大鋪「即減 10%」! iPad mini 3 再清貨最多平一千,買得過?

2015-10-15 20:26
iPad 清貨呢排都有講過,之前就有 csl 搞優惠,買 iPad Air 2 同埋 iPad mini 3  最多可以減 $600 ,但前題係只限學生,未能做到人人受惠。不過 iPad mini 3 自 Apple 抽起唔賣之後,不論係電訊商還是大鋪其實都係要想盡辦法清貨嘅。今次就輪到有大鋪以「即享 10% off」優惠去賣 iPad mini 3 ,版主計過最多可以平成千蚊!之前未入手的朋友而家又會否心動?

大鋪「即減 10%」! iPad mini 3 再清貨最多平一千,買得過?
 

iPad mini 3 最多平成千蚊!衛訊即減優惠減得勁過 csl

今次衛訊所做的 iPad mini 3 優惠同 csl 之前即減優惠有點不同,之前 csl 係只賣 Celluar 版本,這個衛訊優惠就只係做 WiFi 版本。另外,衛訊所做的減價分別係 64GB  iPad mini 3 以及 128GB 版,價錢兩部都係「即享 10% off」。因為而家係衛訊 iPad mini 3 64GB 版本以及 128GB 版本標價已經係 $3288 以及 $4088 ( iPad mini 3 64GB 版原價為 $3888 、 128GB 版本 $4688),所以 iPad mini 3 優惠價分別為 64GB 版  $2959 以及 128GB 版本價錢 $3679 ,對比原價減左成千蚊!無論如何,賣價愈平當然對大家愈著數啦!

除左係價錢上有得即減之外,衛訊的優惠更加會送埋保護貼以及機套,所以如果唔介意 iPad mini 只得 WiFi 版本的話,明顯係衛訊的優惠更抵玩的。最後,大家要留意一個要點,就係衛訊同 csl 一樣,今次 iPad mini 減價同樣係以「學生優惠」的方式推出,係細則上係列明要出示到有效學生證的。不過,版主問過如果無學生證的話又是否可以享有優惠,答案係一樣 ok 無問題,有興趣而又沒有學生證的朋友都可以試問一下。另外以上的優惠不是每間分店都有,版本係銅鑼灣同荃灣都見到,但係旺角就看不到。唔知今次減價大家又點睇呢?留言講講吧!icon

大鋪「即減 10%」! iPad mini 3 再清貨最多平一千,買得過?
▲ iPad mini 3 「學生優惠」個牌並不是放在相當顯眼的地方,同時又不是間間分店都見到,大家有心去買可能都要行多一兩間。

大鋪「即減 10%」! iPad mini 3 再清貨最多平一千,買得過?
▲ 點解可以減到 $2959 以及 $3579 咁多?因為 iPad mini 3 係大鋪賣價已經不同於原價了。