插卡換電 + 防水防撞 + 通話有筆:三星 Galaxy Tab Active 3 平板試玩實測!

2020-11-05 15:35
插卡換電 + 防水防撞 + 通話有筆:三星 Galaxy Tab Active 3 平板試玩實測!

見到個標題已經 J 出血! 早幾個星期版主坤哥爆料話三星 Galaxy Tab Active 3 平板電腦正式係香港賣街,價錢爲港幣 3888 元,好多網友未睇晒就已經嫌貴,但睇真少少係平又抵玩至真呀!我 CHECK 完個規格表後立刻向版主借入呢款年度「稀有種」產品,同大家黎一篇試玩實測分享文! 

外觀一覽
所有 Patreon 網友好早就知道我會試玩呢部平板,而你地所提出的問題,我會將答案全數加到本文當中比大家參考。其實過往三星都有出 Active 系列,一般都擁有粗獷外表、防水防塵防撞等高品質設計特性,但香港總係無得買,一般係美國限定。呢次三星引進三防 Galaxy Tab Active 3 可以話係值得大讚,而且係讚爆果隻。 WHY? 大佬呀,你係市場上搵一部平板電腦對手黎睇睇? 無呀 X 你! 可以插卡、換電、防水、防撞,支持 LTE 通話之餘,更加有埋三星 S Pen 呀! 黐線,呢部機已經成爲本 YK 出門必備的愛機了。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 登登 ~ 今次無箱可開,直接就獲得機身本體,機身顏色只有沉穩的黑色。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 機背兩邊已經見到兩條增強抓握感的凹凸槽,相當硬朗的外型設計。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 講明係三防平板,機身本體通過最高 1.2 米跌落測試;同時亦符合美國 MIL-STD-810H 軍用級標準,論堅固可靠度目前睇完勝市面上其他平板產品。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 大光圈 f/1.9 1300 萬像素主鏡頭,支持自動對焦,足夠日常記錄文字之用;但呢個鏡頭出乎意料地支持 4K 30fps 錄影。。。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 點解機背邊框附近好似有個「卡槽位」? 咁都做到防水防塵咁厲害?

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 唔係呀,睇落似「卡槽位」,但實際上是比你打開背殼! 唔好忘記呢部軍規平板係可以換電! 而且我實測過,你可以拆走粒電池接上充電器依然開到、用到部機,完全唔怕 N 年後電池老化的問題。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 好多人話插卡換電做唔到 IP68 防水,三星話可以做到! 背蓋設有防水膠條就解決到問題;但需要注意係呢類膠條經過日晒高溫和時間洗禮後,塑膠會否快速變硬而導致防水性能失效就暫時無人知。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 擁有 5050mAh 電量不算大,但勝在可以換電嘛。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 機身右側是快捷鍵、電源鍵、音量鍵;橙紅色果個唔係電源鍵,係可自訂快捷鍵黎,本 YK 一開始都成日搞錯。 

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 機身側面紅色的多功能鍵係可以自訂開啓任何程式,包括長按和短按兩種觸發方式。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 電源鍵亦支持自訂功能,自由度相當高。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 機身左側是多功能金屬觸點,以及卡槽;我問過三星方面,暫時未有「金屬觸點相關」特色配件可供零售,例如充電線等,企業銷售先可能會有。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 卡槽分別是 nanoSIM 及 microSD 卡,最高支持 1TB 擴充容量;注意卡槽蓋邊沿都有防水膠,插穩卡槽蓋先發揮到 IP68 的實力。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 機身底部有喇叭、3.5mm 耳機、USB-C 3.1 Gen 1 接口和收音孔(係呀,呢部機可以打電話)。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 終於黎到機身正面,邊框相當粗;粗背後的含義係軍規級,自然有一定的堅固可靠度;擁有一塊 8 吋全高清 LCD 屏幕,護眼不刺眼、耐用無燒印,值得稱讚!

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 頂部有內放聽筒和 500 萬像素前鏡頭。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 正面底部見到久違的實體三天王,分別是多工鍵、主頁鍵、返回鍵; 而主頁鍵同時係指紋識別器,實際體驗解鎖速度非常快,輕輕一摸立刻解鎖。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 值得留意係 Tab Active 3 除了支持 S Pen 外,其實亦支持 Samsung DeX 功能,包括 DeX Dual 模式,將你部機的工作內容射落電視度,又或者開影分身同時進行多重工作,正!

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 留意,S Pen 和保護殼係隨機附送,不需要另外再比錢買;三星呢次送的套係超高質,高質程度超越晒我所見過的任何套;而戴左套之後最高跌落測試就變成 1.5 米高,黐線。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 個套上面仲會刻埋 NFC 位置,怕你戴套後唔記得左要啪邊個位置,相當貼心。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 連支 S Pen 都具備 IP68 級別,而且擁有一定粗的筆身,可以話係目前最好揸手的 S Pen 黎。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 點解話戴套好重要呢? 因爲咁粗的 S Pen 無辦法放入機體內,只能放係套的頂部,已經預留了一個筆槽安放。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 放落去之後就係好似圖片咁。 你睇,我呢支野係咪好粗呢? 

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 套上的按鈕位係完美開模,戴套後的按鍵感依然相當好;但留意個厚度係增加不少。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 呢個係無套的機體,實測本體重量接近 430 克。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 呢個係戴左套之後的情況;有  Patreon 網友問到底部野係咪好重,我幫佢過磅:加套加筆後的 Tab Active 3 體重達到 515 克; 比個參考資料你,Galaxy Tab S7 LTE 版擁有 11 吋屏幕重量都只係 500 克,但重量換來軍規質素、防水換電是否值得就要問你自己了。


性能測試
睇完上面的分享,相信大家都對 Tab Active 3 堅固可靠的外觀設計無野好講,咁內在硬件又如何呢? Samsung Galaxy Tab Active 3 採用自家 Exynos 9810 八核心處理器,配備 4GB RAM 和 64GB ROM,運行 Android 10 系統。 以下做了幾個性能測試比大家參考下:

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 首先睇系統軟件版本,出廠已經運行 Android 10 系統,Knox 版本亦採用 3.6 版。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 而有 Patreon 網友問到的安全性修補程式級別,出廠已經係 2020 年 9 月 1 日的更新包。

插卡換電 + 防水防撞 + 通話有筆:三星 Galaxy Tab Active 3 平板試玩實測!插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 自家獵戶座處理器 Exynos 9810 其實用過在自家旗艦手機 S9 系列、Note 9 及 Note 10 Lite 身上;呢款採用 10nm 製程工藝的旗艦級處理器,當年對手係高通的 Snapdragon 845 處理器;實測安兔兔綜合性能測試達到 297981 分,分數仲稍好過之前搭載呢粒 SoC 的手機。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 至於 Geekbenck 5 單核和多核性能測試結果都唔弱:單核心得到 338 分;多核心得到 1987 分。

插卡換電 + 防水防撞 + 通話有筆:三星 Galaxy Tab Active 3 平板試玩實測!插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 對比高通 S845 處理器,大家可以見到 Tab Active 3 單核性能稍弱,但多核心性能就挽回一仗;整體上黎講,日常中絕大部分工作 Tab Active 3 都能輕鬆勝任。

插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 在 Androbench 讀寫測試令人驚喜! 原本估計 64GB ROM 多數係用慢速 eMMC 晶片;結果,連續讀寫和隨機讀寫的速度相當滿意,四項破百的速度在平常操作反應都相當靈敏。

插卡換電 + 防水防撞 + 通話有筆:三星 Galaxy Tab Active 3 平板試玩實測!插卡換電 + 防水防撞 + 通話有筆:三星 Galaxy Tab Active 3 平板試玩實測!
▲ 係 Geekbench 4 的續航測試當中,得分只有 5230 分,由於電池容量只有 5050mAh,所以續航力表現並不亮麗,但本 YK 在日常睇網頁、寫電郵、畫示意圖等都可以堅持連續 12 小時輕度的工作量;而 Tab Active 3 優點在於可換電,又可以拆電 + 接線操作平板,更適合經常定點操機的用戶。


超長總結
三星今年的平板電腦都相當吸引,繼之前我愛不惜手的 Tab S7 後,今次連 Active 系列都引進到港,實在係用戶福音。有網友嫌 3888 元的定價高,唔好意思 I DON'T SO。正如我開首所講,宜家市場上邊度有得買插卡換電的平板? 仲要有防水防撞軍規級認證! 仲要係可以打到電話、直接聽到電話的 LTE 平板!仲要有握感超好的特粗版 IP68 認證 S Pen 磁感筆啊!

部機有無乜大缺點? 有網友擔心話機體重量超過 500g 覺得好重,但其實部 Tab S7 都有 500g 重,成年人雙手操作都問題不大。但我試過比小朋友玩,好消息係佢地覺得重好快就唔玩,而細路仔唔玩機係好事黎 XD。有樣野反而開頭覺得好唔習慣:實體三天王。 手指一旦習慣了虛擬鍵的「無力觸控」後,實體三天王要用力按壓反而一時間接受唔到。

但當你以爲非旗艦型號平板的其他硬件用料就是是但但、求其了事? NO,你再望真少少 ~ 藍牙 5.0 佢有;Wi-Fi6 (802.11 ax)佢都有;NFC Payment 佢都支持;Wireless DeX 佢都有;想用黎做戶外行山地圖? GPS、Glonass、北斗、伽利略佢都有,仲有陀螺儀、地磁感應器、加速計,做電子地圖無難度。再細心少少睇:支 S Pen 係特別有掛繩設計,原廠送的套都係有掛繩設計,屏幕本身亦支持手套觸控模式,充電亦可以手動選擇快充或慢充保護電池。 呢部 Galaxy Tab Active 3 設計師相當細心,好多細微位都做到出黎。

你見到我好難得地係會大讚特讚一件產品,因爲 Galaxy Tab Active 3 係市場上根本無同類產品對手,三星香港呢次填補左多年無人理會的空白,大家可能都唔明白本人心中的果份激動 ~望住自己手上部 8 吋芒 LTE 平板已經係整整三年前的產物,睇黎又係時候買聖誕禮物了 ~
 
您可能也喜歡▼