4G LTE 四核賣兩千頭!Samsung Galaxy Tab S 系列清貨再減 $700!

2015-05-05 18:11
有留意開 ePrice HK 既網友都應該知,版主經常報平板既腦場價,因為其實深水埗腦場賣平板就好似賣 NoteBook 咁永遠有個折扣,所以相對大鋪買會抵好多。不過其實都有例外,就係清果個陣啦!最近行場版主就見到 ASUS 既 4G LTE 平板賣  $2,200 ;而另一間就係「一折清貨」既連鎖店,平幾百咁清走 Samsung Galaxy Tab S ,兩個都係限定優惠,要入黎睇過先知道有冇衝動啊!

4G LTE 四核賣兩千頭!Samsung Galaxy Tab S 系列清貨再減 $700!
 

ASUS Memo Pad 8 LTE 平過場價賣 $2,200! Samsung Galaxy Tab S 清貨價平 $700

而家好多機都強調自己係 64bit ,不過要講比較早既 64bit 平板,應該要數 ASUS Memo Pad 8 ,當時版主試過它 Intel Z3580 1.8GHz 四核心處理器配 2GB RAM 的跑分接近 40,000 ,以 $3,000 不到的平板算是不錯,亦採用了 8 吋 1920 x 1200 高解像度屏幕 ,內置 16GB 容量並可以外置插卡,相機方面是 500 萬像素配 200 萬像素前鏡頭的組合、內置 4000mAh 電池。

初初推出時開價 $2,499 的定價比起 Nexus 7 、小米平板略為高一個價位,不過最近衛訊進行清貨優惠,如果是有 CityBank 信用卡的話 WiFi 版用 $1,698 可以入手, 4G LTE 版賣 $2,198 ,兩個價錢都比起場內價錢便宜啊!如果冇 CityBank 卡呢?都只不過比多 $40 ,換句話說是 $1,738 (Wi-Fi) 與 $2,238 (4G LTE) ,版主會比較睇好 4G LTE 版,始終因為 4G 平板選擇唔多
icon

而早幾日同大家報價既 Samsung Galaxy Tab S 系列,係深水埗的 Cam 2 亦有清貨特價:Samsung Galaxy Tab S 8.4 平 $700 賣 $2,098 ;而 Samsung Galaxy Tab S 10.1 亦平 $700 賣 $2,798 ,呢兩部平板都係主打 2560 x 1600 解像度的高清屏幕,採用自家 Exynos 5420 1.9GHz + 1.3GHz 雙四核心處理器配 3GB RAM,係高解像度配高效能既組合,而呢個價錢比起場內「全新行貨」價更加平,版主已經問過 Cam 2 既員工唔係陳列品,亦包一年保養,可惜既就係 4G LTE 冇清貨優惠。

順帶一提,版主知道衛訊的優惠雖然做到 6 月 30 日,但係未知貨量夠唔夠,聽講某幾間鋪貨量好少;而 Samsung Galaxy Tab S 優惠就只做到 Cam 2 搬鋪之前,想要既都要手快趁早啊!

4G LTE 四核賣兩千頭!Samsung Galaxy Tab S 系列清貨再減 $700!
▲現時場價 MeMo Pad 8 與 MeMo Pad 8 LTE 分別賣 $2,280 與 $2,680 ,仲貴過衛訊 $500 啊

4G LTE 四核賣兩千頭!Samsung Galaxy Tab S 系列清貨再減 $700!
▲在深水埗 Cam 2 清貨, Samsung Galaxy Tab S 10.1 與 Galaxy Tab 8.4 都比起官價平 $700 ,這個價平過上次我報果個,大家滿意了吧?

在文章發佈的時侯, Samsung Galaxy Tab S 8.4 (Wi-Fi) 官方定價 $2,798 ,按此看詳細規格和最新賣價。
在文章發佈的時侯, Samsung Galaxy Tab S 10.1 (Wi-Fi) 官方定價 $3,898 ,按此看詳細規格和最新賣價。
在文章發佈的時侯, ASUS Memo Pad 8 ME581C 官方定價 $2,499 ,按此看詳細規格和最新賣價。
在文章發佈的時侯, ASUS Memo Pad 8 LTE 官方定價 $2,999 ,按此看詳細規格和最新賣價。