唔睇就走寶的旗艦:Samsung Galaxy Tab S7 平板筆電評測

YKer 2020-09-05 09:49 | Samsung
劈頭第一句就要話比大家知,今年三星推出的 Galaxy Tab S7 平板電腦係獲得本 YK 史無前例地極高評價的產品。 你無睇錯,我講緊係 Tab S7 而並非 Tab S7+ 啊! 明明後面有個 Plus 字按道理應該更好更厲害,但我可以話比大家聽 Tab S7 呢個被嚴重忽略的滄海遺珠先係寶! 廢話少講直接睇下面的評測分享!

fb.jpg

實機到手
我都明白不論係三星還是消費者,心裡總係覺得有個 Plus 字就係好,而見到鋪天蓋地的廣告宣傳一律都係以 Galaxy Tab S7+ 為重心,身為老二的 Tab S7 非常可愛,可憐無人愛呀! 而版主都千辛萬苦,歷盡艱辛咁攞到呢部老二機比本 YK 試玩。所以係無箱可開,只有機身本體以及必備配件。

DSC00994.JPG
▲ 到手的有機身本體,鍵盤, S Pen 以及書本式磁力蓋。

DSC01057.JPG
▲ 呢部 Tab S7 11 吋屏幕係支持 120Hz 刷新率,屏幕比例係常見的筆電 16:10 比例,擁有 2560 X 1600 解像度,DCI-P3 色域和 SGS 低藍光認證。 最正係乜? 你都估到我想講乜,佢係 LCD、LCD、LCD 呀! 剩係呢個賣點已經秒殺佢大佬 Tab S7+ 啦!

DSC01027.JPG
▲ 金屬霧光黑低調的作風,可以見到機背左右各有兩行天線塗層,磨砂手感一流;一條黑色大 BAR 係磁吸 S Pen 的位置。

DSC01049.JPG
▲ 值得稱讚係 Tab S7 都加入超廣角鏡頭,好多時候拍攝文件都係近距離咁影,廣角鏡頭就可以發揮功用; 分別係 1300萬像素 f/2 鏡頭,以及 500 萬像素 f/2.2 超廣角鏡頭,亦支持 4K 30fps 影片攝錄功能。

DSC01048.JPG
▲ 機身頂部有音量鍵盤及整合指紋識別功能的電源鍵,值得注意係個電源鍵設計非常好,係平整無凸出,咁就唔怕放入袋會唔小心 hi 到著芒。

DSC01045.JPG
▲ 而 Tab S7 支持 microSD 卡擴充,呢部亦係 LTE 版,支持插入 nanoSIM 獲得打電話和數據上網的能力。 

DSC01053.JPG
▲ 機身左右兩側係四個獨立 AKG 調教的喇叭,支持 Dolby Atmos 音效技術,亦自然有 USB-C 接口。   

DSC01040.JPG
▲ 機身另一側就有一個收音孔,以及餘下兩個大喇叭; 大哥 S7+ 係嚇死人的 5.7 毫米的薄度,二老 S7 厚度係 6.3 毫米,但上手感覺一樣係太薄,薄到有點可怕;淨機身重量 LTE 版係 500g。

DSC01054.JPG
▲ 機身底部自然有磁吸鍵盤接口,以及左右兩個輔助扣。


組合配件一覽
雖然配件係另外要買,但本 YK 強烈建議必須集齊鍵盤 + 書本式磁力蓋 + S Pen + 本體,呢個四合一的方案配合 Samsung DeX 先係完全體! 使用體驗話比大家聽,其實 Tab S7 係一部行 Android 系統的筆記本電腦,實際使用上足以成為日常的流動文書娛樂機!

DSC01003.JPG
▲ 五列鍵盤,配備一個八達通卡面積大小的多點觸控的板,支持手勢操作。 

DSC01004.JPG
▲ 鍵盤配件擁有皮質感的背部,個人就其實唔太喜歡呢種高質感,有無得選擇耐用耐髒的膠殼?

DSC01005.JPG
▲ 書本式磁力背蓋具備防滑面。

DSC01006.JPG
▲ 提供凸出的筆槽以供放置 S Pen 於機身背部時完全套住。

DSC01009.JPG
▲ 呢個磁力背蓋其實都係一個支架,擁有無段式角度調整的可動性。


規格性能測試
其實呢個部分真係無乜意思,皆因Tab S7 同大哥 S7+ 一樣都係用上旗艦級配置:手上的 LTE 版用上 7nm 的 S865 plus 八核心處理器,8GB RAM 配 256GB ROM,再加埋 8000mAh 電量,絕對係移動怪獸。 下面我循例都要做下測試比大家睇睇,但結果當然係旗艦料。

Screenshot_20200902-223610_Software update.jpg
▲ 準備做性能測試時候就出現更新? 好,就等我更埋佢。

Screenshot_20200903-160623_AppLinker.jpg
▲ 個鍵盤都有得更新? 好,更埋佢。

Screenshot_20200903-085030_AnTuTu Benchmark.jpg
▲ 安兔兔測試接近 58 萬分, 畢竟 S865 Plus 已經市場上的旗艦處理器。

Screenshot_20200903-085333.jpg
▲ 而 Androbench 測試中,睇連續讀寫無乜意義,隨機讀取和隨機寫入速度都破 200MB/s,快過你屋企部陳年電腦啊!

Screenshot_20200903-102010_GFXBench.jpg
▲ 跑 1440 級的 GPU 測試結果比較漂,從 36fps - 55fps 都有,但跳落去 1080 級就破晒 60fps 順到無朋友;你都無幾多遊戲會係跑原生 1440 級畫質啦,玩 PUBG 攞命黎搏咩,何況仲要係平板電腦 ~

Screenshot_20200904-121313_Geekbench 4.jpg
▲ 擁有 8000mAh 電量對比大哥叫做少,但係咪續航力就差呢? 答案話你知,續航得分破萬 10860 分。 

Screenshot_20200904-121331_Geekbench 4.jpg Screenshot_20200904-121343_Geekbench 4.jpg
▲ 整個測試中 Tab S7 都無偷雞跑足 100% WORK,耗電情況亦相當穩定,馬不停蹄咁跑左我 18 小時;得分超越我部手機一倍,就咁睇幾日一充無難度。


使用體驗
一部可以令到本 YK 大力暫時和推薦的 Tab S7 平板電腦,其實唔係平板電腦咁簡單,旗艦性能我都費事講,所以上面都係隨意比大家望下就算,更重要係各種實用不花巧的功能,以及設計細節符合人類的使用習慣。 下面我會逐個分享使用一段時間的體驗係點:

DSC00973.JPG
▲ 基本上我路都係用呢組合出街,有時候拆走個鍵盤就咁用 S Pen 平板;全部配件大合體的重量都係 910 克咋,相當輕便。 

DSC00976.JPG
▲ 大家都知道鍵盤絕對係戰士的命根,好用的鍵盤係戰場的利器;Tab S7 的鍵盤體積雖然比老大哥 S7+ 細(因為屏幕大小細的關係),但打落去手感係出乎意料地好。 

DSC00978.JPG
▲ 本人手掌可以單手揸籃球,但用上 Tab S7 鍵盤打字大約用了 5 分鐘就完全適應無難度;而且觸控板用盡上下空間,按壓感實在,順滑之餘又支持手勢操作,確實係爽。 

DSC00977.JPG
▲ 鍵帽面積亦唔細,但五列設計自然要犧牲 Function 列,整合落去數字列,而包括 Backspace 功能亦會以 Fn 組合鍵方式出現;最初幾分鐘唔習慣,之後都無晒問題,最重要係手感爽。

DSC00981.JPG
▲ 呢個鍵盤當然有缺點啦,好地地個 Esc 竟然要用 Fn 組合黎實現。三星呀三星,你唔係第一日知道 Android 系統的精華係在於 Back Button 呢個設計嗎? 其他機我一路喪 CLICK 個 Esc 按鈕就可以係咁返回,但係 Tab S7 鍵盤上就唔爽了,呢個亦係唯一令我感到遺憾的設計。  

DSC00982.JPG
▲ 至於卡扣就可以放心,相當穩固無搖晃的情況。

 DSC01067.JPG
▲ 磁力扣係相當可靠,靜止揸住鍵盤都可以 HOLD 得住機身; 唔知應該話磁力強還是機身輕,或者 WHY NOT BOTH?

DSC00987.JPGDSC00988.JPG
DSC00989.JPGDSC00990.JPG
▲ 書本式背蓋其實都係支架,角度隨你調整,最大支持 165 度,咩話? 有無得放平? 如果要平放,直接收埋個支架即可。

DSC00991.JPG
▲ 而 S Pen 呢種收納方式其實都好方便,顧及到隨要攞筆出黎,但又要隨時充電,放後面就最理想。 

DSC00992.JPG
▲ 而且背蓋本身就係筆盒,要用時候先打開。 


DeX 先係重點
三星開發 DeX 模式開頭都只係普通的小改界面,到了後期越來趨成熟,而 Tab S7 上的 DeX 已經令我覺得有 Chromebook 的感覺,簡潔輕巧,重點係支持多視窗重疊,方便文書工作的場景。

Screenshot_20200905-090404_Samsung DeX home.jpg
▲ 呢個係 DeX 模式下的 Tab S7,真係成部 Chromebook 咁的界面。

Screenshot_20200905-132434_Samsung DeX home.jpg
▲ 需要留意係,部分功能會係 DeX 裡面消失,但基本的 Office 應用、上網、睇 AV 等就無縫對接; 只需要係鍵盤 / 通知欄下輕鬆一按就直接進入 DeX 模式。

Screenshot_20200905-090319_My Files.jpg
▲ 但其實絕大部分 App 要 DeX 唔 DeX 都無太大分別,例如檔案總管咁。

Screenshot_20200905-090342_My Files.jpg
▲ 呢個計劃就係 DeX 模式下的檔案總管,你會見到顯示比例上係細左,同一個版面下睇得更多內容。

Screenshot_20200905-133459_Voice Recorder.jpg
▲ 唔知係咪軟件問題,DeX 下部分 App 功能會限制左,例如錄音機;廣東話語音轉文字的功能在 DeX 模式係無。

Screenshot_20200905-133548_Voice Recorder.jpg
▲ 單純識別廣東話係相當準確,但如果涉及中英混合的錄音就會出事。

Screenshot_20200905-132643_Calculator.jpg
▲ 好似上面咁的 DeX 模式,開多幾個視窗都毫無難度,計數機、電話、寫文,同一時間用各種工具,本 YK 的流動辦公就係要呢種; 而且配合 S Pen 直接批改 OneDrive 上的 PDF 文件,亦都係另一個一路已有的功能,加大晒本人的生產力。  

Screenshot_20200905-090100_Settings.jpg
▲ 如果你有買 USB-C Dock 的話,作為旗艦型號的 Tab S7 當然可以插 RJ-45 進行有線上網。


結論
本 YK 經常同網友講,識貨一定係買 LCD 機,今次三星做到了,而且唔係降級將就下咁出一部老二 Tab S7 平板,而係一個比佢大佬仲要好的移動工作娛樂方案。 最便攜的 11 吋筆電好早就已經消失係市場,部部機都變到大一大,真係有錢都唔一定買到好機。三星 Galaxy S7 的出現係一個救星,成個 Package 出晒黎。

我對移動辦公工具的要求好簡單:輕巧細部,鍵盤手感必須好打,而且一定要有 OTG 擴充功能,等我可以插 USB 手指 / 硬碟等,有埋個 PEN 方便備註就大大加分。 叫得做流動就一定要電量夠多,長時間工作就一定要部唔閃的 LCD 芒,頂你部 S7 仲有埋低藍光認證。

有網友夠膽走黎問我 Tab S7 同 iPad Pro 邊個好,佢平時肯定發緊夢,如果要係 Android 同 iOS 二選一,唔使問阿貴啦係咪呀?  一個多 App 又多不同自訂玩法,一個自閉系統斷網變磚頭,咪玩啦,移動辦公? 望埋個 V2Ray 平台 Android 有幾多玩法你就知道。 如果錢對你黎講唔係負擔,今次呢部 Galaxy Tab S7 絕對係值得你 All in 的選擇。
 

相關產品 (1)

相關報導 (1)

唔睇就走寶的旗艦:Samsung Galaxy Tab S7 平板筆電評測

唔睇就走寶的旗艦:Samsung Galaxy Tab S7 平板筆電評測

劈頭第一句就要話比大家知,今年三星推出的GalaxyTabS7平板電腦係獲得本YK史無前例地極高評價的產品。你無睇錯,我講緊係TabS7而並非TabS7+啊!明明後面有個Plus字按道理應該更好更厲害,但我可以話比大家聽TabS7呢個被嚴重忽略的滄海遺珠先係寶!廢話少講直接睇下面的評測分享!

YKer | 2020-09-21

最新新聞