性價比高過小米平板 2 ? iPad mini 3 華為 X2 行貨齊齊減你衝唔衝?

2015-12-03 18:31
近月的平板市場可以話相當淡靜,當中一個比較重要的因為可能係甚少新產品推出,好似以往係香港推出左大量平板的 Asus 係下半年就完全無出過新機。所以小米平板 2 以一千人仔有找,高性價比姿態登場,就成功爭取到唔少人的留意。不過,小米平板 2 雖然夠平,但今次分享兩部減價平板性價比都相當唔錯,可能仲抵玩過小米平板 2 呢!

性價比高過小米平板 2 ? iPad mini 3 華為 X2 行貨齊齊減你衝唔衝?
 


iPad Mini 3 清唔到貨?衛訊再劈價

係 10 月份版主就提過自 Apple 唔再賣 iPad Mini 3 之後,唔止 csl ,連衛訊都要劈價清貨。當時衛訊以「學生優惠」的方式將 iPad Mini 3 的 64GB 版本以及 128GB 版本打個 9 折,但看來反應都未算好理想。近排可能大家都有留意到,多間衛訊仍然有貼出 iPad Mini 3 優惠通知,而且更加碼到 85 折!不過,用 85 折賣的只係 iPad Mini 3 128GB Wi-Fi 版本,賣價為 $3474 , 64GB 版本就沒有這個優惠了。

性價比高過小米平板 2 ? iPad mini 3 華為 X2 行貨齊齊減你衝唔衝?
雖然出動到 85 折優惠,但 iPad Mini 3 128GB 版始終仍然要價接近三千五,未必有咁多願意入手呢。
 

通話平板 MediaPad X2 行貨再有平

雖然以屏幕大小來計, MediaPad X2 只有 7 吋比起小米平板 2 以及 iPad Mini  3 細,但卻係唯一一部用到 4G 仲可以打到電話的。係定價上, MediaPad X2 要成 $3280 當然唔算平啦,但係而家深水埗鴨寮街細鋪最平已經可以用 $2398 入手,比起定價己經平左 $900 。係規格上 MediaPad X2 有 7 吋 FHD 芒,處理器就用左 Kirin 930 配 3GB RAM 以及 32GB 內置容量,仲有 1300 萬像素主鏡以及 500 萬像素前鏡,同埋 5000mAh 電池,而且仲收到中港 4G 。諗諗下,如果從買手機的角度來看,兩千四有找呢個價都幾抵呢!(最少比起華為自家手機抵吧!)  

性價比高過小米平板 2 ? iPad mini 3 華為 X2 行貨齊齊減你衝唔衝?
▲ MediaPad X2 係香港正式開賣前已經好受歡迎。

在文章發佈時,華為 MediaPad X2 最平賣價為 $2398,按此看詳細規格及最新賣價。
發表於 2015-12-15 09:47
2 樓
7-8 寸 tab 用黎睇書一流. 其他用途令計.