最後清貨? iPad mini 3 / Air 2 淨機最多減 $600 你衝唔衝?

2015-10-05 12:43
係上月頭 Apple 發佈新 iPad Pro 之前,版主就同大家提到有電訊商為左清貨,就搞左個最多減 $600 的「過3爆4必備 大專生買 iPad 即減 $500 」優惠出來。不過,果次優惠的前提係要上台,計落未必係咁著數。可能因為上次清貨成效不太好,今次網絡商再出招,同樣係最多減 $600 但優惠內容就更吸引,大家又點睇?

最後清貨? iPad mini 3 / Air 2 淨機最多減 $600 你衝唔衝?
 

不用簽約上台! iPad 淨機即買即減有無著數?

同樣都係 csl ,不過佢哋今次的優惠內容同上次相比就有明顯分別了!上次的「過3爆4必備 大專生買 iPad 即減 $500 」係需要用家選用年期為兩年,月費計劃最少要有 6GB 的上台計劃,令到吸引力即時細左唔少!今次 csl 講到明叫「iPad 淨機即買即減」,即係只要乎合優惠的基本要求就可以用優惠價買機。

最後清貨? iPad mini 3 / Air 2 淨機最多減 $600 你衝唔衝?
▲ csl 的學生優惠內容而家改左,除左買機有平,上台更會送 Tap and Go 現金儲值額。

係價錢方面,因為係 Apple 發佈會後, iPad Air 2 的售價未有變動, iPad mini 3 Apple 官方就決定抽起唔賣,所以 csl 的優惠係同上次一樣。 iPad Air 2 Celluar 的 16GB 以及 64GB 版本都係減 $600 ,而從 Apple Store 上落左架的 iPad mini 3 Celluar 16GB 以及 64GB 版本都係減 $500 。如果大家感興趣想即買的話,要留意優惠同樣只適用於持有有效學生證人士,同時需要成為the Club 會員。同上次相比,今次 csl iPad 買機優惠因為不用上台,所以點睇吸引力都大好多,大家覺得是否著數呢?一齊留言講講啦!

最後清貨? iPad mini 3 / Air 2 淨機最多減 $600 你衝唔衝?
▲ 價錢同上次一樣都係減咁多。

來源:csl
發表於 2015-10-07 08:42
2 樓

咁係apple買便宜點還是csl.買便宜點?
發表於 2015-10-15 19:47
3 樓
如果是 ipad mini 3 的話 apple store 已抽起了,而 ipad air 2 的教育優惠減價不及 csl 多。