比 iPad Pro 更值得入手?三星 Tab S2 Nexus 9 場價勁減

Lawrence 2015-11-12 20:36 | Samsung
近排最熱的平板新聞當然要數 iPad Pro 香港開賣啦,雖然係 11 月 11 號果日要到差不多晚上 6 點先開放預訂,不過勝在到貨夠快,相信有不少朋友已經玩到實機。不過,因為 iPad Pro 定位的問題,價錢方面好難算得上平。與此同時, Samsung 主力平板 Galaxy Tab S2 同埋親生仔 Nexus 9 係深水埗場內又再減價,會唔會比 iPad Pro 性價比更高?咁就要睇睇了。

//timgm.eprice.com.hk/hk/pad/img/2015-11/12/68152/lawrencelaw_1_4471_0f3eaea5994ac403990b077a6238fe24.jpg

4G 版 Samsung Galaxy Tab S2 場價更抵玩?

iPad Pro 呢部屏幕成 12.9 吋的巨型平板係定位上同一般 Android 平板不同,連 Tim Cook 都話有左 iPad Pro 就已經足以取代其他個人電腦 ,係 iPad Pro 發佈會上 Apple 亦大廢周章地強調其 A9X 處理器如何勝過主流 PC 。不過,從網友對於 iPad Pro 的反應看來,呢部 Apple 最新作未必能夠打動大家呢!

雖然係規格上同 iPad Pro 係無得比,但係 Samsung 旗艦級的平板 Galaxy Tab S2 而家係深水埗黃金場內價錢,對大家來講吸引力可能仲高。 Tab S2 可以分為 WiFi 版以及 4G 版,前者係開賣無耐已經於短時間內跌價,所以而家場價同之前比並唔算平左好多, 9.7 吋 WiFi 版本而家係 $3150 ,仲未跌穿三千。而 8 吋 WiFi 版本就係 $2480 ,同定價(也是現時的大鋪價)相比平左六百左右。

同 WiFi 版相比, Tab S2 4G 版場內賣價可能更加抵玩,定價要 $4888 的 9.7 吋 4G 版本現時場價為 $3950 ,平左差不多一千! 8 吋 4G 版 Tab S2 一樣平左八百蚊有多,原價 $4088 現時場價為 $3270 。

腦場平板減價!三星 Tab S2 減足六百 Nexus 9 最後清貨
▲ Samsung 平板同手機一樣,好多細鋪都唔會最新售價,大家要問一問先知。

入手 Nexus 9 又有無著數?

今年 Google 雖然一口氣推出左兩部 Nexus 手機 6P 同埋 5X ,不過就未有推出新平板,所以如果想揀「親生仔」平板就唯有揀返上年推出的 Nexus 9 了。雖然 Nexus 9 推出左已經一段時間,但勝在作為「親生仔」可以早其他平板一步用到 Android 6.0 。

之前版主都分享過好多次 Nexus 9 係深水埗清倉減價的消息,但睇來呢部平板真係清極都清唔曬,近日再到場內一睇,又有新低價!而家 16GB WiFi 版場價賣價係 $2198 ,32GB 版就貴四百賣 $2598 。同前排電腦節期間的賣價相比, 32GB 版 Nexus 9 其實無平到,而 16GB 版就平左 $200 左右。雖然價錢同之前相比唔算減左好多,但總好過無嘅(而且仍然比起 Google Store 便宜)。唔知大家又覺得今次減價的 Android 旗艦級平板算唔算抵玩過 iPad Pro 呢?一齊講講啦!

//timgm.eprice.com.hk/hk/pad/img/2015-11/12/68152/lawrencelaw_3_4471_c103d9834885c74d281d5eb6b92e7ad0.jpg
▲係未有新「親生仔」的情況下, Nexus 9 會唔會又重新納入大家考慮之列?

文章發佈時候,三星 Galaxy Tab S2 9.7 WiFi 賣價為港幣 3150 元起,詳細規格和開賣資訊請參考這裡
文章發佈時候,三星 Galaxy Tab S2 8.0 WiFi 賣價為港幣 2480 元起,詳細規格和開賣資訊請參考這裡
文章發佈時候,三星 Galaxy Tab S2 9.7 LTE 賣價為港幣 3950 元起,詳細規格和開賣資訊請參考這裡
文章發佈時候,三星 Galaxy Tab S2 8.0 LTE 賣價為港幣 3270 元起,詳細規格和開賣資訊請參考這裡
文章發佈時侯, Google Nexus 9 (Wi-Fi) 價錢由 $2,198 起,詳細規格和開賣資訊參考這裡。  

最新新聞