千八蚊玩 S Pen! 實測三星 2019 Galaxy Tab A LTE 通話平板

2019-05-11 15:59
文章分享
眾所周知,Android 平板一直都係靠三星時不時出翻部黎撐場,即使有大陸國產平板的加入,但感覺上值得入手的選擇少之又少。 但最近發現一部「靜悄悄」賣街的新機,呢部無「鋪天蓋地宣傳」的三星平板,賣點係擁有 LTE 通話功能,而且最平 1888 元有 S Pen 加持! 試玩過後 me 對此機係大為讚賞、獲得高度評價。 究竟連本 YK 都大讚的平板有乜咁厲害?

千八蚊玩 S Pen! 實測三星 2019 Galaxy Tab A LTE 通話平板

機身外觀一覽
相對同期出道的大師兄三星 Galaxy Tab S5e,呢部正式官方名叫「Galaxy Tab A with S Pen」(下稱 Tab A 2019)的師弟,性能唔夠師兄打,RAM / ROM 容量、電量都唔夠師兄多;但 Tab A 2019 勝在規格夠用、價錢又平一大截,而且獲得 S Pen 加持,上手玩過更體會到細節位毫不馬虎,所以我都忍不住要問版主借機詳細體驗體驗! 而我手上的正是 Galaxy Tab A with S Pen LTE 版(另有 WiFi 版本)。

千八蚊玩 S Pen! 實測三星 2019 Galaxy Tab A LTE 通話平板
▲ Tab A 2019 屏幕用上非 AMOLED 的 8 吋 TFT 1920 X 1200 屏幕,呢點絕對引 me 入勝;官方描述的「日光下鮮明、低光下柔和」,後半句絕對同意。

千八蚊玩 S Pen! 實測三星 2019 Galaxy Tab A LTE 通話平板
▲ 叫得做通話平板,梗係可以直接打電話啦! Tab A 2019 完全唔需要用外放喇叭咁尷尬,亦唔需要插住耳機咁複雜,聽筒放在耳邊就搞掂。 呢種先叫做通話平板囉;隔離仲有一個 500 萬像素的自拍鏡頭,但使用率應該係「零」~

千八蚊玩 S Pen! 實測三星 2019 Galaxy Tab A LTE 通話平板
▲ 灰黑色背殼的塗層具備防滑作用,而且磨砂觸感亦減低油污、指紋等積聚;塑膠外殼卻有如此舒服的質感,爽!

千八蚊玩 S Pen! 實測三星 2019 Galaxy Tab A LTE 通話平板
▲ 平板電腦的主鏡頭達 800 萬像素,最緊要係有自動對焦; 足夠支持文件、卡片掃描等商務用途。

千八蚊玩 S Pen! 實測三星 2019 Galaxy Tab A LTE 通話平板
▲ 機身右側是電源鍵和音量鍵,鍵感實在、反饋清晰。

千八蚊玩 S Pen! 實測三星 2019 Galaxy Tab A LTE 通話平板
▲ 注意 Tab A 2019 支持一張 SIM + 一張 microSD 卡(最高支持 512GB 容量),並非三選二卡槽設計。

千八蚊玩 S Pen! 實測三星 2019 Galaxy Tab A LTE 通話平板
▲ 機身頂部保留了 3.5mm 耳機孔,以及一個收音孔;要留意 Tab A 2019 插入耳機後,係支持 Dolby Atmos 以及 UHQA 超高音質,大幅度提升聲音立體感,而高中低音的分析力會更明顯。

千八蚊玩 S Pen! 實測三星 2019 Galaxy Tab A LTE 通話平板
▲ 底部有外放喇叭、收音孔、Type-C 接口,以及 S Pen 啊;外放單喇叭音質一般,但大聲唔拆都算係咁,但提醒翻平板出街,顧及別人都係用耳機喇。

千八蚊玩 S Pen! 實測三星 2019 Galaxy Tab A LTE 通話平板
▲ 我最喜歡呢個 S Pen 還原基本部,無藍牙、無充電、一啪出黎就用得;而 Wacom 的書寫觸感絕對有保證;官方更聲稱支 S Pen 有 IP68 認證...... Why 唔係部平板有 IP68 呢?


入門規格夠用
好多網友最愛睇規格做人,呢部 Tab A 2019 處理器用上三星自家「 2 大 + 6 細」核心 Exynos 7885,配合 3GB RAM + 32GB ROM,配備 4200mAh 電容量。 有網友聽到肯定會大叫:呢個年代 4 + 64 方案都嫌少啦,最好有 8 + 128、處理器行埋 S855、電量 10000mAh 就最好喇~ 我估三星有能力造出黎,但肯定唔係賣兩千蚊。

千八蚊玩 S Pen! 實測三星 2019 Galaxy Tab A LTE 通話平板
▲ 我手上借測的 Tab A 2019 運行 Android 9,配合三星最新的 OneUI 1.0 版。

千八蚊玩 S Pen! 實測三星 2019 Galaxy Tab A LTE 通話平板
▲ 先跑個安兔兔,得到 97611 分,比高通 S636 普遍成績稍低。

千八蚊玩 S Pen! 實測三星 2019 Galaxy Tab A LTE 通話平板
▲ 跑埋 Androbench 測試,讀寫速度沒有太大驚喜;連續讀寫:298MB/s | 101MB/s;隨機讀寫:50MB/s | 12MB/s。 

千八蚊玩 S Pen! 實測三星 2019 Galaxy Tab A LTE 通話平板 千八蚊玩 S Pen! 實測三星 2019 Galaxy Tab A LTE 通話平板
▲ Geekbench 續航測試的結果是 4940 分;整個測試平穩完成 100% 工作,耗時八個幾小時。(注意:測試中沒有點選 Screen Dim,因為點選後屏幕就全黑,無法進行測試。所以手動調屏幕亮度至最暗)


獨有功能試玩
三星過往亦推出過幾代 Tab A 平板,以 Tab A 2019 最為吸引,S Pen 書寫的流暢度歷代最佳,屏幕顯示效果亦相當透徹。 配合三星獨有的功能包括 S Pen,Tab A 2019 有能力成為流動生產力工具之選。

千八蚊玩 S Pen! 實測三星 2019 Galaxy Tab A LTE 通話平板千八蚊玩 S Pen! 實測三星 2019 Galaxy Tab A LTE 通話平板
▲ 各項聲效功能包括 UHQA 亦內建於 Tab A 2019 中,用 3.5mm 插頭駁到外置喇叭,聲音效果顯著提升。

千八蚊玩 S Pen! 實測三星 2019 Galaxy Tab A LTE 通話平板
▲ 跟三星旗艦手機 Note 9、平板 Tab S4 一樣,揸筆一 Click 就可以開啟快捷按鈕,筆錄各項資料。

千八蚊玩 S Pen! 實測三星 2019 Galaxy Tab A LTE 通話平板
▲ 除了書寫記錄外,用 S Pen 建立手寫筆記亦可以經過文字識別轉化為電腦字。


▲ 呢個功能適合打字唔快,或者喜歡書寫筆記的朋友。


結論:低價位之選
作為一部入門級平板,三星 Tab A 2019 的硬件性能對比市面上同價位的大陸平板有所輸蝕。但或許得益於 OneUI 的出現,本 YK 在整個試用的過程都覺得速度沒有不滿、功能更是大大加分。 使用體會是:Tab A 2019 能滿足一般商務人士的基本工作和影視娛樂,例如處理電郵、閱覽資料、睇串流比賽和聽音樂等,對續航也沒有產生太大壓力。

初時落去大鋪發現 Tab A 2019,覺得造工不錯、又是罕見的 8 吋 LTE 通話平板,玩兩玩流暢度又 OK。 再望下個牌寫住「定價 2488 元」,嗯,呢個價錢有其吸引之處。點知個職員行出黎話「WiFi 版 1888 元」,我差少少就 hold 唔住張信用卡,要買部翻屋企做孝子。而且 325g 輕巧的身軀更令人愛不惜手,揸完又揸。配合 S Pen 的各種實用功能,Tab A 2019 可以稱得上是可靠的出行伴侶。


Galaxy Tab A with S Pen (LTE) 頻段支持:
2G GSMGSM850, GSM900, DCS1800, PCS1900
3G WCDMAB1(2100), B2(1900), B4(AWS), B5(850), B8(900)
4G FDD LTEB1(2100), B2(1900), B3(1800), B4(AWS), B5(850), B7(2600), B8(900), B12(700), B17(700), B20(800), B28(700), B66(AWS-3)
4G TDD LTEB38(2600), B40(2300), B41(2500)

有關 ePrice.HK 手機、平板評測嘅 Benchmark 跑分採用嘅方法及解讀,請 Click 呢到
文章分享
您可能也喜歡▼