一次睇晒大鋪劈價平板!你揀 Tab S2、iPad、Z4 Tablet 定華為 X2?

2015-12-23 14:24
係年尾大鋪出奇不意地將全線手機劈價,連帶電訊商、細鋪等都要殺入一片紅海,用更吸引的賣價爭取消費者支持。係手機方面版主之前都提過唔少,大家應該都知道從甚麼途徑入手最著數,反而係平板方面就無點提過。咁係唔係代表平板唔抵玩呢?當然不是啦!今次版主就做個大鋪減價平板綜合,一篇文睇晒邊款平板抵玩,大家不能錯過啦!

一次睇晒大鋪劈價平板!你揀 Tab S2、iPad、Z4 Tablet 定華為 X2?
 


Samsung 平板大鋪全劈價, Tab S2 減最多!

講到 Android 平板,當然不得不提 Samsung ,話晒佢哋都係 Android 大牌子中推平板推得最落力了。以 15 年來計, Samsung 有 Tab A 同埋 Tab S2 兩款平板係香港出左,前者主打支援 S Pan 同支援中港 4G ,但係處理器就只得 Qualcomm APQ 8016 (即 S410),比起不少入門機都要差⋯⋯係價錢上,呢排大鋪就將 Tab A 減 $300 ( 8 吋 WiFi 版只減兩百)。價錢分別係 9.7 吋 4G 版 $2998 、 WiFi 版 $2398 , 8 吋 4G 版 $2598 、 WiFi 版 $2098。

Tab A 只可以話係入門平板款式,講到 Samsung 頭牌平板當然都係要提 Tab S2 ,在規格上 Tab S2 先可以稱得上旗艦,一來屏幕有 2K 解像度,而處理器都用返自家的 Exynos 5433 八核處理器, 4G 版一樣有中港 4G ,再加上用回 4:3 比例,仍然有一定吸引力。係價錢上, Tab S 本身定價都唔平,不論係 8 吋還是 9.7 吋,賣價都過四千,所以今次大鋪劈價上,減得較多的當然係 Tab S2 啦。以減價幅度來講,最多的就係 9.7 吋 LTE 版,由 $4888 即減 $700 賣 $4188 。而 9.7 吋 WiFi 以及 8 吋 LTE 版都係即減 $500 ,分別賣 $3388 以及 $3588 。 8 吋 WiFi 版就減得最少,由 $3088 減 $400 變 $2688。


一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ Galaxy Tab A -9.7 吋 $2998(4G)$2398(WiFi)、8 吋 $2598(4G) $2098(WiFi)

一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ Galaxy Tab S2 -9.7 吋 $4188(4G)$3188(WiFi)、8 吋 $3588(4G) $2688(WiFi)
 


iPad 衛訊全面減, Mini 3 不止兩百部?

有關 iPad 的減價之前都有提過,而家再重溫一下。雖然 iPad Mini 4 已經開賣左一段時間(係衛訊都減左一百),但係大鋪用力 Sale 嘅卻係上一代的 iPad Mini 3 。衛訊減價賣 iPad Mini 3 本來不是新鮮事,因為早係 10 月已經有「即減 10%」優惠。最近衛訊再加碼將 128GB 版本 iPad Mini 4G 版要做到「即減 $1500」,即係 $3588,比起之前的 8 折賣價 $4070 (LTE) 再平左大約五百。係呢到可以講多少少,大家有時會見到「限售 200 部」呢個字樣,但據講數量一定唔止呢個數啦。至於點解可以劈價劈得咁勁?主因都是來貨價平,而且做到基本上完全獨家賣,無對手啊!

同樣地係大鋪有減的仲有 iPad Air 2 ,其實 iPad Air 2 最早減價並非來自大鋪,而係來自 csl ,而且更加係減 $600 。相對之下,現時大鋪的減價就顯得有點弱了,衛訊現時將 WiFi 版的 iPad Air 2 三個版本都即減 $200 ,16GB 賣 $3688 、 64GB 賣 $4488 而 128GB 就係 $5288 。對比起 iPad Mini 3 的八折減價, iPad Air 2 吸引力無疑較細呢!

一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ 想不到,繼 Z5 Premium 後,另一部劈價最勁的竟會是 iPad Mini 3 。

一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ 跟 iPad Mini 3 同期推出,但 iPad Air 2 只係減到兩百。
 


華為 MediaPad X2 , Sony Z4 Tablet 減價後更吸引?

雖然 Samsung 同 Apple 算係主流平板用家的選擇,但係以今年來計,人氣可能係華為 7 吋通話平板 MediaPad X2 或者係 Sony Z4 Tablet 更高。華為 MeiaPad X2 在同類 7 吋平板中真係無乜對手(主要因為無乜新平板出),即使近月小米出左定價只係 999 人仔的小米平板,但問題係只有 WiFi 版而且行貨唔知幾時先有。對比之下 MediaPad X2 支援 4G 同埋語音通話就可以見到優勢了。價錢方面衛訊而家做緊即減 $500 ,賣價係 $2580 ,算係追上左現時深水埗賣價。

Sony Z4 Tablet 就可以話係今年 10 吋芒級別平板的代表啦!係 Apple 未有加推新 9.7 吋芒 iPad 的情況下, Z4 Tablet 主要競爭對手版主認為係佢哋自己同埋 Google 較早時間開賣的 Pixel C 。同樣有 10 吋以上屏幕的 Pixel C 係效能上相信比起 Z4 Tablet 會更出色,但主要問題係只有 WiFi 版本同埋不支援 SD 卡,而呢兩樣野都係 Z4 Tablet 所擁有的。另外,點解 Z4 Tablet 話佢哋主要的對手會係自己呢?因為定價會貴到令人卻步啊!!不過係百老匯 Z4 Tablet 都有減價,價錢落到 $4398 ,不過仲係今次提到的 Android 平板中最貴的一部呢⋯⋯

一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ 華為的 MediaPad X2 在衛訊賣價為 $2580 。

一次睇晒大鋪劈價平板!你揀 Tab S2、iPad、Z4 Tablet 定華為 X2?
▲ Sony Xperia Z4 Tablet 賣價為 $4398 ,連鍵盤價錢為 $5998 。
 


【以下是今次大鋪減價後的價錢】

文章發佈時候,三星 Galaxy Tab A 9.7 LTE 賣價為港幣 2998 元,詳細規格和開賣資訊請參考這裡
文章發佈時候,三星 Galaxy Tab A 8.0 LTE 賣價為港幣 2598 元,詳細規格和開賣資訊請參考這裡
文章發佈時候,三星 Galaxy Tab A 9.7 WiFi 賣價為港幣 2398 元,詳細規格和開賣資訊請參考這裡
文章發佈時候,三星 Galaxy Tab A 8.0 WiFi 賣價為港幣 2098 元,詳細規格和開賣資訊請參考這裡
文章發佈時候,三星 Galaxy Tab S2 9.7 LTE 賣價為港幣 4188 元,詳細規格和開賣資訊請參考這裡
文章發佈時候,三星 Galaxy Tab S2 8.0 LTE 賣價為港幣 3588 元,詳細規格和開賣資訊請參考這裡
文章發佈時候,三星 Galaxy Tab S2 9.7 WiFi 賣價為港幣 3188 元,詳細規格和開賣資訊請參考這裡
文章發佈時候,三星 Galaxy Tab S2 8.0 WiFi 賣價為港幣 2688 元,詳細規格和開賣資訊請參考這裡
文章發佈時候, Sony Z3 Tablet Compact 賣價為 $3398 ,按此看平板詳細規格及最新賣價
文章發佈時候, Sony Xperia Z4 Tablet 賣價為 $4398 ,按此看平板詳細規格及最新賣價。
文章發佈時候,華為 MediaPad X2 賣價為港幣 $2580,按此看詳細規格及最新賣價。