大陸媒體狠批:寧用 iPad Air 2,不用 iPad Pro!

2015-12-23 20:54
iPad Pro 自雙十一推出以來,網民對佢嘅評價都比較負面。根據外國傳媒前兩日的報導,iPad Pro 推出一個月,就算係中國嘅銷量都不如理想,賣出的數量只有 4 萬幾部。回顧當年 iPad Air 2 的銷量,首月已經賣出差不多 55 萬部,係 iPad Pro 的十倍有多。之前版主就同大家分享過,有外國網主以三個理由怒插 iPad Pro,原來唔單止外國人唔妥佢,就算連中國人都無辦法接受呢部 iPad Pro。 近日中國威鋒網的編輯分享佢朋友的使用後感,並稱用過之後發現係大伏,寧願用番 iPad Air 2 好過。就等我地睇下佢點講!

大陸媒體狠批:寧用 iPad Air 2,不用 iPad Pro!

批評001:Smart Keyboard 太貴 + 文字工作體驗不如理想
呢位朋友仔之前用開 iPad Air 2,最近買左部 iPad Pro 同埋 Smart Keyboard,無買枝筆。但買左 Smart Keyboard 之後覺得後悔無等佢推出第三方 keyboard,因為 Smart Keyboard 太貴,兩部 keyboard 嘅價錢差不多夠買一部普通嘅 iPad Air。到文書工作時先係問題所在,因為呢位朋友同版主一樣都係成日要寫文章,但打字嘅時候無 trackpad 真係好唔方便,打文仲要不時用手指篤芒,麻煩到呢! 之前有網民覺得,有咁大個芒仲洗乜用 trackpad,覺得呢個諗法好搞笑。但當你實際做文字工作,大概就會明白這種感受。所以 Apple 想將 iPad Pro 成為可以同時滿足工作及娛樂的平板,最基本應該係提升打字的體驗先!

大陸媒體狠批:寧用 iPad Air 2,不用 iPad Pro!

批評 002:機身太大,影響娛樂體驗
至於娛樂方面,即便呢位朋友仔對呢部 iPad Pro 的屏幕、規格配置都相當滿意,屏幕的顯示效果比 iPad Air 2 好,而且色彩更準確、對比度更高,加上配備左四喇叭,比用 iPad Air 2 打機睇片聽歌嘅時候效果理應更震撼。而且 iPad Pro 比 iPad Air 2 性能高出 2 倍,網頁加載快左之餘,打機都好流暢。但無論部機聽落幾好都係假,最大的問題係機身太大、太重,長時間拎住會好攰,而 iPad Air 2 就無咁嘅問題,所以最後用耐左之後,都係覺得,寧願用番 iPad Air 2,放棄呢部又大又重嘅 iPad Pro。

大陸媒體狠批:寧用 iPad Air 2,不用 iPad Pro!

如果按照呢位朋友仔嘅用後感受,呢部 iPad Pro 最大的問題係失左佢嘅定位,既在工作上不能得心應手,在娛樂上亦未能玩得舒暢。如果講番當年 iPad Air 2,佢嘅定位好清楚係娛樂方面,係公認的娛樂設備之一。當然,呢位朋友仔並不能代表所有 iPad Pro 的用家,但某種程度上亦反映了 iPad Pro 的不足之處,導致銷量不佳的原因。事實上,除左以上果位朋友仔所提及的問題之外,佢嘅定價太高,與佢嘅實際價值不符,都係 iPad Pro 一個致命傷。如果你手上同時擁有 iPad Air 2 同埋 iPad Pro,你會唔會好似果位朋友仔咁,放棄 iPad Pro 而重回 iPad Air 的懷抱呢? 

來源:威鋒網