繼續清舊零件!iPad 2020 換餡出新代,新 iPad Air 更有睇頭

2020-09-16 02:05
又到一年一度嘅 Apple 秋季發佈會!按照慣例,Apple 都會喺呢個發佈會上,發表新一代嘅 iPhone,今年喎,咪 iPhone 12 系列囉!錯哂。今年 Apple 一反常規,無喺呢個發佈會上推出 iPhone 新品,係咪唔出?唔係,不過因為某啲原因出唔切咁囉。而變相,今日嘅主角,應該會係 iPad 先啱!一共更新咗兩部 iPad,一部 Cheap 版嘅 iPad (第八代) (下稱 iPad 8),而另一部則係 iPad Air (第四代) (下稱 iPad Air 4) ,呢兩部升級大唔大,值唔值得買,版主下文話你知!

繼續清舊零件!iPad 2020 換餡出新代,新 iPad Air 更有睇頭

兩部 iPad 之中,版主個人對相較平價版的 iPad 8 感興趣得多。話說有 add 版主 Facebook 嘅朋友就知道,我早前買咗部 iPad mini 5,當時我曾經掙扎過,到底買就咁 iPad 定 mini 好呢?而做過多番比較,最後我都係揀咗 mini,最大原因係 iPad 7 硬件規格太 old,仲係用緊 A10 Fusion 處理器,無記錯係 iPhone 7 果粒,唔係話慢,但一諗到個價錢,心理上唔會想買咁舊 CPU 嘅平板囉...... 所以今次佢更新埋平價 iPad,係值得留意下嘅。
 

iPad (第八代)

不過,更新後嘅 iPad 系列,iPad 8 個餡係點呢?繼續清舊零件,一樣係用舊 U,叫做好咗啲咁囉,唔係用 A10 Fusion,而係用 A12 Bionic 處理器,即係 iPhone XS 用果一粒,叫做比之前新咗兩代㗎喇~屏幕呢,就照樣係 10.2 吋,就咁睇成個設計都係同上代差不多,而儲存容量都係會由 32GB 起。另外,iPad 都係支持 Smart Cover 同埋 Apple Pencil。

配合 iPadOS 14,iPad 可以用 Apple Pencil 做到更多嘢,例如用 Apple Pencil 寫完字,可以將你寫嘅字複製成文字檔,用枝筆將你寫嘅文字快速刪除等等,更接近真實的寫字體驗。

相機部分,iPad 用上 8MP 主鏡頭。

繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭
 

iPad Air (第四代)

至於 iPad Air 4,個芒就比 iPad 還要大,有 10.9 吋,支持 True Tone 技術以及 P3 廣色域,顏色有玫瑰金、銀、太空灰、綠、天藍五種顏色,同時亦搶先 iPhone 12 系列用上 A14 處理器,呢粒處理器係一粒用上 5nm 制程嘅六核心處理器,CPU 效能比起之前提升咗 40%,而 GPU 效能亦都比之前提升咗 30%。

整體設計上同舊代其實都幾大出入,因為佢係比較似 iPad Pro 嘅設計,屏幕下方搵唔到 Touch ID 主頁鍵,屏佔比都算係相當高,不過係咪真係無 Touch ID?其實有。iPad Air 4 頂部嘅鎖屏鍵,用上咗新款嘅 Touch ID,Apple 表示可以做到更快、更準確的解鎖體驗。另外,iPad Air 更換上 Type C 插槽。相機部分,iPad Air 4 用上 12MP 主鏡頭,而前置鏡頭則為 7MP。

配件方面,iPad Air 4 兼容 11 吋 iPad Pro 嘅兩款鍵盤,同時亦兼容 Apple Pencil,支持機側磁吸充電。

繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭


繼續清舊零件!iPad 2020 換餡出新代,新 iPad Air 更有睇頭

繼續清舊零件!iPad 2020 換餡出新代,新 iPad Air 更有睇頭

按這裡有香港建議零售價

按這裡了解更多 2020 年 Apple 秋季產品及服務更新:iPad 第八代、全新 iPad Air、Apple Watch 6、Apple Watch SE、Apple One 等及開賣資訊及賣價。
您可能也喜歡▼