最多減足 $689 ! HKTV Mall 買 iPad 優惠,你會唔會衝?

2015-08-04 01:40
對於有意買 iPad 的朋友來講相信都唔會為無機會用平價入手而苦惱,因為近幾個月來其實都有唔少地方做限時大優惠。最近連唔少朋友應該都幫襯過的 HKTV Mall 都做買 iPad 優惠啦!想知係咪平價執 iPad 的朋友要留意下文了。icon

最多減足 $689 ! HKTV Mall 買 iPad 優惠,你會唔會衝?
 


iPad Mini 2 有優惠!現金回贈最多 $822 Mall Dollar

先講今次 HKTV Mall 的 iPad Mini 2 優惠先!如果以優惠程度來講其實 16GB 版本的 iPad Mini 2 Wifi+Cellular 版本係最大的,因為有成 25% 的 Mall Dollar 現金回贈,亦即係有成 $822 。如果想買大容量少少的 32GB 版本都有著數的,不過就無咁吸引咁解, 32GB Wifi+Cellular iPad Mini 都有 20% Mall Dollar 現金回贈,即係有 $737.6 。 iPad Air 方面都都有 15% 的 Mall Dollar 現金回贈,分別係 16GB Wifi+Cellular 版本有 $613.2 以及 32GB Wifi+Cellular 版本有 $673.2 。


最多減足 $689 ! HKTV Mall 買 iPad 優惠,你會唔會衝?
▲ 款款 iPad 都有 Mall Dollar 現金回贈,但係直正「有減價」的就只有 iPad Mini 第一代。
 

iPad Mini 16GB 版平足 $689 !但又算唔算抵?

睇到呢到可能大家已經 X 聲四起,因為對於唔會經常係 HKTV Mall 購物的朋友來講 Mall Dollor 真係不太有用啊!其實除左 iPad Mini 2 之外,第一代的 iPad Mini 仍有直接減價另外再送 10% Mall Dollar 的,但係價錢來講其實不算很吸引。係之前版主 Eddie 分享過的豐澤 E-Shop 網上優惠中,第一代 iPad Mini 16GB Wifi+Cellular 版本只係賣 $1578 ,但係今次 HKTV Mall 優惠都仍然要 $2199 ,即使計埋 $219.9 的 Mall Dollar 現金回贈都仲係未夠上次豐澤優惠吸引。不過咁,可能因為 HKTV Mall 比較多人用的關係,係文章完成前一刻 HKTV Mall 只係得返黑色版的 iPad Mini 16GB Wifi+Cellular 版,白色就顯示為暫時缺貨。唔知大家又會否襯 HKTV Mall 減價呢個機會入手iPad 呢?留言講講啦!

最多減足 $689 ! HKTV Mall 買 iPad 優惠,你會唔會衝?
▲ 黑色 16GB 版 iPad Mini 係版主寫完前一刻仍然有貨,價錢就由 $2888 減左 $689 變 $2199 ,其實不算吸引力很大。

來源: HKTV mall

在文章發佈的時侯, iPad Mini 官方定價 $1,888起 ,按此看詳細規格和最新賣價。
在文章發佈的時侯, iPad Mini 2 官方定價 $2,288 起,按此看詳細規格和最新賣價。
在文章發佈的時侯, iPad Air 官方定價 $3,088起 ,按此看詳細規格和最新賣價。