iPad Pro 當盾牌指日可待! Targus 推三配件,達軍備規格!

2015-11-20 19:10
以往雙十一最受到關注的地方,在於各大廠商、網絡商推出的促銷優惠,但今年似乎有少少不同。今年的雙十一特別之處,在於連 Apple 都埋嚟湊熱鬧,不過佢地就唔係推出咩野光棍節促銷優惠,而係具有 12.9 吋超大屏幕的 iPad Pro 正式開售。而 iPad Pro 開售的同時,Targus 亦已為 iPad Pro 準備左三款不同用途的保護性配件,包括左一個耐衝擊隨行袋以及兩個保護殼,當中的隨行袋更具備軍用規格,好似好勁咁,就等版主同大家介紹一下啦!

iPad Pro 當盾牌指日可待! Targus 推三配件,達軍備規格!

Targus Grid 耐衝擊隨行袋
首先出場嘅係呢個聲稱擁有軍用規格的耐衝擊隨行袋,能夠為 iPad Pro 帶來最全面的保護功能。外型方面,Grid 擁有前拉鍊口袋,可以方便你放 Apple Pencil、充電線或者其他私人物件。Grid 亦有後袋,可以放 Smart Keyboard 或者其他文件。此外,Grid 配備了一條防滑肩帶,你可以按自己需要調整或者拆除。保護套內有撞擊緩衝橡膠、PU 皮質、記憶泡綿以及 Nyflex 防刮內籠,能夠為手提或者平板電腦抵擋 1.2m 高度跌落的傷害。另外,Grid 亦能提供防水防塵的保護。而價錢方面,Grid 的建議零售價為 HK $428。

iPad Pro 當盾牌指日可待! Targus 推三配件,達軍備規格!

3D 保護殼
Targus 亦推出左兩款保護殼,其中一款叫做 3D Protection 保護殼,顧名思義 Targus 將自家的 3D Protection 技術應用到 iPad Pro 保護殼度,表面有清晰可見嘅 3D 稜狀紋,比一般的設計提供更全面的保護,其專為 iPad Pro 而設計的 TPU 托盤,亦可增強衝擊吸收,提供額外的保護。另外,3D Protection 亦能達到防水防塵的功效,而且跟 Grid 一樣,具備軍備規格,能夠抵擋 1.2m 高度跌落時所受的傷害。3D 保護殼的建議零售價為 HK $348。

iPad Pro 當盾牌指日可待! Targus 推三配件,達軍備規格!

VersaVu 旋轉保護殼
Targus VersaVu 保護殼具有專利的 360 度旋轉功能,除左能夠讓你自行調整最適合自己的角度外,佢嘅泡綿凹痕亦可讓裝置安穩固定,而且佢仲搭配左聲音導向系統,睇片聽歌嘅時候可以增強音量同品質。另外,呢款保護殼同樣能夠抵擋 1.2m 高度跌落時的傷害,售價為 HK $398。

iPad Pro 當盾牌指日可待! Targus 推三配件,達軍備規格!

Targus 一口氣推出左三款達到軍備規格的保護配件,唔知係咪軍備規格加上 iPad Pro 的大屏幕,當我打緊呢篇文章嘅時候,令我聯想起之前網上流傳的搞笑圖,「iPhone 20 」與 「Samsung Galaxy 23」 組成的刀盾組合,只係我腦海中自動將 iPad Pro 取代左 「Samsung Galaxy 23」。唔知大家對呢三款配件有無興趣呢? 不過大前提係,你會買 iPad Pro......

iPad Pro 當盾牌指日可待! Targus 推三配件,達軍備規格!
▲ 曾經網上瘋傳的搞笑圖。