Samsung Tab S2 開賣行機價即減, Galaxy Tab A 4G 版跌近六百

2015-08-07 12:58
最近平板的大新聞要數當然就係 Samsung 推出一代旗艦級的 Galaxy Tab S2 啦!以驚喜度來講雖然 Tab S2 可能略為失色,不過作為 Samsung 而家規格上最高的平板,相信有意入手的朋友都不會少嘅。近日 WiFi 版的 Tab S2 就率先開賣,不過係定價上可能唔少朋友都會嫌貴,好在以平價買機總會有辦法,一齊來睇睇。icon

Samsung Tab S2 開賣行機價即減, Galaxy Tab A 4G 版跌近六百
 

Samsung Tab S2 WiFi 版先開賣,上代 Tab S 大鋪唔減

Tab S2 上星期先係香港發佈,係今個星期就開賣,以速度來講算係相當快。以特色來講, Tab S2 主要改用左 Tab A 都用緊的 4:3 屏幕設計,而且係外型上用左金屬邊框機身同埋厚度都只係有 5.6mm ,可以話係相當之薄!不過係規格上,其實 Tab S2 又唔算話有好大的進步,可以話係小升級咁解。 8 吋以及 9.7 吋兩種型號都係用 2K 解像度的 Super AMOLED 芒,處理器方面就係三星 Exynos 5433 八核心配合 3GB RAM + 32GB ROM,並可使用最高 128GB 外置記憶卡。相機方面 Tab S2 有 F1.9 大光圈 800 萬像素主鏡頭,而電池就係 9.7 吋 5870mAh 同 8 吋 4000mAh 。可能因為 Tab S 系列的規格係目前來講都算係不錯的關係,係大鋪到仍然賣緊的上一代 Tab S 係價錢上仍然企硬,好在係先達場內有賣香港行貨的細鋪可以用個比較平的價錢買到!

Samsung Tab S2 開賣行機價即減, Galaxy Tab A 4G 版跌近六百
▲  Tab S2 登場,但未料到 Tab S 反而無減到。


Tab S2 先達場內行貨價最多平四百,深水埗 Tab A 4G 版減近六百!

以往版主多數會講深水埗高登黃金的場情,但係今次係旺角先達原來都有地方賣「香港行貨」的 Samsung 平板,價錢上比起大鋪都比較平。以 Tab S2 為例, 9.7 吋 WiFi 版定價都要 $3888 同埋 8 吋版要 $3088 。而先達細鋪的香港行貨價就只係 $3480 以及 $2780 。另一款有平的就係 Samsung 的 Tab A 的 LTE 版啦,推出左幾個月後 Tab A 係價錢上其實都減左幾百,深水埗黃金場價大約係 8 吋 LTE 版 $2400 同埋 9.7 吋 $2730 ,比起本來定價 $3298 同埋 $2898 平最多近六百蚊!最後,雖然話 Tab S2 已經慢慢開始賣街,但係呢部新機由 16:9 改左做 4:3 的比例看來都有不少網友覺得失望。大家如果考慮入手 Samsung 平板時又會揀新的 Tab S2 還是舊的 Tab S 呢?

Samsung Tab S2 開賣行機價即減, Galaxy Tab A 4G 版跌近六百
▲  先達場內有細鋪標明自己賣機有代理商以及中港聯保的貼紙,同埋 Tab S2 係價錢上都平大鋪幾百。

Samsung Tab S2 開賣行機價即減, Galaxy Tab A 4G 版跌近六百
▲  但如果講 Tab A 的話都係深水埗抵玩少少,當中以 9.7 吋版的 Tab A Plus 減最多。

文章發佈時候,三星 Galaxy Tab S2 9.7 WiFi 定價為港幣 3888 元起,詳細規格和開賣資訊請參考這裡
文章發佈時候,三星 Galaxy Tab S2 8.0 WiFi 定價為港幣 3088 元起,詳細規格和開賣資訊請參考這裡
文章發佈時候,三星 Galaxy Tab A 8.0 LTE 定價為港幣 2898 元起,詳細規格和開賣資訊請參考這裡
文章發佈時候,三星 Galaxy Tab A 9.7 LTE 定價為港幣 3298 元起,詳細規格和開賣資訊請參考這裡