唔揀「山寨平板」的最好選擇!大牌高清芒、 3G 通話平板跌價一千有找!

2015-04-08 19:48
呢幾年要買價平板,有唔少網友都去搵大陸牌既「山寨機」,而家玩到 Android + Windows 雙系統都係 $900 有找,不過版主身邊既朋友都擁有一兩部,都覺得造工有問題,最終都係揀番大廠產品。如果你話 $1,000 又有咩選擇?原來最近 3G 上網、高清芒、四核心既平板都係呢個價,大家又會唔會買呢?

唔揀「山寨平板」的最好選擇!大牌高清芒、 3G 通話平板跌價一千有找!
 

高清芒、 3G 通話平板減價一千有找!ASUS 、Acer 、Alcatel 都有份

唔知大家對 3G 通話平板要求高唔高,版主就覺得可以插張卡入去網上+打電話,又到用平板功能算係唔錯既選擇。係 2013 年底推出既 FonePad 7 其實已經減左好多,由當初既 $1,998 減到而家 $999 就買得到,呢部機採用 7 吋 800 x 1280 解像度屏幕、Intel Z2560 1.6GHz 雙核心處理器、 1GB RAM ,以現今來說不是很高的規格,不過因為佢有雙前置喇叭,所以音效方面算幾出色,相機方面係 500 萬像素主鏡頭配 120 萬像素前鏡頭,電池量都有 3950mAh ,問題就是 340g 不算太輕(以現今角度黎講啦)。

如果想要更新既款式,上年推出既 Acer Iconia Tab 7 都剛剛減到 $999 ,呢部機同樣係 7 吋 1280 x 800 解像度屏幕,不過處理器就用上 MTK MT8382 1.3GHz 四核心配 1GB RAM,內置 16GB 容量並可以外置插卡,呢部機既缺點係只有 3400mAh 既電量,但不到 300g 的重量是一個優點啊!

另外之前版主玩過既 3G 通話平板 Alcatel OneTouch Pop 8 都由 $1,599 減到 $999 ,雖然呢部機係有更大既 8 吋 1280 x 800 解像度屏幕,亦採用 MTK 6582 1.3GHz 四核心處理器、1GB RAM ,內置 4GB 容量不算多,但支援到外置插卡,相機方面是很入門的 200 萬像素主鏡頭與 30 萬像素前鏡頭,而電池是較大的 4100mAh 電量,也是另一個選擇啊!

順帶一提,如果肯比多少少就買到 ASUS Fonepad 7 LTE ,雖然都係 HD 芒、雙核心,不過就支援到 4G LTE 上網,價錢係 $1,280 ,網友們又點睇呢?參考下面既規格表,再留言講講吧!

唔揀「山寨平板」的最好選擇!大牌高清芒、 3G 通話平板跌價一千有找!