4GB RAM 包鍵盤,ASUS 二合一平板 T100HA 四千有找!

2015-12-31 19:18
近年來,二合一變型平板電腦愈來愈流行,就如 Surface。事實上,所謂的二合一,其實咪就係多左個實體鍵盤,令你可以當平板又得,做筆電都得,多一種用法而已。但又估唔到,雖然係改少少,大眾又受呢套,之後就開始愈來愈多廠商有樣學樣。而到 2015 年最後一日,ASUS 再為 Transformer Book T100 系列增添新成員 - T100HA,配備業界領先的 USB 3.1 Type-C 連接埠,唔知又能唔能夠為你帶來驚喜呢?

4GB RAM 包鍵盤,ASUS 二合一平板 T100HA 四千有找!

Transformer Book T100 系列的新成員 T100HA,機身尺吋只有 265 x 175 x 8.4 mm,重量為 580g,配備 10.1 吋 LED 背光多點觸控 IPS 屏幕,解像度有 1280 x 800 pixel。以 10.1 吋屏幕的平板電腦來看,呢部 T100HA 都算做輕巧。而機身方面,T100HA 備有「清新藍」以及「亮麗紅」兩種日系的顏色,增添時尚的感覺。

4GB RAM 包鍵盤,ASUS 二合一平板 T100HA 四千有找!  4GB RAM 包鍵盤,ASUS 二合一平板 T100HA 四千有找!
▲ 有兩種日系顏色選擇,包括「清新藍」以及「亮麗紅」。

4GB RAM 包鍵盤,ASUS 二合一平板 T100HA 四千有找!
▲ 配備 10.1 吋 LED 背光多點觸控 IPS 屏幕。

規格配置方面,T100HA 配備了最新一代的 Intel Atom x5 - Z8500 處理器,內置 4GB LPDDR3 記憶體以及 64GB ROM,可支援最多 256GB 的記憶卡,以一部平板黎講,呢個配置已經領先唔少同級的變型平板電腦。相機方面,T100HA 採用了 500 萬像素主鏡頭以及 200 萬像素前置鏡頭,在攝影方面確實不能要求太多,畢竟佢只係一部平板電腦,市面上大部份的平板電腦都係差不多呢個相機配置。另外,T100HA 的續航能力達 12 小時,並將會預載 Windows 10 作業系統。

話明係二合一變型平板電腦,不得不提的是佢嘅專用鍵盤。佢嘅鍵盤擁有同級筆電中最大的觸控板,符合人體工學,鍵盤深度有 1.5mm,並採用了一體成形的無縫設計,理論上可以令打字更暢順。除左底座內置一個標準的 USB 3.0 插槽之外,平板本身亦具備 microUSB 以及 USB 3.1 (Gen 1) Type-C 插槽,可以正反雙插。

4GB RAM 包鍵盤,ASUS 二合一平板 T100HA 四千有找!

售價方面,呢部 ASUS Transformer T100HA 現已登陸香港,建議零售價為 HK $3998,隨機包埋鍵盤,仲送你一年 ASUS WebStorage 不限容量免費儲存空間,可以讓你將啲文件放上雲端,減低平板空間的使用量。如果呢個價錢包埋鍵盤,又有 4GB RAM、64GB ROM,個人覺得呢部平板都算諗得過。唔知你對呢部平板有無興趣呢?