「全新行貨」平 $300!iPad Air 2、iPad Mini 3 場內低價你買唔買?

2014-11-12 17:33
每年 iPad 都炒唔起已成事實,反正 Apple Online Store 長期有得賣,想入手的網友也不急在一時三刻吧?可能因為咁樣,先達入面好多鋪都已經停止回收,回收番黎既貨亦都用平過 Apple Store 既價錢去「清貨」,號稱「全新行貨有保養」,想買 iPad Air 2 、 iPad Mini 3 既網友又會唔會諗下呢?

「全新行貨」平 $300!iPad Air 2、iPad Mini 3 場內低價你買唔買?
 

先達場內「全新行貨」最多平 $300!低價入手你博唔博?

因為 iPad Air 2 與 iPad Mini 3 炒唔起,如果網友去行一行先達,都會見到有唔少鋪用「低價」去賣貨。版主留意過好多鋪,最划算的選擇是 iPad Mini 3 (Wi-Fi) 16GB 版,價錢找到 $2,750 ~ $2,800 ,足足比起官價 $3,088 平大約 $300 ~ $350 ,而如果 iPad Air 2 的 Wi-Fi 16GB 版的場內「全新行貨」價錢只比官價低約 $200 ,亦都可以考慮一下。不過講到 128GB 版本的話無論是 iPad Air 2 還是 iPad Mini 3 價錢與官價都相差不遠( $100) 以內,其實唔算抵玩。

大家應該會關心這些機是否有保養,如果這些是先前回收番來的「新機」,其實計保養是由到貨的一日起,換句話說其實會蝕了一定的保養年期,值不值得就見仁見智啦。有店家提到可以將慳番既支出去買多一年 Apple Care ,現時 iPad 的 Apple Care 官價 $688 ,大家又認為去場內買「全新行貨」係咪一個好既選擇呢?

「全新行貨」平 $300!iPad Air 2、iPad Mini 3 場內低價你買唔買?
▲現時先達賣 iPad Mini3 與 iPad Air 2 ,都比起 Apple 的原價便宜一點,平最多接近有 $300 。佢地號稱「全新行貨」,你地覺得信唔信得過?

「全新行貨」平 $300!iPad Air 2、iPad Mini 3 場內低價你買唔買?
▲講開又講,版主見到 Sony Xperia Z3 Tabelt Compact 場內價賣 $2,780 起,比起官價平 $700 ,有冇得同 iPad Mini 3 鬥一鬥?

在文章發佈的時侯, iPad Air 2 定價 $3,888 起,按此看詳細規格和最新賣價。
在文章發佈的時侯, iPad Mini 3  定價 $3,088 起,按此看詳細規格和最新賣價。