網店清貨大平賣!iPad 系列最平 $1700 有找,有無伏?

2017-02-06 12:25
話說唔知網友有無發現,自從蘇寧開埋網店之後,成日都有唔少搞作,每逢大小節日,好似雙 12、聖誕節、農曆新年等等,都會推出一連串的優惠,咁優惠多啲,確實係好事嚟嘅,但問題係,佢所謂的優惠,又係唔係真係咁抵呢?有時唔係。不過,嚟緊適逢情人節,蘇寧網店再有新搞作,今次呢就算係幾抵玩喇,特別係 iPad 系列,最平都只不過 $1700 有找。但咁平,又會唔會有伏?睇下文啦!

網店清貨大平賣!iPad 系列最平 $1700 有找,有無伏?

開始講有乜優惠之前,版主都想同大家分享一下,自己對於「抵玩」的定義。簡單來說,一句講哂: 平唔過出面細舖就唔好講抵玩。認真,如果出面可以用更低的價錢買到你嘅心水產品,你仲會選擇去蘇寧網店買嗎?唔可以話完全唔會,但絕對唔係值。

iPad 系列最平 $1700 入手!有無伏?
由即日起至 2 月 14 日,蘇寧網店就有一個「情人節 Best Pick」活動,同以往一樣,有不少產品進行速銷,版主比較過出面嘅價錢,覺得以今次的優惠來說,iPad 算係比較值得入手,當中包括 iPad Air Wi-Fi、iPad mini 4 Wi-Fi + Cellular、iPad mini 4 Wi-Fi 以及 iPad Air 2 Wi-Fi + Cellular,最平只需 $1688。就咁睇價錢就無乜大伏嘅,不過唯一伏點係: 得 16GB,就唔係個個都啱玩。你又會唔會考慮呢?

網店清貨大平賣!iPad 系列最平 $1700 有找,有無伏?
▲ 呢幾部 iPad 的價錢,版主比較過基本上都平過出面細舖,但問題係得 16GB ROM,你又入唔入得落手呢?

網店清貨大平賣!iPad 系列最平 $1700 有找,有無伏?
▲ 嫌 16GB 太少,iPad mini 4 64GB Wi-Fi 都只係賣 $2688,不過啱啱開波就缺貨,係乜玩法?

Apple Watch 都好抵玩!平過官網 $2600!
除左 iPad 系列之外,其實今次 Apple Watch 都一樣好抵玩!佢就係「Apple Watch 42mm 不銹鋼錶殼配運動錶帶」。點解話抵玩呢?比較番出面嘅細舖賣價,最平大約 $2800 左右,其實已經算抵。今次蘇寧比細舖仲要平多七八百蚊,只需 $2098 就可以入手,呢個價錢,網友覺得吸引嗎?

網店清貨大平賣!iPad 系列最平 $1700 有找,有無伏?
▲ $2098 玩 Apple Watch 不銹鋼錶殼配運動錶帶,不過係第一代,你又覺得值唔值得入手呢?

按這裡可看更多蘇寧情人節 Best Pick 優惠