四千唔使!八吋以上 128GB 平板鬥平價!Android vs Windows vs iOS

2016-12-09 19:54
平板電腦的選擇是不是真的很少呢?其實不算很少,但因為大多是出自大陸廠商的關係,導致香港人一般都不多考慮。作為一部平板電腦,你覺得哪方面才是最重要呢?屏幕解像度、RAM、處理器固然重要,但作為一部文書用途的平板,儲存容量的大小更為重要。對於版主而言,我會覺得 128GB 已經好足夠。如果你的預算只有 $4000,有 Android、Windows、iOS 三大系統,你會怎樣選擇?即看三大平台 128GB 平板可以有甚麼選擇!

四千唔使!八吋以上 128GB 平板鬥平價!Android vs Windows vs iOS

12.9 吋 iPad Pro 半價賣!$4000 唔使限量 50 件!
先講左 iOS 先。一提 iOS 平板,就知道一定係 iPad,昨日提過 csl. 有聖誕限時優惠第一回,iPad Air 2 以及 iPad mini 4 二千蚊有交易,不過就只有 16GB,對版主來說真係唔多夠用。蘇寧都有 iPad 優惠,似乎仲抵過 csl. 好多,講緊嘅係 iPad Pro 12.9 吋 (Wi-Fi + Cellular) 128GB 版本,比較適合大部份人使用,原價 $7788,而家 $3888 就買到,確實係相當超值。不過,抵玩着數當然係有限量啦!唔係蘇寧仲唔蝕死?限量 50 件,於 12 月 12 日 8 時在蘇寧網店開始搶購。你,會唔會搶呢?

四千唔使!八吋以上 128GB 平板鬥平價!Android vs Windows vs iOS
▲ 蘇寧今次呢個減價認真抵玩,你諗下喎,唔好講 Wi-Fi + Cellular 版本,淨係講 Wi-Fi 版,細舖 128GB 都要賣成 $6280。雖然限定,但比細舖便宜超過 $2300,確實超值。不過如果給版主選擇,就算我由心覺得佢抵,都不在我的考慮之內,因為 iOS 系統對文書工作來說,並不方便,如果佢係行 Mac OS,咁就 perfect。

華為 MediaPad m3 $3200 入手
以前版主覺得,買平板電腦一定要用 Windows,係 Windows 先能真真正正做到文書工作,打文、整圖都方便得多。不過,自從版主 Keith 介紹了一隻輯圖 Android App 俾我,可以做到類似 Photoshop 的基本功能,而家我對 Android 平板並不抗拒了,有時候打文、整圖,用 Android 已經夠哂。不過如果又要 Android 又要有 128GB,似乎選擇就好少,近期比較大受好評的華為 MediaPad m3,細貨行貨只有 64GB LTE 版,賣 $2980。如果想要 128GB 容量,就要水貨,深水埗普遍店舖賣緊約 $3210,但就得 Wi-Fi 版,網友又會唔會考慮呢?

四千唔使!八吋以上 128GB 平板鬥平價!Android vs Windows vs iOS
▲ 唯一要說可惜的是,這部華為 MediaPad m3 只有 8.4 吋,如果屏幕有 10 吋左右,成件事就會唔同哂。

最平 Windows 之選?8GB RAM + Intel Core m3,台電 X3 Pro 會考慮嗎?
版主諗了一段時間,到底有邊款 128GB 的 Windows 平板會相對抵玩呢?Microsoft Surface Pro 系列雖然係好,但問題係對我來說太過貴,而除了 Microsoft,想搵一部平平地的 128GB 平板,真係不容易。不過忽然就想起,台電大約在半年前,曾經推出了一部 11.6 吋 1080p 平板 X3 Pro,有 8GB RAM,用上 Intel Core m3 處理器,規格來看似乎比 Surface 系列的最低配置 (Intel Core m3 + 4GB + 128GB) 略為高階,但價錢上就便宜超過 44%,賣價大約 $3868。網友又覺得抵唔抵呢?

四千唔使!八吋以上 128GB 平板鬥平價!Android vs Windows vs iOS
▲ 8GB + 128GB SSD + Intel m3,配置勁過 Surface Pro 4 m3 版本,價錢平超過 44%,網友會有興趣嗎?