三大理由! 外國網主怒插 iPad Pro

2015-11-13 19:29
想問大家一個問題:如果係一兩年前有人問起你覺得 Apple 產品點,你會點答? 相信某大部份人都係勁、正、穩定呢啲答案! 以往唔少人對蘋果產品係讚不絕口的,特別是上年,更可謂 Apple 最成功的一年。但如果而家問番你同樣的問題,你嘅答案有無變? 當然 Apple 總會有佢嘅忠實擁躉,但整體來說今年 Apple 產品的期望值急劇下降。今年 Apple 推出嘅 iPad Pro,叫得 Pro 理論上會聯想到「強」同埋「大」,但實際上唔係咁多人睇好呢部機。點解呀? 我地睇下外國網主,怎樣怒插 iPad Pro 的三大理由!

三大理由!  外國網主怒插 iPad Pro

理由 001: 打字麻煩
Apple 推出 iPad Pro 的原意同 Microsoft 推出 Surface Pro 4 的目的是一樣的,都是希望能夠以一部平板電腦取代手提電腦。無錯,用 touchscreen 打幾封 email、打幾句 tweeter 係無問題嘅,某程度上亦都真係幾方便。不過你話要用部 iPad Pro 去打成篇文章,就簡直是一個惡夢。當然你可以話,你可以用 iPad Pro 專用嘅「Smart」Keyboard 架嘛! 有 Keyboard 係好,但 Apple 推出個 Keyboard 又唔係真係好似佢個名咁「Smart」,最低限度應該有番個 trackpad,唔通真係打幾隻字又要用手指篤咩,咁樣仲麻煩仲攞黎搞。

三大理由!  外國網主怒插 iPad Pro

理由 002: 枝筆作用不大
外國網主覺得其實枝筆無乜大作用。平時打文仲用筆逐隻逐隻字寫咩? 係都用番 Keyboard 好過啦! 咁呢枝筆係唔係真係咁無用呀? 咁又唔係嘅,只不過佢嘅作用係俾啲真真正正嘅專業人士用啫! 譬如好似設計師、繪圖師,咁就用得着呢枝筆。我地呢啲凡夫俗子,呢枝筆我地真係用唔起! 嗱你話喇,枝筆岩岩買番黎果一剎那可能會貪新鮮,時間耐左諗番起,枝筆唔係要畫畫唔係做設計嘅,真係有啲咩用呢?

三大理由!  外國網主怒插 iPad Pro

理由 003: 儲存不方便
Apple 嘅設備一直以來都有個缺點,就係佢喺檔案管理方面做得唔好,一黎無 USB 插槽,唔能夠方便將啲檔案儲存落 USB 度。你話 Apple 本身都有個 iCloud 可以俾你將啲檔案備份上去,係嘅,但真係要管理 iCloud 入面啲檔案真係好唔方便。其實「檔案儲存」呢樣野對任何用戶黎講都好重要, Apple 應該考慮在這方面作出一些對應的改善。

你覺得外國網站嘅網主插得啱唔啱先? 有無講中左你嘅心底話呢? 唔知你又點睇呢?

來源:TNW News
發表於 2015-11-16 00:27
2 樓
-咁大個MON篤仲要trackpad?弱智先會講得出咁既野
-筆梗係覺得有用先買架啦,示範片都係SHOW畫圖果啲野, 買完唔畫圖又插佢支筆冇用就真係7人冇藥醫
-所有iphone ipad都冇卡插, 唔係ipad pro獨有既缺點

BTW我覺得佢定位唔多好,咁既價錢,專業既用戶會買MACBOOK囉,你IOS點同OSX比