9.7 吋 iPad Pro 大鋪暗減價!平價 Mini 3 入手最後機會?

2016-05-06 15:02
早排同大家分享過,有 Apple 經銷商將前代 iPhone、iPad 同 Macbook 減價過千,價錢雖然算係幾吸引,但始終是上一代的產品,唔係人人想入手。所以今次就同大家講下最新一代 iPad Pro 9.7 吋的減價消息,想唔到有大鋪已經偷偷減價。另外,前代 iPad Mini 3 想用平價入手,而家可能係最後機會了。有興趣的朋友快啲睇下文啦!

9.7 吋 iPad Pro 大鋪暗減價!平價 Mini 3 入手最後機會?
 

9.7 吋 iPad Pro 不止減 $100!csl 衛訊再鬥過!

9.7 吋的 iPad Pro 係 3 月尾開賣無耐,大鋪就已經開始減價,不過減幅實在太少,得 $100 咁多。不過近期情況終於有點不同,因為 csl 同衛訊又再鬥減價了。目前, csl 已經將全部 iPad Pro 9.7 吋版本「即減 $200」,但因為只係得 LTE 版的關係,價錢分別係 $5488、 $6688 同埋 $7888。有減價自然有競爭,衛訊近排就由本來 iPad Pro 9.7 吋所有容量的 LTE 版本減 $100 ,變成減多幾百!

版主問過, iPad Pro 9.7 吋版不論係 WiFi 版本還是 LTE 版本,32GB 同埋 128GB 的內置容量版本都係減 $200 (價錢分別是 32GB WiFi $4488、LTE $5488/128GB WiFi $5688、LTE $6688),而 256GB 版本就會減 $300 ,價錢就係 WiFi 版 $6788/LTE 版 $7788)。雖然減得唔多,但同 csl 比較起來衛訊還是比較平嘅。

9.7 吋 iPad Pro 大鋪暗減價!平價 Mini 3 入手最後機會?
▲ iPad Pro 9.7 推出個多月,話咁快就劈價,原因看來都是定價太高吧!

9.7 吋 iPad Pro 大鋪暗減價!平價 Mini 3 入手最後機會?
▲ iPad Pro 12.9 128GB LTE 版本雖然可以減到 $600 ,但版主問過衛訊原來貨量所餘無幾,所以有展示的係減得比較少的 32GB WiFi 版 或者 128GB WiFi 版。


iPad Mini 3 只剩 16GB LTE 版,你還會買嗎?

再來講下舊代 iPad,話說係 15 年年尾,衛訊以即減 $1500 為賣點,將本身已經抽起唔賣的 iPad Mini 3 劈價促銷。一開始雖然話數量有限,但其實愈賣愈有,絕不止數百部啦。不過,而家看來, iPad Mini 3 真係差不多賣晒了。因為而家係衛訊已經沒有 64GB 以及 128GB 版本,版主問過 16GB 都係得返小量,賣完就無。不過,抵唔抵其實又好難講,因為 16GB 其實只會「即減 $1000」,所以減完之後賣價都要 $2688 ,而且 16GB 版本夠唔夠用都係問題呢!

9.7 吋 iPad Pro 大鋪暗減價!平價 Mini 3 入手最後機會?
▲iPad Mini 3 因為同 iPad Mini 2 規格差不多一樣,只係多左個指紋掃描,一推出後銷情並不好,但有劈價就唔同講法嘅。

9.7 吋 iPad Pro 大鋪暗減價!平價 Mini 3 入手最後機會?
▲iPad Mini 4 同 iPad Air 2 係衛訊一樣只係減左 $100 ,同 csl 相比就比較遜色了。