最新低價!新 Nexus 7 $1,650 有交易你買唔買?

2014-05-08 19:41
自從新 Nexus 7 出現之後,就一直被稱為「性價比之王」,在 $2,000 價位的平板中實在難找到對手(當然性價比高的還有 LG G Pad 8.3) ,官方定價 $2,398 起一早就係「只供參考」,場價唔需要 $2,000 就可以入手,最近甚至去到 $1,650 就有交易,比起官價平 $700 算不算一個划算的價錢?不過六月底就到 Google I/O ,下一代的 Nexus 平板會不會好快又出現呢?

最新低價!新 Nexus 7 $1,650 有交易你買唔買?
▲Nexus 7 一直都被網友稱為性價比高的平板,減價之後是否更值得入手呢?
 

新版 Nexus 7 場價 $1,650 有交易!下一代 Nexus 會在六月底出現嗎?

係 2013 年的 Nexus 7 推出之後,好多國牌的「山寨平板」都被比下去,原因係當 $2,000 內就可以入手一部 7 吋 1920 x 1200 解像度屏幕、 Qualcomm APQ8064 1AA 1.5GHz 四核心、 2GB RAM 的平板,國內的 A9 架構四核在效能方面實在比不上,加上 Nexus 系列點都叫做親生仔,有最快的 Google 更新,難免會成為場內搶手貨。版主還記得水貨 Nexus 7 剛引入香港的時侯,大家要挨抄價 $2,500 先買到,仍然有唔少網友下單。

咁而家 Nexus 7 場內賣幾多呢? 16GB Wi-Fi 版版主搵到最平「現金價」就係 $1,650 ~ $1,680 左右,店方說明是官方行貨,而 32GB 版本大約賣 $2,100 ,最貴的 32GB + 4G LTE 版本定價 $2,700~ $2,800 ,足足比起官方定價平 $700 ~ $800 ,現時在 $3,000 以下要買到一手的 4G LTE 7 吋平板選擇不多,另一個選擇是定價 $2,798 的 ASUS Fondpad 7 LTE,然而它只有 1280 x 800 解像度配合 Intel 雙核,在屏幕和效能方面就實在稍遜,然而可以外置插卡和打電話,入手哪部還是看要求而定吧。

講開又講,今年的 Google I/O 將會係 6 月 25 ~ 26 舉行,傳聞會有下一代手機 Nexus 6 ,又傳 HTC 會代工下一代的 8 吋 Nexus 平板,唔知有冇機會見到下一代的 10 吋 Nexus 呢?(版主還有點期待 Google 自家的手錶)可能去到 7 ~ 8 月又有一代新平板,大家會係呢個時侯趁平入手定係等埋新機出?留言講一下吧!

最新低價!新 Nexus 7 $1,650 有交易你買唔買?
▲新 Nexus 7 16GB (Wi-Fi)由 $1,650 ~ $1,680 左右就有交易,最貴的 4G LTE 版也減到 $2,700 的價位,旁邊的 Sasmung Galaxy Tab Pro 8.4 貴差不多 $1,000 就有更高解像度的屏幕和 S800 處理器,大家點揀?
 

新 Nexus 7 相關實測:

新 Nexus 7 屏幕、跑分、影相效能評測
新 Nexus 7 效能比拚 iPad Mini
新 Nexus 7 4G LTE 版到港! 版主火速開箱、試玩、跑分


在文章刊出的時侯,ASUS 新 Nexus 7 (Wi-Fi) 定價 $2,398,按此看最新賣價和詳細規格。
在文章刊出的時侯,ASUS 新 Nexus 7 (4G LTE) 定價 $3,598,按此看最新賣價和詳細規格。
在文章刊出的時侯,Google 新 Nexus 7 (Wi-Fi) 定價 $2,398,按此看最新賣價和詳細規格。
在文章刊出的時侯, Google 新 Nexus 7 (Wi-Fi) 定價 $3,598,按此看最新賣價和詳細規格。
發表於 2014-05-16 12:25
2 樓
請問在那個場有此底價?