日韓 7 吋平板大比拼!你揀平價千元機定超窄邊框 4G 通話旗艦?

2016-05-13 21:01
好耐都無講過 Android 平板減價消息,因為呢大半年來實在係靜得可憐。係 Asus 暫時退出香港市場、 Sony 可能結束平板業務之後,以大廠牌來計只有 Samsung 仍然有新作推出。幸好,近日有一部日系超窄邊框而且用上 Qualcomm S810 處理器的平板場價都跌左唔少,算係為消費者帶來更多選擇,想知有幾抵就要胏下文啦!

日韓 7 吋平板大比拼!你揀平價千元機定超窄邊框 4G 通話旗艦?
 

Samsung Tab A 10(2016)未到, 7 吋版先有減

有留意平板的朋友都知道, Galaxy Tab A 系列一樣係主攻入門平價市場,規格並不算特別出色,但勝在有獨特的賣點。好似  Samsung Galaxy Tab A 8.0 LTE 以及 Samsung Galaxy Tab A 9.7 LTE 都係支援中港 4G 全網通,而且更支援 S Pen,所以即使規格「弱雞」少少,都仲算係頗受歡迎。

但最新一代的 Samsung Tab A (2016) 7 吋版本,某程度上係個規格大倒退。只得 WiFi 版之餘,規格仍然停留係 1280 x 800 屏幕解像度。處理器都只係得 Qualcomm S410 再加 1.5GB RAM 同 8GB 內置容量,即使支援最大 200GB Micro SD 卡,但實際可用記憶體得返 4.3 GB 恐怕無乜人接受到。相機主鏡頭只有 500 萬像素、前鏡有 200 萬像素都係意料之內,電池係 4000mAh 都唔算係大問題。最慘係 Tab A (2016) 7 吋版是不支援 S Pen 的,兩個大賣點在新一代齊齊唔見晒,實在驚人。

雖然係規格、賣點上乏善足陳,但 Tab A (2016) 7 吋版作為 Samsung 出品,係大鋪方面雖然都有減價,但又唔算好多。只係由原價 $1698 「即減 $100」變為 $1598,呢個價錢同深水埗而家細鋪賣價都相當接近,所以是否值得入手,都係一個問題。

日韓 7 吋平板大比拼!你揀平價千元機定超窄邊框 4G 通話旗艦?
▲ 面對 Samsung Tab A (2016) 7 吋版,個人覺得真係有種新不如舊的感覺呢!


Sharp SH05G 再抵港!最型 7 吋通話平板?

再來講下日系平板,今次要講的 Sharp SH05G 其實不是新產品。而且早係 2015 年 9 月已經到香港開賣過,不過當時定價相當高,而且貨源短缺,所以好快就已經無貨。近日有細鋪再度引入呢近收到 4G、可以打出打入,而且有窄邊框的 SH05G。係規格上 SH05G 其實算係唔錯,有 7 吋 FHD 芒、處理器是 Qualcomm S810 配 2GB RAM 以及 32GB 內置容量,相機就係 800 萬像素主鏡頭配 210 萬像素前鏡頭。電池容量就係 3900mAh 。價錢方面,過左大半年,售價當然有回落,而家要價 $4180,唔知大家又點睇呢?留言講講吧!

日韓 7 吋平板大比拼!你揀平價千元機定超窄邊框 4G 通話旗艦?
▲窄邊框可以話係成部機的最大賣點,好小可見有平板類別產品有咁細部呢!

日韓 7 吋平板大比拼!你揀平價千元機定超窄邊框 4G 通話旗艦?
▲ SH 05G 其實可以話係「日系 MediaPad X2」,可以用到 4G 之餘亦可打出打入。
 
發表於 2016-05-30 00:16
2 樓
p8max仲好