPad Air 2變得更薄身!不過輕量化不到 10%

就算版主唔提,講起 iPad Air 2 大家應該第一樣諗到既就係輕同埋薄。係發佈會上面 Apple 同鉛筆去對比 iPad Air 2 既厚度,整體厚度比上一代薄 18% 只有 6.1mm 可以話係超薄等級的,比起 Sony Xperia Z3 Tablet Compact 更加薄(雖然屏幕大小是不同等級啦)。不過可能有人會問薄左咁多,究竟有冇更加輕呢?對比起上一代 iPad Air , Wi-Fi 版的 iPad Air 2 重量是 434g ,不到 8% 的輕量化拿上手還是不會太明顯啊!

不過版主不考慮 10 吋等級平板的一個原因是用過 iPad 和 iPad 2 ,他們的重量分別是 640g 和 600g ,能夠把重量控制到 500g 以下的 iPad Air 版主就覺得相當滿意了,而薄身了的 iPad Air 2 無疑是更方便放入背包。只希望它不會像 iPhone 6 一樣容易屈曲就好了icon

iPad Air 2 香港到貨買唔買好?從真機睇 4 大你要知的升級重點!
▲大家從側邊看就會見到 iPad Air 2 的一個大特點:薄!
 

重點二: 64-bit 的三核心處理器、 2GB RAM!多核跑分快一倍!

講到第二個重點,就係 iPad Air 2 上面的 A8X 處理器了,根據 Mashable 所做的測試, iPad Air 2 運行 Geekbench 3 效能測試軟體偵測到的處理器部分寫了它有三個核心,時脈為 1.51GHz(A7 為雙核心),另外入面的 RAM 容量也有 2GB 之多(iPad Air 為 1GB)。而從 Geekbench 3 的效能測試數字來看,Mashable 也表示 iPad Air 2 的多核效能跑分幾乎是 iPad Air 的二倍;不過單核效能跑分僅稍高於 iPad Air 而已。

效能跑分對於使用真的有影響嗎?版主 Eddie 手上用的就是採用陳年級 A5 處理器的 iPad Mini 第一代,理論上跟 iPhone 4s 是同級的處理效能,最近下載了版主 Alex 推薦的 Angry Birds Transformers 來玩,到中期敵人一多就開始 Lag 起來了,運行 iMovie 的時侯亦有機會「彈 Apps」,雖然說未必人人都會用平板來玩遊戲/剪片,但有著 2GB RAM 在多工方面實在有很大的優勢,相對於上一代的 iPad Air ,iPad Air 2 更值得入手啊!

iPad Air 2 香港到貨買唔買好?從真機睇 4 大你要知的升級重點!
▲ Mashable 的 Geekbench 3 測試結果,單核心分數是 1812 分,多核心分數是 4489 分。(採用雙核 1.4GHz A8 處理器的 iPhone 6 Plus,單核心分數約 1600 分,多核心分數約 2900 分。 )
 

重點三:Touch ID 功能加入!真的沒有用嗎?

今次 iPad Air 2 與 iPad Mini 3 終於有 Touch ID ,對大家來說影響大不大呢?之前版主都玩過 iPhone 5s 與 iPhone 6 ,對於我來說最常用的 Touch ID 使用就是解鎖和輸入 Apple ID 時使用了。其實亦漸漸有 Apps 加入 Touch ID 的支援,例如付費版的 EverNote 就是其中之一,可以鎖定部份的筆記,要 Touch ID 登入才可以看到;另外也推薦一個叫 LastPass 的 Apps 給會忘記密碼的網友使用,它可以紀錄下自己 Instagram 、Dropbox 、EA 等不同帳號、和密碼,而它同樣是用 Touch ID 去認證的哦!

iPad Air 2 香港到貨買唔買好?從真機睇 4 大你要知的升級重點!
▲應該不太多人在平板上面設定密碼,不過現在有 Touch ID 功能,或者會改變這個做法?
 

重點四:支援更多的 4G LTE 頻段! 802.11ac 制式 Wi-Fi

在之前發佈會有略略提過 iPad Air 2 會支援更多地區的 4G LTE ,究竟有幾多呢?如果同上一代 iPad Air 對比,今代支援的 4G LTE 頻段有 20 段,比起上一代多 6 段。如果採用無鎖版本的 iPad Air 2 就可以在美國、日本、德國、澳州、新加坡等地用到 4G LTE ;值得留意到是這次也支援了 Band 38 (2600 CMCC)、Band 39  (TD 1900)、Band 40 (TD 2300) 、 Band 41 (2600 Unicom) 的頻段,官方指出可以在大陸用到中國移動的 4G LTE ,可惜它是沒有 3G TD-SCDMA 的支援,收到 4G LTE 就會跌至地獄 2G GSM 速度。 

iPad Air 2 香港到貨買唔買好?從真機睇 4 大你要知的升級重點!
▲升級為 Cat 4 LTE ,亦支援 802.11ac 格式的 Wi-Fi
 

網友齊齊傾:有沒有更多重點吸引你?會買 iPad Air 2 嗎?

上面 4 點可能有網友們睇中既重點,亦有可能唔係你買 iPad Air 2 的原因。版主有個朋友今朝就下單買了部 iPad Air 2 ,原因其實好簡單:他喜歡金色的 iPad icon。網友們會唔會考慮入手呢部薄身既新 iPad 呢,相對於冇咩進步既 iPad Mini 2 ,你地又會唔會更睇好佢?留言講下吧!

引用來源:Mashable
文章分享
您可能也喜歡▼